Sergio Busquets

Vikipediya, ochiq ensiklopediya
Sergio Busquets
Sergio Busquets 2018.jpg
Shaxsiy maʼlumot
Toʻliq ismi Sergio Busquets i Burgos
Tavallud sanasi 16-iyul, 1988-yil (34 yil avval) (1988-07-16)
Tavallud joyi SabadellIspaniya bayrogʻi Ispaniya
Boʻyi 189 cm
Ampluasi yarim himoyachi
Vazni 76 kg
Klub maʼlumoti
Joriy klub
Ispaniya bayrogʻi Barcelona
Raqami 5
Yoshligida aʼzo boʻlgan klublar
1995—1996 Ispaniya bayrogʻi Badia
1996—1999 Ispaniya bayrogʻi Barberà Andalucía
1999—2003 Ispaniya bayrogʻi Lleida
2003—2005 Ispaniya bayrogʻi Jàbac Terrassa
2005—2007 Ispaniya bayrogʻi Barcelona
Professional faoliyati*
Yillar Jamoa Isht. (Gol.)
2007–2008 Barcelona B (25 (12))
2008– Barcelona (461 (11))
Milliy terma jamoa
2008–2009 Ispaniya (21 yoshgacha) (3 (1))
2009– Ispaniya (139 (2))
2008– Kataloniya (8 (0))
*Professional klublardagi gollari (ichki chempionat)

Sergio Busquets i Burgos (talaffuzi: Serxio Buskets i Burgos) — ispaniyalik futbolchi, yarim himoyachi, „Barcelona“ futbol klubi va Ispaniya terma jamoasi sardori.

„Barcelona“ futbol akademiyasi bitiruvchisi, 2008-yildan buyon asosiy jamoada oʻynab kelmoqda. Oʻshandan beri u klub bilan sakkiz marta Ispaniya chempioniati, uch marta UEFA Chempionlar Ligasi, yetti marta Ispaniya kubogi, olti marta Ispaniya Superkubogi, uch marta UEFA Superkubogi va uch marta klublar oʻrtasidagi Jahon chempionatida gʻolib chiqdi.

Ispaniya terma jamoasi tarkibida - Jahon chempioni (2010) va Yevropa chempioni (2012) boʻldi.

Klubdagi faoliyati[tahrir | manbasini tahrirlash]

Sergio Busquets „Barcelona“ futbol akademiyasi bitiruvchisi. U 2008-yilning 13-sentyabrida Ispaniya chempionati doirasidagi „Rasing“ga qarshi oʻyinda klubning asosiy jamoasida debyut qilgan. Chempionlar Ligasi oʻyinlaridagi debyut 2008-yil 22-oktyabrda Shveysariyaning „Bazel“ jamoasiga qarshi oʻyinda boʻlib oʻtdi, oʻsha oʻyinda Sergio „Barselona“ uchun birinchi golini urdi va „koʻk-anorranglilar“ raqibni yirik 5:0 hisobida magʻlub etishdi. Sergio Chempionlar Ligasidagi ikkinchi golini guruh bosqichidagi soʻnggi oʻyinda „Barcelona“ning zaxira tarkibi bilan „Shaxtyor“ga qarshi oʻyinda kiritdi. 2009-yil 7-martda esa Sergio „Atletik“ darvozasiga Primeradagi birinchi golni urdi.

Sergio Busquets "Barselona" libosida

„Barcelona“dagi birinchi mavsumida Buskets 24 La Liga, 7 Qirollik Kubogi va 8 Chempionlar Ligasi oʻyinida maydonga tushdi. Mavsumning birinchi yarmida Sergio tez-tez maydonga tushmagan boʻlsa-da, mavsumning qolgan yarmida u birinchi daqiqalardanoq oʻynay boshladi, shu jumladan Ispaniya kubogi finalida „Atletik“ga qarshi oʻyinda (4:1) va UEFA Chempionlar Ligasi finalida „Manchester Yunayted“ga qarshi (2:0) asosiy tarkibda maydonga tushdi. Ushbu mavsumdan keyin Busquets La Liganing 2008/09-yilgi mavsumida eng yaxshi yosh futbolchi deb topildi. Bundan tashqari, 2009-yilda Sergio Yevropaning eng yaxshi yosh futbolchisiga beriladigan Bravo kubogini qoʻlga kiritdi.

