Sayfiddin Boharziy maqbarasi

Vikipediya, ochiq ensiklopediya
Jump to navigation Jump to search

Sayfiddin boharziy maqbarasiBuxorodagi meʼmoriy yodgorlik (1314-asrlar). Buxoroning sharqiy qismi (eski Fathobod mavzei)da 2 maqbaraBayonqulixon maqbarasi va S.Sayfiddin Boharziy maqbarasi bunyod etilgan. S.Sayfiddin Boharziy maqbarasining kichik goʻrxonasi (13-asr 2-yarmi) va ziyoratxonasi (14-asr 2-yarmi) charxi gumbazli. Bosh tarzidagi peshtoq chuqur ravoqli, 2 yoniga guldastalar ishlangan. Peshtoq va guldasta oraligʻidagi yassi mehrobiy tokchalarga tuynuklar qilingan. Peshtoq yuqorisida ravokli darchalar bor. Ziyoratxona va goʻrxona ichidagi gumbaz osti bagʻali 8 va 16 qirrali muqarnas bezaklar bilan toʻldirilgan. Maqbaraga Shayx Sayfiddin Boharziy, uning 2 oʻgʻli Jamoliddin Muhammad va Mazhariddin Mutahhar, shuningdek, nevarasi Abu Mufaxir Yahyo, evaralari Xovand Burhoniddin, Ruhiddin Shayx Dovudlar dafn etilgan. Amir Temur Buxoroga tashrif buyurganda Shayx qabrini albatta ziyorat qilgan. Uning farmoni bilan makbara obod qilinib, ziyoratxona va sharqiy peshtoq qurilgan. Shayx qabri ustidagi yogʻoch sagʻananing yasalish uslubi, zarhal bezaklari Amir Temur davri yogʻoch oʻymakorligi sanʼatining noyob yodgorligi hisoblanadi. Sagʻanada tugʻilgan va vafot etgan sana, Qurʼondan oyatlar, Shayxni madh etuvchi madhiyalar, rangbarang naqshlar oʻzaro uygʻunlashgan. Mustaqillikdan keyin S.Sayfiddin Boharziy maqbarasi qayta taʼmirlanib, yodgorlik atrofida goʻzal Fathobod bogʻi bunyod etiddi.

Adabiyot[tahrir]

  • Nemseva N.B., Xanaka Sayfaddina Baharzi v Buhare, Buhara, 2003.[1]

Manbalar[tahrir]

  1. OʻzME. Birinchi jild. Toshkent, 2000-yil