Trenchin

Trenchin
Trenchin; Trenčín
	Shahar
	; Bayroq ; Gerb
	48°54′0″N 18°2′0″E / 48.90000°N 18.03333°E G OKoordinatalari: 48°54′0″N 18°2′0″E / 48.90000°N 18.03333°E G O
Mamlakat	Slovakiya
Viloyat	Trenchin viloyati
Ilk eslatilishi	1111
Maydon	82 km2 (32 mi²)
Markazi balandligi	211 m
Aholisi	55 593 kishi (2 016-yil 31-dekabr)
Zichligi	692 kishi/km2
Vaqt mintaqasi	UTC+1, yozda UTC+2
Telefon kodi	0 32
Pochta indeks(lar)i	911 XX
Avtomobil kodi	TN

Trenchin (slovak. Trencin, veng.: Trencsén) Slovakiyaning gʻarbiy qismidagi sanoat shahri. Chexiya chegarasidan 10 km uzoqlikda, Vah daryosi boʻyida, Rim legioni Laugaritsio oʻrnida joylashgan. Trenchin viloyatining markazi (4501 km², 18 shahar). Shahar aholisi taxminan 56 ming kishini tashkil qiladi.

Tarixi[tahrir | manbasini tahrirlash]

Hududda aholi qadim zamonlardan beri yashab keladi. Shaharning oʻrtasida joylashgan qoya ustida 1069-yilda qurilgan tipik oʻrta asr qal’asi joylashgan. Trenchin 179-yilda ikkinchi Rim legionining german qabilalari ustidan qozongan gʻalabasi haqidagi lotin yozuvlari bilan mashhur. Laugaritsio nomi bilan atalgan bu yozuvlar Markaziy Yevropaning eng shimoliy mintaqalariga Rim askarlarining yetib borganligiga isbotdir.

Trenchin birinchi marta 1111-yilda tilga olingan, lekin shubhasiz bundan oldin ham mavjud boʻlgan. Qal’aning asosiy minorasi XI asrga tegishli. 1275-yilda Trenchin nufuzli vengriya feodali Pyotr Chak qoʻliga oʻtdi. 1302-yildan 1321-yilgacha qal’a uning oʻgʻli, Slovakiyani harbiy va siyosiy jihatdan boshqargan kuchli hukmdorMatus Chak uchun taxt boʻlib xizmat qildi (slovak. Matúš Čák, veng.: Máté Csák).

1412- yilda Trenchin erkin qirollik shahri huquqini oldi. 1790-yilda shahar va qal’a katta yongʻin natijasida yonib ketdi. XIX asrning ikkinchi yarmidan boshlab, Trenchin oʻrta Povajyada muhim sanoat shaharchasi boʻlib qoldi.

Hozirgi holati[tahrir | manbasini tahrirlash]

Shahar harbiy sanoatning markazi boʻib, bu yerda samolyot taʼmirlash zavodi (2010-yilda Slovakiya aviatsiya instituti OAJ tarkibiga kirgan) va harbiy taʼmirlash zavodi mavjud^[1].

Trenchin qal’asi[tahrir | manbasini tahrirlash]

Slovakiyadagi uchinchi yirik qal’a shaharning eng baland qismida joylashgan. U yuqori va pastki qismlarga boʻlingan hamda kuchli mustahkamlangan. Yuqori qismi oʻrta asr minorasini oʻrab turgan bir nechta saroy tipidagi binolardan iborat boʻlib, u hozirgacha shaharning eng baland nuqtasi hisoblanadi. Qal’aning ostidagi tepaliklarda cherkov joylashgan boʻlib, unga yaqin atrofdagi koʻchalarga olib boradigan qadimiy yoʻllar orqali oʻtiladi. Eski shahardagi katta maydonda barokko uslubidagi cherkov, turli xil doʻkonlar va shahar minorasi mavjud.