Ozarbayjon bayrogʻi

Ozarbayjon bayrogʻi
Mamlakat	Ozarbayjon
Qabul qilindi	9-noyabr, 1918-yil) (1918-11-09)
Bekor qilindi	1920-yil
Takroran qabul qilindi	5-fevral, 1991-yil) (1991-02-05)
Dizayn	Gorizaontal holatdagi toʻq koʻk, qizil va yashil rangli bayroq. Qizil rang markazida oq yarim oy va sakkiz qirrali yulduz joylashgan.
Bayroq mualliflari	Ali bey Huseynzade

Ozarbayjon milliy bayrogʻi (ozarbayjoncha: Azərbaycan bayrağı) Ozarbayjon tilida Üçrəngli bayraq (oʻzbekchada Uchrangli bayroq) deb ham ataladi. Bayroq gorizontal holatdagi bir xil oʻlchamga ega boʻlgan toʻq koʻk, qizil va yashil kabi uch xil rangdan iborat boʻlib, bayroq markazida oq rangda yarim oy va sakkiz qirrali yulduz joylashgan. Bayroq Ozarbayjonning eng mashhur ramziga ham aylangan. Bayroqdagi toʻq koʻk rang Ozarbayjonning turkiy merosini, qizil rang taraqqiyotni, yashil rang esa Ozarbayjonning asosiy dini boʻlgan islom dinini ifodalaydi.

Har yili 9-noyabrda nishonlanadigan Ozarbayjon bayrogʻi kuni 2009-yil 17-noyabrdagi 595-sonli qonun bilan belgilab qoʻyilgan. Ushbu sana 1918-yil 9-noyabrda Ozarbayjon Demokratik Respublikasi tomonidan uch rangli bayroqning birinchi marta davlat bayrogʻi sifatida qabul qilingan kun ekanligi munosabati bilan tanlangan. Bayroq respublikada 1920-yilda Sovet qoʻshinlari Ozarbayjonga bostirib kirgunga qadar amalda boʻlgan. 1991-yil 5-fevralda mamlakat Sovet Ittifoqidan mustaqillikka erishgach, ranglar va oʻlchamidagi biroz oʻzgarish bilan qayta qabul qilingan.

Bayroq milliy konstitutsiyada, davlat madhiyasi, Azərbaycan marşıda ham eslab oʻtilgan. Bayroq quruqlikda fuqarolik, davlat va urush bayrogʻi sifatida, dengizda esa fuqarolik, davlat, dengiz ishorasi va dengiz flotida foydalaniladi. Ozarbayjonda qonun bilan bayroqdan foydalanish tartibga solingan. Bayroq tahqirlanishiga yoʻl qoʻyilmaydi. Bayroq Ozarbayjon tarkibidagi Naxichevan avtonom respublikasida ham rasmiy maqomga ega.

Tarixi

Ozarbayjon Demokratik Respublikasi (1918—1920)

1918-yil 21-iyundan 9-noyabrgacha amalda boʻlgan Ozarbayjon bayrogʻi

Mammad Amin Rasulzoda muhojirlik davrida chizgan ADR bayrogʻi

1918-yil 28-mayda Ozarbayjon Demokratik Respublikasi|Ozarbayjon demokratik respublikasi]] (ADR) mustaqilligini eʼlon qildi. Mustaqillik davrida dastlabki vazifalardan biri milliy ramzlarni qabul qilish edi. ADR 1918-yil 21-iyunda Usmonli imperiyasi bayrogʻi|Usmonli bayrogʻi]] namunasida qizil fonda oq yarim oy va sakkiz qirrali yulduz tasvirlangan birinchi davlat bayrogʻini qabul qildi. Yangi bayroq 1844-yilgacha amalda boʻlgan sakkiz qirrali yulduzi mavjud Usmonli imperiyasi bayrogʻi bilan deyarli bir xil boʻlib, undagi yulduz besh qirralisiga alishtirilgan. Bayroqlar oʻrtasidagi bunday oʻxshashlik Usmonli imperiyasining gegemonligi, shuningdek, Ozarbayjon va Usmonlilar turkiy aholisi oʻrtasidagi etnik qardoshlikni aks ettirgan.

Bir necha oy ichida shoshilinch qabul qilingan bayroqda faqat turkiylikka oʻrin berilgani tanqid ostiga olindi. Yangi bayroqda turkiylik, islomchilik va taraqqiyotga intilish kabi uchta gʻoya aks etishi kerak edi. Bu gʻoyalar ADRning „turklashtirish, islomlashtirish, modernizatsiya“ degan rasmiy mafkurasida ham aks etgan edi. Bu mafkuraning shakllanishiga Jamoliddin al-Afgʻoniyning islom mafkurasi haqida yozgan „The Philosophy of National Unity and the True Essence of Religious Unification“ (tarjimasi: „Milliy birlik falsafasi va diniy birlashuvning asl mohiyati“)va „Islamic Unity“ (tarjimasi: „Islom birligi“) nomli kitoblaridagi gʻoyalari taʼsir koʻrsatdi. Unga koʻra, musulmon xalqlari diniy konsolidatsiya, milliy birlik va Yevropa davlatchiligining ilgʻor anʼanalarini oʻrganishi shart edi.

