Muhammad Shayboniy

Muhammad Shayboniy
	Muhammad Shayboniy
	; Muhammad Shayboniyning portreti; Kamoliddin Behzod
1-Buxoro xoni
	Mansab davri; 1500-yil – 2-dekabr 1510-yil
Oʻtmishdoshi	Yoʻq
Vorisi	Suyunchxoʻjaxon
Shaxsiy maʼlumotlari
Tavalludi	Abulfath Muhammad Shayboniy; 1451-yil; Oʻzbek xonligi (Dashti qipchoq)
Vafoti	2-dekabr 1510-yil ; Marv yaqinidagi Mahmudobod qishlogʻi (Xuroson)
Oʻlim sababi	Marv jangi
Fuqaroligi	Oʻzbek xonligi → Buxoro xonligi
Turmush oʻrtogʻi	Xonzoda begim; Mehr Nigor xonim
Bolalari	Muhammad Temur sulton; Xurramshoh sulton; Suyunch Muhammad sulton; Shohrubonu
Ota-onasi	Shohbudogʻ sulton; Oq Qoʻzi biyim;
Taʼlim	Buxoro madrasalari

Muhammad Shayboniy (Shayboniyxon) (1451-yil, Oʻzbek xonligi — 1510-yil 12-dekabr, Marv) — davlat arbobi, sarkarda va oʻzbek shoiri. Hazrati imom uz-Zamon xalifat ur-Rahmon (zamona imomi va xalifasi) unvoniga erishgan. Movarounnahrda Shayboniylar hukmronligini oʻrnatgan.

Ismi

Uning haqiqiy ismi V. V. Bartoldning fikriga koʻra — Shohbaxt Muhammad^[1], boshqa: R. G. Mukminova, V. P. Yudin va Edvard Allworth kabi tadqiqotchilar fikrlariga koʻra esa^[2]^[3]^[4] — Abulfath Muhammad Shayboniyxon boʻlgan. Shayboniy — sheʼriy taxallusidir^[1]. Po dannim sovremennika Sheybani-xana — Mulla Shadi, i vostokovedov: V. P. Yudina, R. G. Mukminovoy Sheybani-xan takje nosil poeticheskoe prozviщe — Shaxbaxt (korolevskoe schaste)^[2]^[5]. Shayboniyxonning zamondoshi — Mulla Shodiy va sharqshunos olimlar: V. P. Yudin, R. G. Mukminovalarning yozishicha, Shohbaxt (shoh baxti) ham Shayboniyxonning sheʼriy taxallusi boʻlgan. Oʻzbekiston Milliy Ensiklopediyasida yozilishicha, Shaxbaxt taxallusi unga Abulxayrxon tomonidan berilgan. U asos solgan sulola tarixda Shayboniylar nomi bilan tanilgan, ammo bu sulola vakillaridan hech biri Muhammad Shayboniy avlodi boʻlmagan^[6].

Tarjimai holi

Oʻzbek ulusi hukmdori Abulxayrxonning (1428—1468) oʻn bir oʻgʻli boʻlib, ulardan biri Shayboniyxonning otasi Shohbudogʻ boʻlgan. Shayboniyxonning onasining ismi Oq Qoʻzi biyim boʻlgan^[7].

Tarixchi Kamoliddin Binoiyning yozishicha, Shohbudogʻ sulton toʻngʻich oʻgʻliga Sulton Muhammad Shayboniy ismini qoʻygan, taxallusi esa „Shohbaxt“ boʻlgan^[8].

Manbalarga koʻra, Shayboniyxonning nasabnomasi quyidagicha: Chingizxon oʻgʻli Joʻchixon, Joʻchixon oʻgʻli Shaybon, Shaybon oʻgʻli Baniyol Bahodur, Baniyol Bahodur oʻgʻli Yis Buka, Yis Buka oʻgʻli Jochi Bukaxon, Jochi Bukaxon oʻgʻli Shohibekxon, Shohibekxon oʻgʻli Abduloʻgʻlon, Abduloʻgʻlon oʻgʻli Mingtemurxon, Mingtemurxon oʻgʻli Fuladxon, Fuladxon oʻgʻli Ibrohimoʻgʻlon, Ibrohimoʻgʻlon oʻgʻli Davlatshayx oʻgʻlon, Davlatshayxoʻgʻlon oʻgʻli Abulxayrxon, Abulxayrxon oʻgʻli Shohbudogʻxon, Shohbudogʻxon oʻgʻli Abulfath Muhammad Shayboniyxon boʻlgan^[3].