2009/10 yilgi mavsumda kataloniyalik ivuarlik Yaya Toureni asosiy tarkibdan siqib chiqarib, asta-sekin klubning yetakchi yarim himoyachisiga aylandi. Ispaniya chempionatida u 33 oʻyinda maydonga tushdi, kataloniyalik yana 10 ta oʻyinni Chempionlar Ligasida oʻtkazdi. Busquets klubning bir mavsumda 6 ta sovrinni qoʻlga kiritishida ham katta rol oʻynadi, aynan u Klublar oʻrtasidagi jahon chempionatida Meksikaning «Atlanta»siga qarshi yarim final uchrashuvida hisobni tenglashtirgan, ammo baribir uning jamoasi uchrashuvda magʻlub boʻlgan. 2010/11 yilgi mavsumda Busquets oʻzining birinchi va yagona golini Bilbaoning „Atletik“iga urdi va oʻyin kataloniyaliklarning 3:1 hisobidagi gʻalabasi bilan yakunlandi. 2010 va 2011-yillarda u „L'Équipe“ talqiniga koʻra yilning ramziy jamoasi tarkibida boʻlgan.

2011/12-yilgi mavsumda u oʻzining birinchi golini Chempionlar ligasi yarim finalida „Chelsi“ ga qarshi oʻyinda kiritdi. Sergio Ispaniya chempionatining soʻnggi, 38-turida 2:2 hisobida yakunlangan „Betis“ga qarshi oʻyinda mavsumdagi ikkinchi golini urdi. 2013-yilning 16-iyulida futbolchining tugʻilgan kunida Busquets bilan shartnoma 2018-yilgacha uzaytirilgani ma’lum boʻldi. Tovon puli 250 million yevroni tashkil qildi. 2014/15 yilgi mavsum oldidan Serxio oʻzining raqamini 16 dan 5 ga oʻzgartirdi[1].

2015/16-yilgi mavsum boshlanishidan oldin Sergio „Barcelona“ning uchinchi sardori etib tayinlandi[2]. 2017-yil 1-oktyabrda Busqets „Las-Palmas“ darvozasiga gol urdi va Barcelona 3:0 hisobida gʻalaba qozondi. Oʻyin „Kamp Nou“da, Kataloniya mustaqilligi referendumi vaqtida yopiq eshiklar ortida oʻtkazildi. 2018/19-yilgi mavsum boshlanishidan oldin u „Barcelona“ vitse-sardori etib tayinlangan. 27-sentyabr kuni Busquets shartnomasini 2023-yilgacha uzaytirdi[3]. 2021-yilning 9-yanvarida Busquets “Barcelona” safida “Granada”ga qarshi oʻyindagi 600-uchrashuvini oʻtkazdi. Klub tarixida faqat Xavi, Iniesta va Messi undan koʻproq oʻyin oʻtkazgan[4]. 2021/22-yilgi mavsum boshlanishidan oldin Messi Paris Saint-Germainga koʻchib oʻtganidan keyin u „Barselona“ sardori etib tayinlangan[5].

Terma jamoadagi faoliyati[tahrir | manbasini tahrirlash]

2009-yil 2-aprelda Busquets milliy terma jamoadagi debyut oʻyinini oʻtkazdi va ikkinchi boʻlimda Turkiya terma jamoasiga qarshi oʻyinda David Silva oʻrniga maydonga tushdi, oʻyin ispanlarning 2:1 hisobidagi gʻalabasi bilan yakunlandi.

Sergio Busquets Ispaniya terma jamoasi libosida

2010-yilning iyul oyida Busquets Ispaniya terma jamoasi bilan birgalikda JAR maydonlarida barcha 7 oʻyinda maydonga tushib, Jahon chempioni boʻldi. 2012-yilda Sergio Yevropa chempioni boʻldi, shuningdek, UEFAga koʻra turnirning ramziy jamoasiga kirdi.

2014-yil 8-sentabrda Busquets Ispaniya terma jamoasi uchun 2016-yilgi Yevropa chempionati saralashida Makedoniyaga qarshi oʻyinda ilk golini urdi, oʻyin ispanlarning 5:1 hisobidagi gʻalabasi bilan yakunlandi[6]. Sergio oʻsha saralash turnirida 15-noyabr kuni Belarus terma jamoasiga qarshi oʻyinda ikkinchi golni kiritdi, Ispaniya 3:0 hisobida gʻalaba qozondi[7]. 2017-yilning 9-oktyabrida Buskets Ispaniya terma jamoasi safida Isroil terma jamoasiga qarshi 100-oʻyinini oʻtkazdi, oʻyin ispanlarning 1:0 hisobidagi gʻalabasi bilan yakunlandi[8].