1918-yil 9-noyabrda yangilangan davlat bayrogʻi loyihasi tasdiqlandi. Yangi bayroq gorizontal holatdagi uch rang: koʻk, qizil va yashil ranglardan iborat boʻlib, markazida oq yarim oy va sakkiz qirrali yulduz tasvirlangan. Yangilangan bayroq muallifi Ali bey Husaynzoda edi.

1918-yil 7-dekabrda parlament binosi peshtoqiga yangilangan davlat bayrogʻi ilindi. ADR mustaqilligini eʼlon qilgan Ozarbayjon Milliy kengashi raisi Muhammad Amin Rasulzoda oʻz nutqida shunday degan: „[…] va shuning uchun, janoblar, Milliy Kengash Ozarbayjonni ifodalovchi uch rangli bayroq masalasini koʻtarmoqda. Turkiy suverenitet, islom madaniyati va zamonaviy Yevropa qudrati ramzi boʻlgan bu bayroq doimo boshimzida hilpirab turadi. Bir marta koʻtarilgan bu bayroq endi tushmaydi“.

1920-yildan keyin Ozarbayjon Demokratik Respublikasi bayrogʻidan foydalanish

Qizil Armiya bosqini natijasida 1920-yil aprel oyida Ozarbayjon Demokratik Respublikasi qulaganidan soʻng bayroqdan Sovet Ittifoqidan tashqarida boʻlgan emigrant tashkilotlari foydalangan. II jahon urushi davrida ADR bayrogʻidan fashistlar Germaniyasi tomonida jang qilgan etnik ozarbayjonlarning harbiy tuzilmalari boʻlgan Ozarbayjon legioni batalyonlari foydalangan. Ozarbayjon legioni askarlarining bilak nishonida koʻk, qizil va yashil rangli uchta gorizontal chiziq, oq yarim oy va besh qirrali yulduz tasvirlangan.

ADR bayrogʻidan 1943-yil 6-noyabrda Germaniyaning Berlin shahrida boʻlib oʻtgan sobiq sovet ozarbayjonlik mayor Abdurahmon Fatalibeyli boshchiligidagi ozarbayjonlar qurultoyida ham foydalanilgan. Qurultoyda Ozarbayjon mustaqilligini tiklash haqida qaror qabul qilingan edi. 1922-yilda Muhammad Amin Rasulzoda Sovet Rossiyasidan Finlyandiya orqali Turkiyaga qochib ketgan edi. 1952-yilda Turkiyada ADR bayrogʻining nusxasini yaratgan. U bayroqni doʻsti Gulmirza Bagʻirovga bergan. U bayroqni 1976-yilda Ozarbayjonga yashirincha olib kelib, Maştağadagi uyiga ilib qoʻygan. Bayroq 2003-yil iyul oyida Ozarbayjon tarixi milliy muzeyiga topshirilgan va hozirga qadar muzeyda saqlanmoqda.

1956-yilda Johid Hiloloʻgʻli ismli namoyishchi Bokudagi Qiz minorasi ustiga bayroq koʻtarib, Sovet Ozarbayjoniga qarshiligini koʻrsatdi. Hiloloʻgʻli 4 yilga ozodlikdan mahrum qilindi. Uning tarafdori Chingiz Abdullayev esa ruhiy xastaliklar shifoxonasiga joylashtirilgan.

• ADR bayrogʻining tarixiy suratlari
• 

  1918-yil 7-dekabrdagi Ozarbayjon Demokratik Respublikasi parlamentining birinchi majlisida uch rangli bayroq tasdiqlangan.

• 

  Ozarbayjon delegatsiyasi Parijdagi Claridge mehmonxonasida. 1919-yil Parij tinchlik konferensiyasi. ADR ning uch rangli bayrogʻi fonda koʻrinib turibdi.

