Uzun dumli jayra

Vikipediya, ochiq ensiklopediya

Uzun dumli jayra[1] (Trichys fasciculata) — Hystricidae oilasiga mansub kemiruvchilar turi. Trichys turkumining yagona vakili Malay yarim orolining bir qismida, Borneo va Sumatra orollarida oʻrmonlar va ekin maydonlarida yashaydi.

Koʻrinishidan  katta kalamushga oʻxshaydi. Tana uzunligi 35-48 sm, dumi 17,5-23 sm, vazni 1,75-2,25 kg. Moʻynasi yuqorisi jigarrang, pastki qismida oq rangda. Tana oʻrtacha uzunlikdagi teng, egiluvchan ignalar bilan qoplangan. Ignalar asosan orqa tarafida boʻlganligi sababli, oʻzini himoya qilganda u dushmaniga orqa oʻgiradi. Quyrugʻi jigarrang va tangachali, u osongina uzilib ketadi va koʻproq kattalar, ayniqsa urgʻochilari quyruqsizdir. Oldingi oyoqlarida toʻrtta barmoq va orqa oyoqlari beshta barmoqlar boʻlib, barchasi uzluksiz membranalar bilan bogʻlangan va qalin tirnoqlari bilan qurollangan.

Uzun dumli jayra tuklarini dikkaytirib shaqillata olmaydi. Faoliyati asosan tunda namoyon boʻladi. U asosan quruqlikda yashovchi hayvon boʻlsa-da, u daraxtlar va butalarga yaxshi tirmashadi. U gʻorlarda, yoriqlarda, boshqa sutemizuvchilar tomonidan qazilgan yer osti inlarda; ular tropik oʻrmonlarning yumshoq tuprogʻida boshpana topadi. Asosan oʻtxoʻr (ayniqsa, mevalar, urugʻlar, bambuk kurtaklari), biroq umurtqasiz hayvonlar bilan ham oziqlanishi mumkin. Ayrim hududlarda hayvonlar ananaslarni yoʻq qilayotgani haqida xabarlar bor.

Manbalar[tahrir | manbasini tahrirlash]

  1. Sokolov V. Ye. Pyatiyazichniy slovar nazvaniy jivotnix. Mlekopitayuщie. Latinskiy, russkiy, angliyskiy, nemeskiy, fransuzskiy. / pod obщey redaksiey akad. V. Ye. Sokolova. — M.: Rus. yaz., 1984. — S. 194. — 352 s. — 10 000 ekz.

Adabiyotlar[tahrir | manbasini tahrirlash]