Qizigʻi shundaki, „Tavorixi Guzidayi Nusratnoma“ da Shayboniyxon Mingtemur bobosining xotini Ismoil Somoniy avlodidan boʻlgan Jandibekning qizi ekanligi qayd etilgan^[9].

Shayboniyxonning otasi Shohbudogʻxon oʻqimishli odam boʻlib, uning buyrugʻi bilan fors tilidagi asarlarni turkiy tilga tarjima qildirgan^[10].

Hokimiyatga kelishi

Muhammad Shayboniy Oʻzbek xonligi hukmdori Abulxayrxonning nabirasi, Shohbudogʻ sultonning oʻgʻli. Abulxayrxon unga Shohbaxt deb laqab qoʻygan. Otasining erta vafotidan soʻng, bobosining qaramogʻida qolgan. Ukasi Sulton Muhammad bilan birga Boyshayx otaligʻida voyaga yetgan. Muhammad Shayboniy 1480-yillarda Abulxayrxon vafotidan soʻng Dashti Qipchoqning asosiy hududida oʻz hukmronligini oʻrnatmoqchi boʻlgan. U 1490-yillardan oʻzaro kurashlar va ichki nizolar tufayli tobora zaiflashib borayotgan Temuriylar hududi boʻlgan Movarounnahrda ham oʻz hukmronligini oʻrnatish uchun harakat boshlagan. XV asr oxiri — XVI asr boshlarida Movarounnahrga qilgan yurishlari natijasida hokimiyat boshqaruvi uning qoʻliga oʻtgan. Muhammad Shayboniy Turkistonning Sigʻnoq, Sabron, Yassi shaharlarini ham oʻz qoʻl ostiga kiritgan. 1504-yil Hisor, Qunduz, Badaxshon, Balx, 1505-yilda Xorazm, 1507-yilda Hirot ham Muhammad Shayboniy qoʻl ostiga oʻtgan. Keyinroq Eronning Mashhad va Tus shaharlarini ham egallagan.

Vafoti

Shayboniyxon qabrtoshi, 1510-yil, Sankt Peterburg, Ermitaj

1510-yilda Marv yaqinidagi Mahmudobod qishlogʻida Safaviylar shohi Ismoil I Safaviyning 70 ming kishilik askari bilan Muhammad Shayboniy qoʻshini oʻrtasidagi jangda uning qoʻshinlari magʻlubiyatga uchragan va xonning oʻzi ham halok boʻlgan. Uning boshsiz tanasi Samarqanddagi Baland sufaga dafn qilingan. Baland sufa Registon maydonida Tillakori va Sherdor madrasalari oʻrtasidagi burchakda joylashgan boʻlib, bu yerga keyinchalik boshqa Shayboniylar ham dafn etilgan. Keyinchalik Shayboniylar daxmasi deb nomlangan.

Shayboniyxon unvonlari va uning diniy siyosati

Shayboniyxon chiqargan tangalarda u olgan unvonlar: „Eng buyuk sulton, rahmdil [Allohning] podshohi, din himoyachisi“; „Oʻz davrining imomi, rahmdil [Allohning] hokimi Abulfath“. Yozuvlar har-xil boʻlib, ikkinchisida ancha aniqroq, teokratik fikr ifodalangan va sarlavhada Shayboniyxon oʻz davrining imomi" ekanligi taʼkidlangan^[11].

Shayboniyxon eroniylar va turkiylarni milliy asosda ajratmagan, balki paygʻambarning „hamma musulmonlar birodardir“ degan hadislariga amal qilgan^[12].