• 

  Ozarbayjon Demokratik Respublikasi armiyasi ofitserlari va askarlari uch rangli bayroq fonida

Ozarbayjon SSR (1920—1991)

Asosiy maqola: Ozarbayjon SSR bayrogʻi

1952—1990-yillarda amalda boʻlgan Sovet Ozarbayjoni bayrogʻi. Nisbat: 1:2

1920-yil 28-aprelda Ozarbayjon Sovet Sotsialistik Respublikalar Ittifoqi tarkibiga kirib, Ozarbayjon Sovet respublikasiga (Sovet Ozatbayjoni) aylandi. Bu davrda Ozarbayjon Demokratik Respublikasining bayroqlari taqiqlandi. Sovet hokimiyati davrida Sovet Ozarbayjonida sakkiz xil bayroqdan foydalanilgan. Koʻpgina bayroqlar shakli bir xil boʻlib, biroz oʻzgartirilgan. Oʻzgartishlar Sovet Ittifoqining Kavkazdagi dastlabki yillardagi xaotik holati natijasi edi. Birinchi norasmiy Sovet Ozarbayjoni bayrogʻi 1920-yil 28-aprelda Sovet Ittifoqi Bokuni egallab olgan vaqtda tasdiqlangan.

Sovet Ozarbayjonining ilk rasmiy bayrogʻi 1921-yil 19-mayda birinchi konstitutsiyasining 104-moddasiga muvofiq qabul qilingan. Oʻsha davrda Sovet Ozarbayjonining davlat tili ozarbayjon turkiy tili boʻlib, alifbosi arab yozuviga asoslangan edi. Shuning uchun bayroqdagi A.S.R. harflari arab alifbosida yozilgan edi. Sovet Ozarbayjonining sakkizinchi va oxirgi bayrogʻi 1952-yil 7-oktabrda qabul qilingan. Bayroq dizayni Sovet davlat bayrogʻiga juda ham oʻxshash edi. Yagona farqi pastki qismida bayroq balandligining chorak qismini egallagan gorizontal koʻk chiziq mavjud edi. Bayroq tavsifi quyidagicha:

“ Ozarbayjon Sovet sotsialistik respublikasining davlat bayrogʻida ikkita gorizontal holatdagi ranglar mavjud. Enining toʻrtdan uch qismini egallagan yuqori qismi qizil rangda, pastki qismi koʻk rangda. Bayroq qizil rangining yuqori chap burchagida oltin bolgʻa va oʻroq, ularning tepasida qirralari oltin rangdagi qizil 5 yulduz tasvirlangan. Bayroqning kenglik va uzunlik nisbati 1:2. ”

Ozarbayjon respublikasi (1991—hozirgacha)

Bokudagi Milliy bayroq maydoni

1980-yillar oxirida Sovet Ozarbayjonidagi tartibsizliklarda mustaqillikka chorlovchi namoyishlar davomida uch rangli Ozarbayjon Demokratik Respublikasi bayrogʻi koʻtarilgan. 1990-yil 17-noyabrda Naxichevan Muxtor respublikasi Oliy assambleyasining birinchi sessiyasida 1918-yilgi ODR bayrogʻi muxtor davlat rasmiy bayrogʻi sifatida qabul qilindi. Keyinchalik bu bayroq „Ozarbayjon SSR nomi va davlat bayrogʻini oʻzgartirish toʻgʻrisida“gi farmon bilan qabul davlat bayrogʻi sifatida qabul qilingan. Farmonni 1990-yil 29-noyabrda Ozarbayjon SSR prezidenti imzolagan. 1991-yil 5-fevralda Ozarbayjon SSR Oliy kengashi ratifikatsiya qilgan. Mustaqillikdan keyingi birinchi konstitutsiya 1995-yil 12-noyabrda umumxalq ovoz berishi orqali qabul qilingan. Konstitutsiya moddalaridan biri respublikaning uch rangli bayrogʻi haqida.

2007-yil 17-noyabrda Ozarbayjon prezidenti Ilhom Aliyev Boku shahrida „Davlat bayrogʻi maydonini tashkil etish toʻgʻrisida“ farmon imzoladi. Maydonda 162&nbspmetr balandlikdagi, 220&nbsptonna ogʻirlikdagi flagshtok oʻrnatildi. Flagshtokdagi bayroqning kengligi 35&nbspmetr, uzunligi 70&nbspmetr, ogʻirligi esa 350&nbspkilogramni tashkil qilgan. Flagshtok binosida davlat bayrogʻi uchun muzey ham tashkil qilindi. 2010-yil 1-sentabrda muzey ochilish marosimida bayroq koʻtarildi. 2011-yilda Tojikistonning 165&nbspmetrli Dushanbe flagshtoki qurilguniga qadar u dunyodagi eng baland flagshtok boʻlib qoldi. Flagshtok shamol natijasida bayroq bir necha marta yirtilib ketganindan soʻng 2017-yilda demontaj qilingan.

