Toshkent axborot texnologiyalari universitetining Fargʻona filiali

Vikipediya, ochiq ensiklopediya
Jump to navigation Jump to search

TATU Fargʻona filiali, Oʻzbekiston Respublikasi Prezidentining 2005-yil 2-iyundagi PQ – 91-son “Axborot texnologiyalari sohasida kadrlar tayyorlash tizimini takomillashtirish toʻgʻrisida”gi qarori, Oʻzbekiston Respublikasi Oliy va Oʻrta maxsus taʼlim vazirligining 2005-yil 14-iyun 130-son “Oliy ta’lim muassasalari filiallari toʻgʻrisidagi namunaviy Nizomni tasdiqlash toʻgʻrisida”gi buyrugʻi hamda Oʻzbekiston aloqa va axborotlashtirish agentligining 2005-yil 21-iyul 07-8/2015-son taqdimnomasini amalga oshirish maqsadida 2005-yil 23-iyuldan Fargʻona shahrida Toshkent axborot texnologiyalari universitetining mintaqaviy filiali sifatida tashkil etilgan.

Filialda jami 85 ta professor oʻqituvchi faoliyat koʻrsatib, shundan 22 nafari fan nomzodi, 63 nafari ilmiy daraja va unvonga ega boʻlmagan pedagoglar faoliyat koʻrsatadilar. Oʻqituvchilar safida kafedra professorlari: dotsentlar D. Halilov, N. Usmonov va boshqalarning nomlarini alohida hurmatga sazovor.

Fakultetlar[tahrir]

Toshkent axborot texnologiyalari universiteti Fargʻona filiali quyidagi yoʻnalishlar boʻyicha bakalavrlar tayyorlaydi:

  • Kompyuter injeneringi
  • AKT sohasida kasb taʼlimi
  • Telekommunikatsiya texnologiyalari
  • Dasturiy injenering
  • Axborot xavfsizligi

Toshkent axborot texnologiyalari universiteti Fargʻona filiali quyidagi mutaxassisliklar boʻyicha magistrlar tayyorlaydi:

  • Kompyuter injiniringi (“Kompyuter injiniringi tizimlarini loyihalash”)
  • Kasb taʼlimi (axborot va multimedia texnologiyalari boʻyicha)