Pari (film)

Vikipediya, ochiq ensiklopediya
(Pari (2018-yilgi hind filmi)dan yoʻnaltirildi)
Pari
Rejissyor(lar) Prosit Roy
Prodyuser(lar)

Anushka Sharma

Karnesh Ssharma
Ssenariynavis(lar) Prosit Roy
Rollarda

Anushka Sharma Parambrata Chatterjee Rajat Kapoor Ritabhari Chakraborty

Mansi Multani
Bastakor(lar) Anupam Roy
Ketan Sodha
Kinematografiya Jishnu Bhattacharjee
Muharrir(lar) Manas Mittal
Studiya(lar)
Distribyutor Pooja Entertainment
Chiqarilgan sanasi
Davomiyligi 134 daqiqa
Mamlakat Hindiston bayrogʻi Hindiston
Til hindcha
Byudjeti 30 kror[1]
Daromadi 41.4 kror[2]

Pari — 2018-yilda Prosit Roy rejissyorligi ostida suratga olingan hind dahshatli filmi[3]. Unda Anushka Sharma bosh rolda oʻynaydi va uning Clean Slate Filmz kompaniyasi uchun uchinchi ishlab chiqarish filmi hisoblanadi[4]. Parambrata Chatterjee, Ritabhari Chakrabortiy, Rajat Kapoor va Mansi Multani ikkinchi darajali rollarda[5][6]. Filmni ishlab chiqarish 2017-yil iyun oyida boshlangan va 2018-yil 2-martda kinoteatrlarda namoyish etilgan.

Mazmuni[tahrir | manbasini tahrirlash]

Film ibrit Ifrit va Auladchakra, Bangladeshdagi Ifritning qonini abadiylashtirishni maqsad qilgan shaytoniy ibodat voqealari asosida suratga olingan. Ular ayollarni oʻgʻirlab ketishar va jinni ayolni zoʻrlashi uchun chaqirib, jinning naslini shu tarzda yoʻyishga urinishar edi. Professor Qosim Ali bir guruh ekspeditsiya aʼzolariga boshchilik qiladi, ular Ifrit homila qilgan ayollarni qidirib topib, ular tugʻilgunlaricha asirlikda ushlab turishgan, soʻng darhol jin chaqaloqlarning boshlarini kesib, shisha idishlar ichiga muhrlab saqlashgan. Bu ayrimlarning qoʻllab-quvvatlashlariga qaramay qishloq aholisining qarshiliklariga sabab boʻldi va guruh harakati ularning zoʻravonlik bilan radikal yondashuvi tufayli yopildi. Ruxsana shunday ayollardan birining qizi boʻlib, u shaytoniy marosim qurboni boʻlgan, lekin professor Ali bolani oʻldirishga ulgurmay Ruxsananing onasi asirlikdan qutulib qolgan edi.

Arnab bosmaxonani boshqaradigan yigit. Piyali ismli hamshira u bilan kelishuvga erishmoqchi boʻladi. U kuchli yomgʻirda uyga qaytayotib, ota-onasi bilan tasodifan bir kampirni urib yubordi. Ayol vafot etadi va politsiya uning uyini, oʻrmondagi eski kulbani tintuv qilganda, ichida zanjirband qilingan iflos Ruxsanani topadi. Arnab Ruxsananing hech kimi yoʻqligini anglab, unga yordam bermoqchi boʻladi. Ruxsana zamonaviy tashqi dunyo haqida hech narsa bilmaydi va koʻpincha uni qoʻrqitadigan iblis vahiylarinigina koʻradi. Arnab uni gʻalati, ammo yoqimli qiz sifatida qabul qiladi. Ikkalasi birga vaqt oʻtkazishgan kunlarda, u uni sevib qoladi. Oʻlikxona yordamchisi Ruxsananing onasining terisida tariqat belgisi borligini aniqlaydi va bu haqida koʻp yillar davomida Ruxsanani qidirib yurgan professor Aliga xabar beradi.