2020-yil 7-oktabrda Busqets birinchi marta Portugaliyaga qarshi oʻrtoqlik oʻyinida Sergio Ramos zaxira oʻrindigʻida boʻlgani uchun ispanlarga sardorlik qildi[9]. 2021-yilning may oyida u Luis Enrique tomonidan Euro-2020 ga qoʻshildi. Ramos yoʻqligida u sardorlikka koʻtarildi[10]. Ispaniya terma jamoasining turnirdagi birinchi oʻyinidan sakkiz kun oldin Busketsda COVID-19 testi ijobiy chiqdi, bu esa butun jamoani Litva bilan oʻrtoqlik oʻyinidan chetlatilishiga sabab boʻldi[11]. U Shvetsiya va Polshaga qarshi guruh bosqichining dastlabki ikki oʻyinini oʻtkazib yubordi. U Slovakiyaga qarshi oʻyinning eng yaxshi futbolchisi sifatida eʼtirof etilgan uchinchi oʻyindagina jamoaga qaytishga muvaffaq boʻldi[12][13]. Toʻrt kundan soʻng Xorvatiyaga qarshi 1/8 final uchrashuvida Busquets yana oʻyinning eng yaxshi futbolchisi deb topildi, Ispaniya qoʻshimcha boʻlimlardan soʻng 5:3 hisobida gʻalaba qozondi[14]. Chorak finalda u Shveysariyaga qarshi penaltilar seriyasida Ispaniyaning birinchi zarbasi bilan darvoza toʻsiniga zarba berdi, ammo uning jamoasi gʻalaba qozondi[15].

Shaxsiy hayoti[tahrir | manbasini tahrirlash]

Sergio Busquets - 1990-yillarda „Barselona“ darvozasini himoya qilgan Carles Busquetsning oʻgʻli. 2014-yilda Sergio Elena Galera bilan munosabatlarni boshladi, er-xotin 2016-yilda Enzo ismli oʻgʻil koʻrdi[16]. 2018-yilda oʻgʻil Levi tugʻildi.

Statistikasi[tahrir | manbasini tahrirlash]

Klubdagi statistikasi[tahrir | manbasini tahrirlash]

2022-yil 30-oktyabr
Busquets Dynamo Kiyevga qarshi bahsda qaychi uslubidagi zarbani amalga oshirmoqda, 2009
Klublar, mavsum va musobaqalar boʻyicha oʻyinlar va gollar
Jamoa Mavsum Liga Copa del Rey Yevropa Boshqa Jami
Divizion Oʻyin Gol Oʻyin Gol Oʻyin Gol Oʻyin Gol Oʻyin Gol
Barcelona B 2007–08 Tercera División 23 2 23 2
2008–09 Segunda División B 2 0 2 0
Jami 25 2 25 2
Barcelona 2008–09 La Liga 24 1 9 0 8 2 41 3
2009–10 33 0 4 0 10 0 5 1 52 1
2010–11 28 1 5 0 12 0 1 0 46 1
2011–12 31 1 8 0 10 1 3 0 52 2
2012–13 31 1 4 0 8 0 2 0 45 1
2013–14 32 1 5 1 9 1 2 0 48 3
2014–15 33 1 4 0 10 0 47 1
2015–16 35 0 5 0 9 0 4 0 53 0
2016–17 33 0 5 0 8 0 2 0 48 0
2017–18 31 1 7 0 10 0 2 0 50 1
2018–19 35 0 6 0 12 0 1 0 54 0
2019–20 33 2 2 0 7 0 1 0 43 2
2020–21 36 0 6 0 6 0 2 0 50 0
2021–22 36 2 2 0 12 1 1 0 51 3
2022–23 10 0 0 0 4 0 0 0 14 0
Jami 461 11 72 1 135 5 26 1 694 18
Faoliyati davomida jami 486 13 72 1 135 5 26 1 719 20


Milliy terma jamoadagi statistikasi[tahrir | manbasini tahrirlash]

