DINIY EʼTIQOD — insonningdinga boʻlgan munosabatini belgilashda qoʻllaniladigan tushuncha. Diniy eʼtiqod erkinligi OʻzR Konstitutsiyasining 31-moddasida mustahkamlangan. Unda quyidagi qoida bayon etilgan: «Hamma uchun vijdon erkinligi kafolatlanadi. Har bir inson xohlagan dinga eʼtiqod qilish yoki hech qaysi dinga eʼtiqod qilmaslik huquqiga ega. Diniy qarashlarni majburan singdirish yoʻl qoʻyilmaydi». Shuningdek, 1991 yil14 iyunda qabul qilingan, 1998 yil1 mayda oʻzgartishlar va qoʻshimchalar kiritilib, yangi tahriri tasdiqlangan «Vijdon erkinligi va diniy tashkilotlar toʻgʻrisida»gi Qonunda ushbu konstitutsiyaviy qoida rivojlantirilgan. Chunonchi, Qonunning 5-moddasida shunday deyiladi: «Oʻzbekiston Respublikasida din davlatdan ajratilgan. Hech bir dinga yoki diniy eʼtiqodga boshqalariga nisbatan biron-bir imtiyoz yoki cheklashlar belgilanishiga yoʻl qoʻyilmaydi». Shuningdek Qonunning 3-moddasida «Chet el fuqarolari va fuqaroligi boʻlmagan shaxslar Oʻzbekiston Respublikasi fuqarolari bilan teng ravishda vijdon erkinligi va diniy eʼtiqod erkinligi huquqidan foydalanadilar hamda vijdon erkinligi va diniy tashkilotlar toʻgʻrisidagi qonun hujjatlarini buzganlik uchun qonunda belgilangan tarzda javobgar boʻladilar» deyilgan.
.jpg)