Bir kuni tunda Ruxsona kasalligi tufayli bezovtalana boshlaydi. Garchi Arnab buni hayz koʻrishi bilan adashtirgan boʻlsa-da, haqiqat shunda ediki, uning tanasi jin qoni tufayli har oy ishlab chiqaradigan zaharni chiqarib yuborishi kerak boʻladi. U yashirincha itni tishlab, zaharini chiqarib kasallikdan forigʻ boʻladi. Keyinchalik u Arnabni yaxshi koʻrishini tan oladi. Ertasi kuni ertalab professor Ali Arnabga u haqidagi haqiqatni aytadi, lekin u unga ishonishdan bosh tortadi. Oʻlikxona yordamchisi Arnab bilan jang qiladi va uni jarohatlaydi. Ruxsana oʻch olish maqsadida yordamchini oʻldiradi va hasaddan Arnab bilan Piyalining orasiga kirib qoladi. Arnab u bilan janjallashganda, u uning tomogʻidan ushlab, unga ziyon yetkazishga urinadi.

Bezovta boʻlgan Arnab professor Alining haqligini tushunib, Ifrit haqida malumotlar izlaydi. U Ifrit chaqaloqlari toʻqqiz oy oʻrniga bir oyda va kindiksiz tugʻilishlarini bilib oladi. Arnab professor Ali bilan aloqaga chiqadi. U odamlari bilan yetib kelganida, Ruxsona Arnabga homiladorligini aytadi. Professorning odamlari uni bogʻlab, qiynoqqa solishadi, shunda u oʻz zaxaridan oʻladi. U Arnab uchun yigʻlasa ham, Arnab tushkunlikka tushib qoladi. Uch haftadan soʻng Piyali ota-onasining uyiga Arnabning oldiga boradi va u Ruxsona haqidagi haqiqatni aytadi. Arnabning u bilan suhbatidan soʻng Piyali uni ogʻir ahvolda ekanligini anglaydi.

Ruxsana qayta-qayta kaltaklanganidan soʻng, Piyalinikiga borishdan oldin ozod boʻlib, professorni oʻldiradi. U Piyalini jarohatlaydi, lekin toʻlgʻoq boshlanadi. Piyali uni oʻldirishga qodir emas edi, hamshira boʻlib ishlardi. U kindik ichakchasidagi chaqaloqni tugʻishda Ruxsanaga yordam beradi. Ruxsona chaqaloqni oʻsha yerga qoʻyib, koʻzdan gʻoyib boʻladi. Arnab eski kulbaga yuguradi va u yerda uni oʻlim oldida turgan holatda uchratadi. Arnab yigʻlaydi va uni quchoqlaydi. Ruxsana uni tishlash va zaharini chiqarish istagiga qarshi turadi, aksincha, zaharning tanasida qolishiga yoʻl qoʻyadi. Oʻlimidan oldin u Arnabga chaqaloqning odam ekanligini aytadi. Oxirida Arnab Ifritning nafratini emas, balki Ruxsananing sevgisi chaqaloqni odam qilganini anglab yetadi.

Rollarda[tahrir | manbasini tahrirlash]

Marketing[tahrir | manbasini tahrirlash]

