Sviatlana Kudzelich
| Sviatlana Kudzelich | |
|---|---|
 Sviatlana Kudzelich 2012-yilgi Yozgi Olimpiada oʻyinlarida | |
| Shaxsiy maʼlumotlari | |
| Tavallud sanasi | 1987-yil 7-may |
| Boʻyi | 1.7 m (5 ft 7 in) |
| Vazni | 51 kg (112 lb) |
| Sport | |
| Mamlakat |
 Belarus |
| Qaysi sport | yengil atletika |
Svyatlana Mixailauna Kudzelich (belaruscha: Святлана Міхайлаўна Кудзеліч; 1987-yil 7-mayda Pinskda tugʻilgan) – belaruslik uzoq masofaga yuguruvchi. 2012 va 2016-yilgi Yozgi Olimpiada oʻyinlarida ishtirok etgan. 2015-yilgi Yevropa chempionida kumush medalini qoʻlga kiritgan, biroq 2024-yilda Yelena Korobkinada doping aniqlanib, diskvalifikatsiya qilinishi ortidan Kudzelich 2015-yilgi yopiq inshootda oʻtkazilgan Yevropa chempionatida 3000 metr masofaga yugurish bahslari chempioni sifatida tan olingan[1].
Biografiyasi
[tahrir | manbasini tahrirlash]Kudzelich 5-sinfda darsdan qochib, maktabda oʻtkazilgan kross musobaqasida qatnashishga qaror qilgan va kutilmaganda musobaqada gʻalaba qozongan. Keyinchalik shahar miqyosidagi yugurish musobaqasida ham gʻolib boʻlgan va shundan soʻng yugurish sportini oʻzining asosiy mashgʻulotiga aylantirgan[2] .
Toʻsiqlar osha yugurish boʻyicha shugʻullanishdan oldin Kudzelich uzoq masofalarga yugurgan va ushbu yoʻnalishda yoshligida yaxshi natijalarni koʻrsatgan. Oʻsmirlar oʻrtasidagi Yevropa chempionatida uchinchi, yoshlar oʻrtasida 5 kilometrga yugurish bahslarida ikkinchi oʻrinni egallagan. 2010-yilgi Yevropa chempionatida esa 10 000 metrga yugurgan, biroq musobaqa medallariga ega chiqmagan.
2020-yilning sentyabr oyiga qadar Favqulodda vaziyatlar vazirligining Mafkuraviy ishlar va kadrlar boʻlimida oʻqitish va sport inspektori sifatida katta leytenant lavozimida ishlagan. 2020-yil 18-avgust kuni Belarusda boʻlib oʻtgan norozilik namoyishlari chogʻida boshqa belaruslik sportchilar bilan birgalikda mamlakatdagi zoʻravonliklarni qoralab, yangi prezident saylovlarini oʻtkazishni talab qiluvchi ochiq maktubni imzolagan. Shundan soʻng, Favqulodda vaziyatlar vazirligidan ishdan boʻshatilib, maoshidan mahrum qilingan[3][4]. Shuningdek, bu ishi uchun milliy terma jamoa safidan ham chetlashtirilgan[5]. Uning eri va murabbiyi Igar Javaranak ham Lukashenko rejimi tomonidan taʼqib qilingan[5]. Biroq juftlik 2020-yilgi Yozgi Olimpiada oʻyinlariga mustaqil ravishda tayyorgarlik koʻrishni davom ettirgan[5].
Manbalar
[tahrir | manbasini tahrirlash]- ↑ „Muir awarded retrospective European Indoor bronze“ (en-GB). BBC Sport. Qaraldi: 2024-yil 5-yanvar.
- ↑ „Светлана Куделич: «Рай — на небе, а на земле нужно бороться за жизнь»“. 2021-yil 27-aprelda asl nusxadan arxivlangan. Qaraldi: 2016-yil 27-avgust.
- ↑ „"Требуем признать выборы недействительными". Почти 450 спортсменов и работников отрасли подписались под открытым письмом с требованиями к власти“.
- ↑ „Lishili zarplati, vikinuli iz sbornoy“: belorusskaya chempionka Kudelich opisala repressii / mk.ru
- 1 2 3 Руто. „Исключенная из сборной бегунья уехала готовиться к ОИ в Африку (помог фонд Герасимени) – живет в доме топ-спортсменки и удирала от силовиков без формы“ (ru). BY.Tribuna.com (2021-yil 21-mart). 2021-yil 22-martda asl nusxadan arxivlangan. Qaraldi: 2021-yil 22-mart.
