Qoraqoʻl

Qoraqoʻl qirgʻizcha: Каракол
Shahar
Bayroq Gerb
42°29′26″N 78°23′37″E
Mamlakat	Qirgʻiziston
Hukumat
• mer	Farxad Aljambayev
Asos solingan	1869-yil 1-iyul
Konfessiyaviy tarkib	musulmonlar, xristianlar
Vaqt mintaqasi	UTC+6
Telefon kodi	+996-3922-XXXXX
Pochta indeks(lar)i	722200
Qoraqoʻl

Qoraqoʻl (1889-1921 va 1939-90 yillarda Prjevalsk) — Qirgʻiziston Respublikasi Issiqkoʻl viloyatidagi shahar, viloyat markazi. Terskay Olatovining shimoliy etagida, Qoraqoʻl daryosi boʻyida. Avtomobil yoʻllari chorrahasi. Aholisi 64,3 ming kishi (1999). 1871-yildan Jetisuv viloyatidagi uyezd shahri. Oziq-ovqat, meva-sharob, gʻalla mahsulotlari, shu jumladan, non, baliq zavodlari, sut, goʻsht kombinatlari va yengil sanoat (poyabzal va tikuvchilik fabrikalari); elektr-texnika zavodi, elektr issiqlik markazi, aeroport bor. Qurilish materiallari ishlab chiqariladi (temir-beton qorishmalari, gʻisht-shagʻal zavodlari). Pedagogika instituti, Issiqkoʻl universitetining oliy iqtisod kolleji, oʻlkashunoslik muzeyi mavjud. Qoraqoʻl atrofida „Oqsuv“ va „Jetioʻgʻiz“ balneologik kurortlari joylashgan.