Nufuzli diniy arboblardan biri, asli yamanlik amir Sayyid Shamsiddin Abdulloh al-Arabiy al-Yamaniy al-Hadramautiy (Mir-i Arab nomi bilan mashhur) Shayboniyxonning homiyligidan panoh topgan, devon majlislarida doimiy ishtirok etgan va uning yurishlarida xonga hamrohlik qilgan^[13].

Ijodi

Muhammad Shayboniy 1501-1507-yillarda Turkistonda markazlashgan davlat qurdi. U saroy adabiyotining mavqeini yaxshilashga uringan. Uning oʻzi oʻzbek tilida gʻazal, ruboiylar ham bitgan. Uning ana shu gʻazal, ruboiylaridan ayrimlari va „Baxrul xudo“ nomli dostoni, oʻgʻli Muhammad Temur sultonga atab yozgan pand-nasihatlardan iborat kitobi (yagona nusxasi Turkiyada saqlanadi) bizgacha yetib kelgan. Undan koʻchirilgan nusxa Oʻzbekiston milliy universiteti Oʻzbek mumtoz adabiyoti kafedrasining qoʻlyozmalar jamgʻarmasida mavjud. Muhammad Shayboniy haqida Tarixi guzida, Binoiyning Shayboniynoma, Hasanxoja Nisoriyning Muzakkiri ahbob, Muhammad Solihning Shayboniynoma va Boburning Boburnoma asarlarida maʼlumotlar bor.

Hukmdor shoirning ijodi yuzasidan xorijiy olimlar F. Koʻprulu, Y. Ekman, O. Akbiyik, Y. Qorasovning tadqiqotlari maʼlum. Oʻzbek olimlari E. Axmadxoʻjaev va I. Bekjon uning Bahrul-hudo nomli qasidasini topishdi.

Adabiyotlar

Istoriya Uzbekistana, T.3. Tashkent, 1993.
Bartold V. V., Sochineniya, T2 (chast 2), M., 1964.
Ahmedov B. Tarixdan saboqlar. — T.: Oʻqituvchi, 1994;
ERASLAN Kemal (1991), Şibânî Hanʼın ʹBahru’l-Hüdâʹ Adlı Eseri. Türk Kültürü Araştırmaları Muharrem Erginʼe Armağan, Yıl: XXVIII/1-2, s.103-177
KARASOY, Yakup (1998), Şiban Han Dîvânı (İnceleme-Metin-Dizin-Tıpkıbasım), Ankara: Türk Dil Kurumu Yayınları
Malikov A. M., Torlanbayeva K. U. Nekotoryye osobennosti kul’turnoy identichnosti Sheybani-khana i monumental’noye stroitel’stvo v Samarkande v nachale XVI veka // Zolotoordynskoye obozreniye. 2022. T. 10, № 2. S. 391–413.
Mukminova R. G., K istorii agrarnykh otnosheniy v Uzbekistane XVI v. Po materialam „Vakf-name“. Tashkent. Nauka. 1966
Norik B. V. Rol' shibanidskikh pravitely v literaturnoy zhizni Maverannakhra XVI v. // Rakhmat-name: Sb. statey k 70-letiyu R. R. Rakhimova. SPb.: MAE RAN, 2008. S. 226–267.
Semyonov A. A. K voprosu o proiskhozhdenii i sostave uzbekov Sheybani-khana // Trudy akademii nauk Tadzhikskoy SSR. Tom XII. 1953. — C.3-37
Semyonov A. A. Sheybani-khan i zavoyevaniye im imperii Timuridov //Materialy po istorii tadzhikov i uzbekov Sredney Azii. Trudy AN Tad SSR, XII, vyp. I.- Stalinabad, 1954.
Fitrat A.. XVI asrdan soʻngra oʻzbek adabiyotiga umumiy bir qarash. Kitobda: Tanlangan asarlar. 2-jild. — T.: Maʼnaviyat, 2000.
A.Ibrohimov. Bizkim, oʻzbeklar… -T.: Sharq, 1999. B.29-46.