2022-yil 27-sentyabr
Busquets (eng chekka oʻng) Ispaniya libosida, 2017
Terma jamoa va yillar boʻyicha oʻyinlar va gollar
Milliy terma jamoa Yil Oʻyin Gol
Ispaniya 2009 10 0
2010 16 0
2011 11 0
2012 14 0
2013 12 0
2014 11 2
2015 8 0
2016 12 0
2017 8 0
2018 9 0
2019 5 0
2020 4 0
2021 13 0
2022 6 0
Jami 139 2


Yutuqlari[tahrir | manbasini tahrirlash]

Jamoaviy[tahrir | manbasini tahrirlash]

"Barcelona"

Ispaniya terma jamoasi

Shaxsiy[tahrir | manbasini tahrirlash]

Manbalar[tahrir | manbasini tahrirlash]

  1. „Бускетс забрал номер Пуйоля“. 21-oktabr 2017-yilda asl nusxadan arxivlandi. Qaraldi: 21-oktabr 2017-yil.
  2. „С днем рождения, Серхио Бускетс!“. 21-oktabr 2017-yilda asl nusxadan arxivlandi. Qaraldi: 21-oktabr 2017-yil.
  3. „Бускетс продлил контракт с «Барселоной» до 2023 года“. 27-sentabr 2018-yilda asl nusxadan arxivlandi. Qaraldi: 27-sentabr 2018-yil.
  4. Brennan, Feargal. „Sergio Busquets hails Barcelona's progress in 2021“. Football España (11-yanvar 2021-yil). Qaraldi: 16-oktabr 2021-yil.
  5. Torres, M. Carmen. „Barcelona announce new captains“. Marca (9-avgust 2021-yil). Qaraldi: 16-oktabr 2021-yil.
  6. „Испания 5:1 Македония“. 21-oktabr 2017-yilda asl nusxadan arxivlandi. Qaraldi: 21-oktabr 2017-yil.
  7. „Испания 3:0 Белоруссия“. 21-oktabr 2017-yilda asl nusxadan arxivlandi. Qaraldi: 21-oktabr 2017-yil.
  8. „Бускетс проводит 100-й матч за сборную Испании“. 21-oktabr 2017-yilda asl nusxadan arxivlandi. Qaraldi: 21-oktabr 2017-yil.
  9. Cerezo, Hugo. „Es una pasada tener un jugador como Adama Traoré“ (ispancha). Marca (7-oktabr 2020-yil). Qaraldi: 16-oktabr 2021-yil.
  10. Westwood, James. „Real Madrid captain Ramos left out of Spain squad for Euro 2020 but Laporte included after France switch“. Goal (25-may 2021-yil). Qaraldi: 16-oktabr 2021-yil.
  11. „Euro 2020: Spain captain Sergio Busquets tests positive for Covid-19“. BBC Sport (6-iyun 2021-yil). Qaraldi: 16-oktabr 2021-yil.
  12. „Busquets, man of the match in Spain versus Slovakia“. Be Soccer (23-iyun 2021-yil). Qaraldi: 16-oktabr 2021-yil.
  13. Lowe, Sid. „ʻHis game was incredible’: Sergio Busquets repays Luis Enrique’s faith“. The Guardian (24-iyun 2021-yil). Qaraldi: 16-oktabr 2021-yil.
  14. „Croatia 3-5 Spain (aet): Morata and Oyarzabal the extra-time heroes in Copenhagen thriller“. UEFA (28-iyun 2021-yil). 8-avgust 2021-yilda asl nusxadan arxivlandi. Qaraldi: 8-avgust 2021-yil.
  15. „Euro 2020: Luis Enrique had ʻhuge faith’ in goalkeeper Unai Simon to see Spain past Switzerland on penalties“. The Independent (3-iyul 2021-yil). Qaraldi: 16-oktabr 2021-yil.
  16. „Звезда «Барселоны» Серхио Бускетс впервые стал отцом“. 21-oktabr 2017-yilda asl nusxadan arxivlandi. Qaraldi: 21-oktabr 2017-yil.
  17. „Atletico dominate UEFA's La Liga team of the season“. Marca (16-may 2016-yil). Qaraldi: 16-oktabr 2021-yil.
  18. „UEFA Champions League squad of the season“. UEFA (9-iyun 2015-yil). 11-iyun 2015-yilda asl nusxadan arxivlandi. Qaraldi: 9-iyun 2015-yil.
  19. „2010 FIFA World Cup South Africa™ statistics“. FIFA. 11-fevral 2011-yilda asl nusxadan arxivlandi. Qaraldi: 2-sentabr 2020-yil.