Toʻraqoʻrgʻon tumani

Vikipediya, ochiq ensiklopediya
(To'raqo'rg'on Tumanidan yoʻnaltirildi)
Jump to navigation Jump to search
Toʻraqoʻrgʻon tumani
tuman
Tarkibida Namangan viloyati
Maʼmuriy markazi Toʻraqoʻrgʻon
Asos solingan sanasi 1936-yil
Hokim Turdiev Rahmatjon Negmatovich
Rasmiy tili oʻzbek
Aholi (2011) 193,330
Millatlar tarkibi Oʻzbeklar - 99,1%
Dinlar tarkibi musulmonlar
Maydoni 309 km²
Toʻraqoʻrgʻon tumani xaritada
Soat mintaqasi UTC+5
Telefon kodi +998
Internet domeni 4435
Avtomobil raqami kodi 50

Toʻraqoʻrgʻon tumani - Namangan viloyatidagi tuman. Viloyatning gʻarbida joylashgan. 1936-yil 17-fevralda tashkil etilgan. 1962-yil 24-dekabrda Namangan tumani bn birlashtirilgan[1]. 1970-yil 7-dekabrda qayta tuzildi. Sharqdan Namangan tumani va qisman Namangan shahri, janubdan Mingbuloq, gʻarbdan Chuyet, shimoldan Kosonsoy tumanlari bilan chegaradosh. Maydoni 0,33 ming km2. Aholisi 193 ming kishi (2011). Toʻraqoʻrgʻon tumanida 1 shahar (Toʻraqoʻrgʻon), 1 shaharcha (Oqtosh), 8 qishloq fuqarolari yigʻini (Axsi, Buramatut, Yortepa, Qatagʻonsaroy, Sayram, Xolmatov, Xoʻjand, Shahand) bor. Markazi — Toʻraqoʻrgʻon shahri.

Tabiati[tahrir]

Tumanning shimoli-sharqiy va janubiy qismi tekislik, gʻarbiy qismi esa togʻ etaklari va Yertikan, Bogʻibaland, Kengkoʻlsoy, Nahor va Rezaksoy adirlaridan iborat. Tuproqlari boʻz va shagʻal tuproqlar. Iqlimi keskin kontinental, yanvar oyining oʻrtacha harorati —2°, —3°, eng past harorati —29 °C. Iyul oyining oʻrtacha harorati 26,3 °C, eng yuqori harorat 42°. Yillik yogʻin 188 mm. Vegetatsiya davri 229 kun. Tuman hududining janubiy qismidan Sirdaryo, shimolidan Kosonsoy, gʻarbiy qismidan Sumsarsoy soylari oqadi. Tuman hududidan Shimoliy Fargʻona, Mosh kanallari, shimoliy qismidan Katta Namangan kanali oʻtgan.

Yovvoyi oʻsimliklardan adirlarda rang, qoʻngʻirbosh, shaytonkavush, oqquray, oqshuvoq, mingbosh; pashmak, baliqkoʻz, seta, pashmakshoʻra, yulgʻun, Sirdaryo sohillarida yantoq, qamish va boshqalar oʻsadi. Yovvoyi hayvonlardan kalamush, qoʻshoyoq, koʻrsichqon, boʻrsiq, boʻri, tulki, jayra; ilon va kaltakesaklar, qushlardan chumchuq, chugʻurchiq, soʻfitoʻrgʻay, popishak, bedana, bulbul, soch, qargʻa, gʻoz, loyxoʻrak, qirgʻovullar bor.

Aholisi[tahrir]

Aholisi, asosan, oʻzbeklar, shuningdek, qozoq, qirgʻiz, tojik, rus, tatar, uygʻur, ukrain, yahudiy va boshqa millat vakillari ham yashaydi. Aholining oʻrtacha zichligi 1 km2 ga 515,1 kishi (2004).

Xoʻjaligi[tahrir]

Toʻraqoʻrgʻon tumanida yirik sanoat va qurilish tashkilotlaridan "OhangarIII", qishloq xoʻjalik mashinasozligi, gʻisht zavodi, qishloq qurilish kombinati, "Koopagrofirma", paxta tozalash zavodi, "Qishloqxoʻjalik kimyo", "ToʻraqoʻrgʻonDehqonmashtaʼminot", Toʻraqoʻrgʻon MTP korxonalari, Shirinlik" Uzbekistan—Gollandiya, "Axsikent" Oʻzbekiston—Turkiya qoʻshma korxonalari, qishloq qurilish konstruksiyalari kombinati, "Shams" gugurt fabrikasi, noruda materiallar karyeri, Oqtosh avtomobil yoʻlidan foydalanish boshqarmasi mavjud.

Tumanda 147 ta davlat korxonasi, 21 ta aksiyadorlik jamiyati, 421 ta xususiy korxona, 5 qoʻshma korxona, 259 fermer, 221 dehqon xoʻjaligi va boshqalar mavjud (2003).

Qishloq xoʻjaligi[tahrir]

Qishloq xoʻjaligining asosiy tarmoqlari — paxtachilik, gʻallachilik, pillachilik va bogʻdorchilik. Tumanda 10 paxtachilik, 2 bogʻdorchilik va tokchilik shirkat xoʻjaliklari bor. 6450 ga yerga paxta, 5076 ga yerga don, 1317 ga yerga yemxashak ekinlari ekiladi. 1609 ga yer bog va tokzorlar bn band (2003). Tuman jamoa va shaxsiy xoʻjaliklarida 30,3 ming qoramol, 34,6 ming qoʻy va echki, 52,6 ming parranda va 331 yilqi boqiladi (2003). Toʻraqoʻrgʻon tumani orqali ToshkentNamanganAndijon poyezdi oʻtadi.

Ijtimoiy soha[tahrir]

Tumandagi 67 umumiy taʼlim maktabida 43 ming oʻquvchi taʼlim oladi. Toʻraqoʻrgʻon qishloq xoʻjaligi kasbhunar kolleji (1100 oʻquvchi), kasbhunar litseyi (500 oʻquvchi), Shahand qishloq xoʻjaligi kasbhunar kolleji (400 oʻquvchi), Xoʻjand sanoattransport kasbhunar kolleji (400 oʻquvchi), "Kamalak" bolalar istirohat bogʻi, 56 kutubxona, Ibrat adabiyot muzeyi, shonshuhrat va ustozmurabbiylar muzeylari, madaniyat saroyi faoliyat koʻrsatadi (2003).

Sport, kurash maktablari, 2 stadion, 30 sport zali, 69 futbol maydoni, 36 qoʻl toʻpi maydoni, 7 tennis korti, 18 gimnastika maydoni, 24 mini futbol, 25 basketbol maydoni, 2 suzish havzasi mavjud[2].

Tumandagi 28 tibbiyot muassasasida 281 vrach (har 10 ming aholiga 17 vrach), 1281 oʻrta tibbiy xodim ishlaydi. "Shahand" sanatoriysi faoliyat koʻrsatadi. Meʼmoriy yodgorliklardan Toʻraqoʻrgʻon tumanida Gʻoyibnazarqozi madrasasi (1892), Falosbonbuva (1860), Langarbibi maqbaralari (18a), Sirli (1895), Baland (1895), Omonboybuva (1890), Bozorboshi (1860), Mirza Hamdam (1883), Isoqxontoʻra (1806) masjidlari; qadimgi Axsikat shahrining xarobalari bor. 1971-yil 1 sentyabrdan tuman "Davr" gazetasi nashr etiladi (adadi 5000).

Manbalar[tahrir]