Pop (shahar)

Vikipediya, ochiq ensiklopediya
Shahar
Pop
Mamlakat Oʻzbekiston
Viloyat Namangan viloyati
Tuman Pop tumani
Koordinatalari 40°52′25″N 71°06′0″E / 40.87361°N 71.10000°E / 40.87361; 71.10000Koordinatalari: 40°52′25″N 71°06′0″E / 40.87361°N 71.10000°E / 40.87361; 71.10000
Aholisi 35 361 nafar
Vaqt mintaqasi UTC+5
Pop (shahar) (Oʻzbekiston)
Pop

PopNamangan viloyati Pop tumaniaags shahar (1980 yildan). Tumanning maʼmuriy markazi. Pop tumanining sharqiy qismida joylashgan. Yaqin temir yoʻl stansiyasi — Pop (4 km). Viloyat markazi (Namangan)gacha — 53 km. Aholisi 24,4 ming kishi (2003), P.dan Namangan — Pungan — Toshkent avtomagistrali oʻtgan. 910-asr arab sayyohlari Ibn Xurdodbeh va Istaxriy asarlarida P. "Bob" (arabcha — "Darvoza") shaklida tilga olinadi. 982 yilda nomaʼlum muallif tomonidan yozilgan. "Hudud-ul-Olam" (Olam chegaralari) kitobining "Movarounnahr viloyati va uning shaharlari" qismida P. ("Pob") shim. Fargʻonaning savdo yoʻlida joylashgan obod shaharlardan biri sifa-tida taʼriflangan. "Boburnoma"da "Pop qoʻrgʻoni" deyilgan.

P. hududida oʻtkazilgan arxeologik qazishmalar shaharga mil. boshlarida asos solinganligidan dalolat beradi. Qadimda P. dan Buyuk Ipak yoʻlining tarmogʻi oʻtgan. Oʻsha davrda shahar ravnaqtopgan. 1908—12 yillarda P. yaqinidan oʻtuvchi Qoʻqon —Namangan temir yoʻl qurildi. 1912—15 yillarda shaharda rus -tuzem maktabi ochildi. 1916 yilda P. mardikorlikka olishga qarshi koʻtarilgan gʻalayon markazlaridan biri boʻldi.

P.da 100 dan ziyod tashkilot, sanoat korxonalari joylashgan. 5 umumiy taʼlim maktabi, maishiy xizmat, kasbhunar kollejlari, gimnaziyalitsey, 5 qurilish tashkiloti, 2 avtokorxona, gisht zavodi, MTP, rezina-texnika buyumlari zavodi, savdo markazi, universam, arxeologiya muzeyi, madaniyat saroyi, kutubxonalar, madaniyat va is-tirohat bogʻi, stadion, sport majmui, Tinchlik maydoni, mehmonxona, 4 poliklinika, kasalxona bor. Ikkinchi jahon urushida qurbon boʻlganlar xo-tirasiga yodgorlik oʻrnatilgan. Qirq hujra va Munchoqtepa arxeologik man-zillari mavjud.[1]

Manbalar[tahrir]

  1. OʻzME. Birinchi jild. Toshkent, 2000-yil