Parining birinchi koʻrinishi 2017-yil 13-iyun kuni Sharma tomonidan Twitter -dagi sahifasida namoyish etiladi[6]. Filmning reklama afishasi „Screamer (qichqiruvchi)“ deb nomlangan boʻlib, 2018-yil 9-yanvarda chiqarilishi kutilayotgan edi, unda Sharma qahramonining yuzi koʻkarib ketgan holda tasvirlangan[9]. 2018-yilning 3-fevralida ikkinchi „qichqiriq“ boʻlgan 30 soniyalik klip chiqdi, unda Sharma televizorda multfilm tomosha qilayotgani, oʻzini xavfsiz va yaxshi ekani haqidagi taassurot qoldirib, oddiy tabassum bilan aks ettirilgan edi. Biroq, kamera uning qoʻllari va oyoqlari koʻkarganini, karavotga zanjirband qilinganini ham namoyish etadi[10]. Parining rasmiy tizeri 2018-yil 7-fevralda Sharma tomonidan Twitter-dagi sahifasi orqali chiqarildi[11]. Sevishganlar kunida chiqarilgan uchinchi qichqiriq Anushka va Parambrata qahramonlarining televizor koʻrishi bilan boshlanadi, Anushka qizga „Men seni yaxshi koʻraman“ deganda, „Men ham seni yaxshi koʻraman“ degan dahshatli ayol ovozini eshitib, bezovtalanadi. Kamera oʻzining qonli va kaltaklangan versiyasini koʻrsatish uchun panaga oʻtadi, qiz tirjayib, haqiqiy Anushkani dahshatga soladi[12]. Parining rasmiy treyleri bir kundan keyin, 2018-yil 15-fevralda chiqarildi[13]. Treylerdan soʻng yana ikkita yuqoridagi kabi qisqa kliplar namoyish etildi[14][15].

Bahslar[tahrir | manbasini tahrirlash]

2017-yil avgust oyida Basanti davlat avtomagistralida filmni suratga olish paytida, 24 Pgs. (S) Gʻarbiy Bengaliya tumanida texnik xodimni elektr toki urishi sababli ogʻir jarohat oldi. Filmni suratga olish ishlari darhol toʻxtatildi, biroq birozdan keyin jarayon yana davom ettirildi.

Film Pokistonda qora sehrni, baʼzi noislomiy qadriyatlarni va musulmonlarga qarshi kayfiyatni targʻib qilgani uchun taqiqlangan[16].

Musiqasi[tahrir | manbasini tahrirlash]

Pari
Anupam Roy
Chiqarilgan sanasi 5-mart, 2018-yil(2018-03-05)[17]
Davomiyligi 9:58
Til hindcha

Parining musiqasi Anupam Roy tomonidan, soʻzlari esa Anvita Dutt tomonidan yozilgan[18].

Treklist
NomiQoʻshiqchi(lar)Davomiyligi
1.„Meri Khamoshi Hai“Ishan Mitra5:18
2.„So Ja So Ja“Rekha Bhardvaj4:40
Jami davomiyligi:9:58

 

Qabul qilinishi[tahrir | manbasini tahrirlash]

Tanqidiy javob[tahrir | manbasini tahrirlash]

Koʻrib chiqish agregator veb-sayti Rotten Tomatoes oʻrtacha reytingi 4.5/10 boʻlgan 13 sharhga asoslangan holda 46 %[19] maʼqullash reytingini eʼlon qildi[20].

Ijobiy sharhlar Anushkaning ijrosiga qarata aytilgan boʻlib, shu qatorda ushbu janrda film suratga olgani uchun film rejissyorlarini ham esga olib oʻtiladi. TOI xodimi Renuka Vyavahare buni „Anushkaning aktyor-prodyuser sifatidagi eng kuchli ishi“ deb atagan boʻlsa-da, u yana shunday degan: „Pari janrni yangidan dunyoni anglashga yordam beradi, chunki u tetiklantiruvchi atmosferaga ega.“[21] News18 muxbiri Rajeev Masand filmga 5 balldan 2 ball berdi va shunday dedi: „Anushka Sharma bilan hamkorlikda ishlab chiqarilgan va bosh rolni ijro etgan Pari atmosferaga boy, mohirlik bilan yaratilgan film. Ammo qiziqarli boshlangan film tartibsizlik bilan yakunlanadi.“[22] Deccan Chronicleʼdan Rohit Bhatnagar film haqida shunday fikr bildirdi: „Pari — dahshatli filmlarni yaxshi koʻradiganlar uchun yoqimli sovgʻa. Bollivud yaxshi qoʻrqinchli filmlar chiqarmayotganidan shikoyat qilishni bas qiling!“[23] Koimoi Parini „ushbu janrdan chiqqan eng yaxshilaridan biri“ deb baholadi va filmga 5 balldan 3,5 baho berdi[24]. Gulf News filmga 5 yulduzdan 3 yulduz berdi va „Anushka Sharmaning dahshatli filmi Bollivudning boshqa dahshatli filmlaridan ajralib turadi“, deya fikr bildirdi[25].

