Shoshana Gershonovits
.jpg)
Shoshana Gershonovits (ibroniycha: שושנה גרשונוביץ ; 1906–1986) Isroil Mudofaa Kuchlari zobiti boʻlib, 1952-yildan 1959-yilgacha Ayollar korpusi qoʻmondoni boʻlib xizmat qilgan[1].
Hayoti va faoliyati
[tahrir | manbasini tahrirlash]Shoshana Gershonovits Rossiyada tugʻilgan, u yoshlik chogʻida Rossiyadan koʻchib kelib, Quddusga joylashgan. U Haganah safida faol boʻlgan[1]. Ikkinchi jahon urushi davrida u Yordamchi hududiy xizmatga qoʻshilgan dastlabki 66 ayoldan biri, ofitser darajasiga koʻtarilgan toʻrtta ayoldan biri boʻlgan[2] va kapitan unvoni bilan nafaqaga chiqqan[1].
1947-yilda Shoshana Gershonovits Quddusda Haganahning ayollar bo‘linmasini tashkil etadi[1]. U IDF Ayollar korpusining ilk qoʻmondoni boʻlgan Mina Ben-Zvining oʻrinbosari sifatida xizmat qilgan[2]. 1952-yilda u Naxalning ayollar qoʻmondoni boʻlib xizmat qilgan[3]. 1952-yildan 1959-yilgacha Shoshana Gershonovits polkovnik unvoniga koʻtarilib, Ayollar korpusi bosh qoʻmondoni sifatida, IDF shaxsiy tarkibi bosh boshqarmasiga bevosita boʻysunuvchi holda, barcha IDF ayollariga mas’ul boʻlib xizmat qilgan[2]. Armiyadan ketgach, u Vashington, Kolumbiya okrugidagi ayollar tashkilotlari bilan aloqa boʻyicha attashe sifatida ishlagan[4].
Shoshana Gershonovits 1958-yil 18-maydagi What's My Line? nomli viktorina koʻrsatuvi sonida Shoshana Gershom nomi bilan ishtirok etgan va hay’at uning kasbini topa olmagani sababli, ularning “boshini qotirgan”[5].
Shoshana Gershonovits 1986-yilda vafot etgan.
Manbalar
[tahrir | manbasini tahrirlash]- 1 2 3 4 Reuven Ben Zvi, Maariv, Retired colonel Shoshana Gershonowitz passed away, 18 August 1986
- 1 2 3 Esther Herlitz, Shoshana Gershonowitz, Hyman Encyclopedia of Jewish Woman.
- ↑ Davar, 10 May 1959
- ↑ Haaretz, 16 October 1961
- ↑ „What's My Line? - Steve Allen; Ralph Bellamy [panel] (May 18, 1958)“. YouTube (2014-yil 5-fevral).
 |
Vikiomborda „Shoshana Gershonovits“ mavzusi boʻyicha mediafayllar bor. |