Solon

Solon
Σόλων
Solon byusti
Tavalludi	tax. mil. av. 630 Afina
Vafoti	tax.  mil. Av. 560 Afina
Fuqaroligi	Qadimgi Afina
Kasbi	davlat arbobi, huquqshunos, shoir

Solon (qadimgi yunoncha: Σόλων; mil. avv. 640 va 635-yillar orasida – Afina – taxminan mil. avv. 559-yil) – afinalik siyosatchi, qonun chiqaruvchi va shoir, Qadimgi Yunonistonning „yetti donishmand“idan biri.

Solon avval podshohlar sulolasi boʻlgan Kodriylarning mashhur urugʻidan boʻlgan. Siyosiy faoliyati boshlanishidan oldin hamyurtlari orasida shoir sifatida tanilgan. Birinchi afinalik shoir boʻlib, bundan tashqari, baʼzi sheʼrlarning siyosiy yoʻnalishi tinglovchilarning eʼtiborini tortishi kerak edi. Solonning siyosiy faoliyati Megara bilan urush paytida Salamin yurushi bilan boshlangan. Muvaffaqiyatli yakunlangan yurishdan soʻng Birinchi Muqaddas urushni boshlagan. Miloddan avvalgi 594-yilga kelib, eng nufuzli va obroʻli afinalik siyosiy arbobga aylanadi.

Solon miloddan avvalgi 594/593-yillarda arxont-eponim etib saylangan. Bundan tashqari, unga favqulodda vakolatlar beriladi. Solon bir qator islohotlarni amalga oshirgan (sisaxfiya, mulk senzi, hakamlar sudi va Toʻrt yuzlar kengashini taʼsis etish va boshqalar), ushbu arxaik Afina tarixining, Afina davlatining shakllanishining eng muhim bosqichidir. Arxontlikdan soʻng islohotchi sayohatga chiqqan, sayohat davomida Sharqiy Oʻrta yer dengizining turli hududlarida boʻlgan. Sayohatdan soʻng Solon siyosiy hayotda faol qatnashmagan. Taxminan miloddan avvalgi 559-yilda Afinada vafot etgan.