Sayyid Najibul Bashar Maizbhandariy
| Sayyid Najibul Bashar Maizbhandariy | |||||||||||||
|---|---|---|---|---|---|---|---|---|---|---|---|---|---|
সৈয়দ নজিবুল বশর মাইজভাণ্ডারী | |||||||||||||
 | |||||||||||||
| Shaxsiy maʼlumotlari | |||||||||||||
| Tavalludi |
1959-yil 2-dekabr Chittagong, Sharqiy Pokiston | ||||||||||||
| Millati | Bangladeshlik | ||||||||||||
| Siyosiy partiyasi | Bangladesh Tariqat Federatsiyasi | ||||||||||||
| Boshqa siyosiy birlashmalari |
Avami ligasi (1996-yilgacha) Bangladesh Milliyistlar partiyasi (1996–2005) | ||||||||||||
| Qarindoshlari | Sayyid Gulamur Rahmon Maizbhandari (bobosi) | ||||||||||||
| Istiqomat joy(lar)i | Chittagong | ||||||||||||
| |||||||||||||
Sayyid Najibul Bashar Maizbhandariy (bengalcha: সৈয়দ নজিবুল বশর মাইজভাণ্ডারী; 1959-yil 2-dekabrda tugʻilgan) Bangladesh Tariqat Federatsiyasi raisi va Chittagong-2 saylov okrugidan sobiq parlament aʼzosidir[1].
Hayoti
[tahrir | manbasini tahrirlash]Sayyid Najibul Bashar Maizbhandariy 1959-yil 2-dekabrda Sharqiy Pokistondagi (hozirgi Bangladesh) Chittagong tumani Fatikxari hududida Maizbhandariya tariqatiga mansub, avliyolik merosiga ega boʻlgan bengal musulmon sayyid oilasida tugʻilgan. U soʻfiy pir Sayyid Shafiul Bashar Maizbhandariyning oʻgʻli boʻlib, u esa oʻz navbatida Sayyid Gʻulomur Rahmon Maizbhandariyning oʻgʻlidir. Onasi Sayyida Ashrafunnesa Begimdir[2]. Uning ajdodlari Madinadan oʻrta asrlardagi Bengalning sobiq poytaxti Gavrga, Bagʻdod va Dehli orqali koʻchib kelganlar. Maizbhandariyning yaqindagi nasab zanjiri quyidagicha: Sayyid Najibul Bashar, Sayyid Shafiul Basharning oʻgʻli, Sayyid Gʻulomur Rahmonning oʻgʻli, Sayyid Abdul Karim Shohning oʻgʻli, Sayyid Tayyabullaning oʻgʻli, Sayyid Abdul Qodirning oʻgʻli, Sayyid Hamiduddinning oʻgʻli. Hamiduddin Gavrning tayinlangan imom va qozisi boʻlib, epidemiyada Chittagong tumanidagi Patiyaga koʻchib oʻtgan. Sayyid Abdulqodir esa Fatikxaridagi Azimnagar masjidining imomi etib tayinlangan[3].
Maizbhandariy oʻz taʼlimini Oliy oʻrta maktab sertifikati darajasigacha davom ettirgan[4].
Faoliyati
[tahrir | manbasini tahrirlash]1991-yilgi Bangladesh umumiy saylovlarida Maizbhandariy Avami ligasi nomzodi sifatida Chittagong-4 saylov okrugida deputatlik oʻrnini qoʻlga kiritdi. Keyinchalik u Bangladesh Milliyistlar partiyasiga qoʻshildi. Ular safidan xuddi shu okrug boʻyicha 2001-yilgi Bangladesh umumiy saylovlarida ham nomzod boʻlib qatnashdi, biroq deputatlik oʻrnini qoʻlga kirita olmadi[manba kerak].
1997-yilda BNP raisi Begim Xaleda Ziyo uni partiyaning ulamolar qanoti – Jatiotabadi Ulama Dolning muvofiqlashtiruvchisi (konveneri) etib eʼlon qildi[5].
U 2005-yilda Bangladesh Milliyistlar partiyasidan chiqdi, chunki partiya Jamoat-e-Islomiy bilan ittifoq tuzgan edi. Maizbhandariy bu tashkilotni dargohlarga (soʻfiy ziyoratgohlariga) hujum qiluvchi terrorchilarni qoʻllab-quvvatlashda ayblagan. Maizbhandariy Bangladesh Dargoh Mazar Federatsiyasi – ziyoratgohlar uyushmasi prezidenti hisoblanadi[6]. Oʻsha yili u siyosiy partiya sifatida Bangladesh Tariqat Federatsiyasini tuzdi, partiya 2008-yildagi ilk saylovlarida 45 nafar nomzod bilan qatnashdi, biroq parlamentda oʻrin ola olmadi[manba kerak].
2014-yil 5-yanvarda Maizbhandariy oʻz partiyasi nomidan Chittagong-2 saylov okrugida deputatlik oʻrnini qoʻlga kiritdi va bu oʻrinni 2018-yilgi Bangladesh umumiy saylovlarida yana saqlab qoldi[7]. U Bangladesh Tariqat Federatsiyasi raisi boʻlib, Avami ligasining ittifoqchisidir[8].
Manbalar
[tahrir | manbasini tahrirlash]- ↑ „Tarikat Federation for army deployment in nat'l polls“ (en). UNB. 2019-yil 9-yanvarda asl nusxadan arxivlangan. Qaraldi: 2019-yil 9-yanvar.
- ↑ „দুর্নীতি-প্রতারণায় ‘পাকা’ ছিলেন নজিবুল বশর“ (bn). Jugantor (2024-yil 24-oktyabr).
- ↑ Harder, Hans (2011), Sufism and Saint Veneration in Contemporary Bangladesh: The Maijbhandaris of Chittagong, Routledge, 15–22-bet, ISBN 978-1-136-83189-8
- ↑ „Syed Nazibul Bashar Maizvandary - সৈয়দ নজিবুল বশর মাইজভান্ডারী...“ (en). Amarmp. 2024-yil 16-dekabrda asl nusxadan arxivlangan. Qaraldi: 2019-yil 9-yanvar.
- ↑ „ওলামা দলে যুক্ত হচ্ছেন না প্রখ্যাত আলেমরা“ (en-US). jagonews24.com. 2024-yil 6-dekabrda asl nusxadan arxivlangan. Qaraldi: 2025-yil 14-may.
- ↑ Riaz, Ali. Islamist Militancy in Bangladesh: A Complex Web. Routledge, 2008 — 30-bet. ISBN 978-0-415-45172-7. Qaraldi: 2019-yil 9-yanvar.
- ↑ „Syed Nazibul Bashar Maizvandary - সৈয়দ নজিবুল বশর মাইজভান্ডারী History“ (en). Amarmp. 2024-yil 16-dekabrda asl nusxadan arxivlangan. Qaraldi: 2019-yil 9-yanvar.
- ↑ „Khaleda won't be released before JS polls: Tarikat Federation chief“ (en). The Daily Star (2018-yil 28-aprel). Qaraldi: 2019-yil 9-yanvar.
 |
Vikiomborda „Sayyid Najibul Bashar Maizbhandariy“ mavzusi boʻyicha mediafayllar bor. |