Saidumarxon Sodiqov

Saidumarxon Sodiqov
Shaxsiy maʼlumot
Toʻliq ismi	Saidumarxon Sodiqov
Tavallud sanasi	2002-yil 5-iyun (24 yosh)
Tavallud joyi	Andijon, Oʻzbekiston
Boʻyi	178 cm (5 ft 10 in)
Ampluasi	Hujumchi
Yoshligida aʼzo boʻlgan klublar
0000	Andijon FA
Professional faoliyati*
Yillar	Jamoa
2020	Andijon
2020	→ Andijon II
2021	Turon
2022—2023	Andijon
2024	OʻshDU Aldiyer
2025—	Smorgon
Milliy terma jamoa
2017	Oʻzbekiston U15
	*Professional klublardagi gollari (ichki chempionat); (2025-yil 9-iyun uchun)

Saidumarxon Sodiqov (2002-yil 5-iyunda tugʻilgan) – oʻzbekistonlik professional futbolchi, Belarusning „Smorgon“ klubida hujumchi pozitsiyasida oʻynaydi.

Klublardagi faoliyati

Andijon

Oʻzbekistonning Andijon futbol akademiyasida taʼlim olgan. 2020-yilgi mavsum futbolchi Andijon klubida professional faoliyatini boshlagan va mavsumning ikkinchi qismini ijara asosida Andijon II klubi safida oʻtkzgan. 2020-yilgi mavsum Oʻzbekiston Birinchi ligasida oʻynab, 2 ta gol muallifi boʻlgan. 2021-yil yanvarida Yaypanning „Turon“ klubi tarkibiga oʻtgan va u yerda mavsum davomida 21 yoshgacha boʻlgan yoshlar chempionatida ishtirok etgan. 2022-yil boshida „Andijon“ klubiga qaytib kelgan. Klubda yoshlar jamoasida oʻynashni davom ettirgan. Asosiy jamoadagi ilk oʻyinini 2023-yil 28-iyulda „Nasaf“ klubiga qarshi oʻtkazib, 84-daqiqada maydonga tushgan. Biroq, asosiy tarkibda oʻz oʻrnini mustahkamlay olmadi va yoshlar jamoasida oʻynashni davom ettirgan. Mavsum yakunida futbolchi jamoa bilan birga chempionatni yettinchi oʻrinda tugatgan. Saidumarxon mavsum soʻngida klubni tark etgan.

OʻshDU-Aldiyer

2024-yil fevral oyida futbolchi erkin agent sifatida Qirgʻizistonning „OʻshDU-Aldiyer“ klubiga oʻtib, mavsum oxirigacha shartnoma imzolagan. U klubdagi debyutini 2024-yil 29-martda „Qirgʻizoltin“ klubiga qarshi oʻyinda oʻtkazdi. Asosiy tarkibda maydonga tushib, oʻzining ilk golini ham urdi. 2024-yil 20-iyunda Qirgʻiziston kubogi chorak finalida Saidumarxon jamoasi bilan birga „Muras Yunayted“ klubiga yengilib, musobaqadagi ishtirokini yakunlagan. Mavsum yakunida jamoa bilan birga chempionatni yettinchi oʻrinda tugatgan. Mavsum davomida u klubning asosiy oʻyinchilaridan biri sifatida maydonga tushib, chempionat doirasida 4 ta gol urgan. Mavsum yakunlanishi bilan futbolchi qirgʻiz klubini tark etgan.

Smorgon

2025-yil fevralida futbolchi Belarus „Smorgon“ jamoasining mavsum oldi yigʻin-mashgʻulotlarida ishtirok etgan^[1]. 2025-yil mart oyining oxirida futbolchi rasman Belarus klubiga qoʻshilgan va mavsum oxirigacha shartnoma imzolagan^[2]. U klubdagi debyutini 2025-yil 29-martda „Slutsk-2024“ga qarshi oʻyinda amalga oshirdi, 59-daqiqada maydonga tushgan. Futbolchi klubdagi ilk golini 2025-yil 26-aprelda Novopolotskning „Naftan“ jamoasiga qarshi oʻyinda urgan.

Manbalar

↑ „Просмотр в "Сморгони" проходят форвард из Узбекистана и защитник "Немана"“ (ru). football.by (2025-yil 9-fevral).
↑ „Четыре игрока пополнили состав «Сморгони»“ (ru). bel.football (2025-yil 27-mart).

Havolalar

Saidumarxon Sodiqov FootballDatabase.eu saytida
Saidumarxon Sodiqov Soccerway saytida
Saidumarxon Sodiqov OʻzPFL saytida
Saidumarxon Sodiqov Transfermarkt saytida

[1] „Просмотр в "Сморгони" проходят форвард из Узбекистана и защитник "Немана"“ (ru). football.by (2025-yil 9-fevral).

[2] „Четыре игрока пополнили состав «Сморгони»“ (ru). bel.football (2025-yil 27-mart).

[1]

[2]