Hindustan Times muxbiri Rohit Vats filmga 5 balldan 1 ball berdi va shunday dedi: "Anushka Sharmaning „Pari“ filmi arvohlar, jinlar va majburiy qonuniylik haqidagi chalkash hikoyadir. Pari boshlagan ishini qanday tugatishni bilmayotgandek hayron boʻlib koʻrinadi. 136 daqiqalik ekran vaqti bilan Pari hech qayerga gʻoyib boʻlmaydi."[26] Hindistonlik Lakshana N Palat filmga 5 balldan 2 ball baho berib, shunday dedi: „Pari hikoyasi ahamiyatsiz sahnalar, sakrash qoʻrquvi va dahshatli filmlar toifasiga kirish zarurati ostida qolgan. Bu sharmandalik, chunki hikoya voqealari aslida juda noyob va qiziqarli edi.“[27] The Indian Express jurnalisti Shubhra Gupta filmga 5 balldan 1 ball berdi va oʻz sharhini shunday yakunladi: „Anushka Sharma Ruxsana rolini juda qonli ishtiyoq bilan ijro etadi. Siz uni qattiq harakat qilmayotganlikda ayblay olmaysiz, lekin film shunchalik yomon yozilgan va shu qadar tarqoqki, uni hech narsa muvaffaqiyatsizlikdan qutqara olmaydi.“[28] NDTV muxbiri Saibal Chatterjee film haqida shunday dedi: „U haqiqatan ham samarali chiqishi uchun unda yuzma-yuz kechadigan hikoyaning izchilligi mavjud emas. Oxir-oqibat, Pari yaratuvchilari film muvaffaqiyati uchun juda koʻp harakat qilishdi. Natijada sizni hayratda qoldiradigan, ammo umuman taassurot qoldirmaydigan kengaytirilgan noaniqliklarnigini koʻrsatib berishdi xolos“. Saibal Chatterjee filmga 5 balldan 2 ball berdi[29].

Mukofotlar[tahrir | manbasini tahrirlash]

Mukofot Turkum Nomzodlar Natija, Ref.
Zee Cine mukofotlari Eng yaxshi aktrisa (Hakamlar hay’ati tanlovi) Anushka Sharma Nominatsiya
Eng yaxshi debyut rejissyor (Hakamlar hay’ati tanlovi) Prosit Roy Nominatsiya
Ekran mukofotlari Eng yaxshi aktrisa (tanqidchilar) Anushka Sharma Nominatsiya
Eng yaxshi film (tanqidchilar) Nominatsiya
Eng yaxshi istiqbolli debyut rejissyor (tanqidchilar) Prosit Roy Nominatsiya
Filmfare mukofotlari Eng yaxshi VFX Red Chillies VFX Nominatsiya[30]
Eng yaxshi ovoz dizayni Anish Jon Nominatsiya

Manbalar[tahrir | manbasini tahrirlash]