Manbalar

1 2 ЭСБЕ:Шейбани 1903, s. 371-373.
1 2 Allworth E., The modern Uzbeks. from the fourteenth century to the present. Stanford: Hoover institution press, 1990. p. 47
1 2 Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata: Nauka. 1969. S. 390
↑ R. G. Mukminova, K istorii agrarnix otnosheniy v Uzbekistane XVI v. Po materialam „Vakf-name“. Tashkent: Nauka. 1966. S. 227
↑ Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata: Nauka. 1969. S. 54
↑ Биографический словарь:Шейбани (Шах-Бахт Мухаммед) 2000.
↑ „КАМАЛ-АД-ДИН АЛИ БИНАИ->ШАЙБАНИ-НАМЕ->ТЕКСТ“. 2012-yil 30-aprelda asl nusxadan arxivlangan. Qaraldi: 2011-yil 1-sentyabr.
↑ Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata: Nauka. 1969. S. 97
↑ Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata, 1969. S. 35
↑ Istoriya Kazaxstana v persidskix istochnikax. T.5. Almati: Dayk-Press, 2007. S. 376
↑ Davidovich Ye. A. Denejnaya reforma 913/1507-914/1509. Muxammed-Sheybani-Xana (opit kompleksnogo istochnikavedeniya)// „Vostochnoe istoricheskoe istochnikovedenie i spesialnie istoricheskie dissiplini“, M., 1989
↑ A. A. SYeMYoNOV K VOPROSAM O PROISXOJDYeNII I SOSTAVYe UZBYeKOV ShYeBANI-XANA // MATYeRIALI PO ISTORII TADJIKOV I UZBYeKOV SRYeDNYeY AZII VIPUSK I S., 1954, s.70
↑ Fazlallax ibn Ruzbixan Isfaxani. Miksman-name-yi Buxara („Zapiski bukarskogo gostya“). Perevod R. P. Djalilovoy. M.: Nauka, 1976. S. 78-79.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

[FOOTNOTEЭСБЕ:Шейбани1903371-373-1] 1 2 ЭСБЕ:Шейбани 1903, s. 371-373.

[autogenerated7-2] 1 2 Allworth E., The modern Uzbeks. from the fourteenth century to the present. Stanford: Hoover institution press, 1990. p. 47

[autogenerated8-3] 1 2 Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata: Nauka. 1969. S. 390

[4] R. G. Mukminova, K istorii agrarnix otnosheniy v Uzbekistane XVI v. Po materialam „Vakf-name“. Tashkent: Nauka. 1966. S. 227

[5] Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata: Nauka. 1969. S. 54

[FOOTNOTEБиографический_словарь:Шейбани_(Шах-Бахт_Мухаммед)2000-6] Биографический словарь:Шейбани (Шах-Бахт Мухаммед) 2000.

[autogenerated4-7] „КАМАЛ-АД-ДИН АЛИ БИНАИ->ШАЙБАНИ-НАМЕ->ТЕКСТ“. 2012-yil 30-aprelda asl nusxadan arxivlangan. Qaraldi: 2011-yil 1-sentyabr.

[8] Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata: Nauka. 1969. S. 97

[9] Materiali po istorii kazaxskix xanstv XV—XVIII vekov. (Izvlecheniya iz persidskix i tyurkskix sochineniy). Alma-Ata, 1969. S. 35

[10] Istoriya Kazaxstana v persidskix istochnikax. T.5. Almati: Dayk-Press, 2007. S. 376

[11] Davidovich Ye. A. Denejnaya reforma 913/1507-914/1509. Muxammed-Sheybani-Xana (opit kompleksnogo istochnikavedeniya)// „Vostochnoe istoricheskoe istochnikovedenie i spesialnie istoricheskie dissiplini“, M., 1989

[12] A. A. SYeMYoNOV K VOPROSAM O PROISXOJDYeNII I SOSTAVYe UZBYeKOV ShYeBANI-XANA // MATYeRIALI PO ISTORII TADJIKOV I UZBYeKOV SRYeDNYeY AZII VIPUSK I S., 1954, s.70

[13] Fazlallax ibn Ruzbixan Isfaxani. Miksman-name-yi Buxara („Zapiski bukarskogo gostya“). Perevod R. P. Djalilovoy. M.: Nauka, 1976. S. 78-79.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]