  1. https://www.mid-day.com/articles/anushka-sharmas-pari-recovers-cost-of-production-even-before-its-release/19135176/
    • https://www.boxofficeindia.com/movie.php?movieid=3722
    • Note: Mid-Day reports a 10 crore production budget with a print and advertising cost of 18 crore. Box Office India places the budget at 21 crore, but it is unclear whether that includes print and advertising costs. Most film budget figures across the world do not include print and advertising costs.
  2. Hungama, Bollywood „Box Office: Worldwide collections and day wise break up of Pari - Bollywood Hungama“ (3-mart 2018-yil).
  3. „Pari: Anushka Sharma's battered, bruised look will haunt you“. Hindustan Times. Qaraldi: 10-iyul 2017-yil.
  4. „Anushka's intense gaze in the first look of film Pari will leave you intrigued“. Deccan Chronicle (13-iyun 2017-yil). Qaraldi: 23-noyabr 2017-yil.
  5. „Pari new screamer: Anushka Sharma will scare the living daylights out of you“.
  6. 6,0 6,1 „Mansi Multani 'enjoyed' being face of fear in 'Pari'“.
  7. „2020 tough but also turning point for my career: Aasif“ (inglizcha). Hindustan Times (12-iyul 2020-yil). Qaraldi: 8-mart 2021-yil.
  8. „Aasif Khan: Gambles have worked best for me“ (inglizcha). Hindustan Times (11-mart 2021-yil). Qaraldi: 19-mart 2021-yil.
  9. „'Pari' motion poster: Anushka Sharma's scars in 'Holi With Pari' will give you goosebumps“. The Times of India (10-yanvar 2018-yil). Qaraldi: 10-yanvar 2018-yil.
  10. „Pari new screamer: Anushka Sharma will scare the living daylights out of you“. Hindustan Times (2-fevral 2018-yil). Qaraldi: 3-fevral 2018-yil.
  11. „ʻPari’ teaser: Anushka Sharmaʼs blood-soaked face, hysterical laugh will make you scream & Updates at Daily News & Analysis“. dnaindia.com. 7 February 2018.
  12. „Pari Screamer 3: Not the kind of ʻI love you’ you expect from Anushka Sharma“.
  13. „Anushka Shamra starrer Pari’s trailer released: Highlights“.
  14. ʻPari’ Screamer 4: ʻRed-eyed' Anushka Sharma is all set to haunt you at night
  15. „Pari Screamer 5: Dear Anushka Sharma, Weʼre Scared Enough, Stop Already“. ndtv.com.
  16. „Anushka Sharma's 'Pari' banned in Pakistan. It did well at box office in the first week– The Express Tribune“ (inglizcha). The Express Tribune (2-mart 2018-yil). Qaraldi: 3-mart 2018-yil.
  17. „Pari (Original Motion Picture Soundtrack)“. iTunes.
  18. "Anupam Roy on composing for Anushka Sharmaʼs Pari.
  19. „Pari“. Rotten Tomatoes. Fandango. Qaraldi: andoza:rt data.
  20. „Pari - 2018“. Rotten Tomatoes.
  21. Pari Movie Review (3.5/5): Anushkaʼs strongest work as an actor-producer so far.
  22. „Pari Review: Anushka Sharma-starrer Doesn't Come Together in a Coherent, Satisfying Way“. News18 (4-may 2018-yil).
  23. „Pari movie review: Anushka ensures that India's Conjuring is here“ (2-mart 2018-yil).
  24. „Pari Movie Review: One Of The BEST To Come Out Of This Genre“ (2-mart 2018-yil).
  25. „'Pari' film review: This one will chill you“.
  26. „Pari movie review: Anushka Sharma's film is jumbled, chaotic and bland“. Hindustan Times (2-mart 2018-yil).
  27. „Pari Movie Review: Anushka Sharma is haunted by demons and a blotchy script“. India Today.
  28. „Pari movie review: The Anushka Sharma starrer fails to rise above its silliness“. The Indian Express (3-mart 2018-yil).
  29. „Pari Movie Review: Anushka Sharma Pulls Out All Stops In Uneven, Forgettable Film“. NDTV.
  30. Filmfare Awards 2019: Complete List Of Nominations

Havolalar[tahrir | manbasini tahrirlash]