Xronologik galereya

Asosiy maqola: Ozarbayjon bayroqlari roʻyxati

• 

  Ozarbayjon Demokratik Respublikasi bayrogʻi (1918)

• 

  Ozarbayjon Demokratik Respublikasi bayrogʻi (1918–1920)

• 

  Ozarbayjon Sovet sotsialistik respublikasi bayrogʻi (1920)

• 

  Ozarbayjon Sovet sotsialistik respublikasi bayrogʻi (1920–1921)

• 

  Ozarbayjon Sovet sotsialistik respublikasi bayrogʻi (1921–1922)

• 

  Kavkazorti SFSR bayrogʻi (1930–1936)

• 

  Ozarbayjon Sovet sotsialistik respublikasi bayrogʻi (1937–1940)

• 

  Ozarbayjon Sovet sotsialistik respublikasi bayrogʻi (1940–1952)

• 

  Ozarbayjon Sovet sotsialistik respublikasi bayrogʻi (1952–1956)

• 

  Ozarbayjon Sovet sotsialistik respublikasi bayrogʻi (1956–1991)

• 

  Ozarbayjon Respublikasi bayrogʻi (1991–2004)

• 

  Ozarbayjon Respublikasi bayrogʻi (2004–2013)

• 

  Ozarbayjon Respublikasi bayrogʻi (2013–hozirgacha)

Dizayn

Ozarbayjon bayrogʻining tuzilish shakli

Ozarbayjon davlat bayrogʻi teng kenglikdagi uchta gorizontal chiziqda koʻk, qizil va yashil ranglardan iborat. Markazda oq yarim oy va sakkiz qirrali yulduz tasvirlangan. Bayroqning asosiy tavsifi va nisbati Ozarbayjon Konstitutsiyasida koʻrsatib oʻtilgan:

“ Ozarbayjon Respublikasining Davlat bayrogʻi bir xil kenglikdagi uch xil rangli gorizontal chiziqdan iborat. Yuqorisi koʻk, oʻrtada qizil va pastki qismida yashil rang berilgan. Qizil rang oʻrtasida oq yarim oy va sakkiz qirrali yulduz tasvirlangan. Bayroq kengligi uzunligining yarmini tashkil qiladi ”

Bayroqning asosiy xususiyatlari prezidentning 1991-yil 5-fevralda qabul qilingan „Ozarbayjon Respublikasi Davlat bayrogʻi toʻgʻrisida“gi farmonida batafsil bayon etilgan. Bayroq nisbati Sovet davrida foydalanilgani kabi 1:2 nisbatda saqlanib qolgan. Har bir rangli chiziq bayroq umumiy balandligining uchdan bir qismini egallaydigan qilib chiziladi. Yulduz va yarim oy qizil chiziq markazida joylashadi. Yarim oy va qizil ichki doiraning tashqi diametri yulduz diametri bilan kesishadi. Yulduz diametri bayroq balandligining oltidan bir qismini tashkil qiladi. Yulduz ichidagi doira esa bayroq umumiy balandligining oʻn ikkidan bir qismini tashqil qiladi.

Ranglar

Bayroqda yashil, qizil, moviy va oq ranglar mavjud. Bayroq ranglaridagi aniq spetsifikatsiyalar 2004-yilda qabul qilingan „Ozarbayjon Davlat bayrogʻi qoidalari toʻgʻrisida“gi farmonda berilgan. Bayroq ranglari 2013-yilda yangilangan va quyidagi ranglar qabul qilingan:

Rang sxemasi	Koʻk	Qizil	Yashil
RAL	5012	3018	6018
Pantone	306 °C	Red 032 °C	362 °C
CMYK	100-20-0-11	0-79-73-6	49-0-70-38
HEX	#00B5E2	#EF3340	#509E2F
RGB	0-181-226	239-54-61	80-158-47

2004—2013-yillar oraligʻida foydalanilgan rang sxemasi (1918—1920-yillardagi bayroqning taxminiy ranglari) quyidagicha:

Rang sxemasi 2004—2013	Koʻk	Qizil	Yashil
RAL	5015	3020	6024
CMYK	100-22-0-24	0-100-77-12	100-0-42-32
HEX	#0098C3	#E00034	#00AE65
RGB	0-152-195	224-0-52	0-174-101

Ramziylik

Koʻk rang Ozarbayjonning turkiy merosini, qizil rang zamonaviy davlat barpo etish va demokratiyani rivojlantirish, yashil rang esa islom dinini ifodalaydi. Bayroq markazida oq yarim oy va sakkiz qirrali yulduzdan iborat oy va yulduz tasvirlangan.

Yarim oy va yulduz Islom belgisi sifatida koʻrilsa-da, tarixchilar va tadqiqotchilar bayroqda sakkiz qirrali yulduz tasvirlanishi borasida yakdil fikrda emaslar. Fatali Xon Xoyskiy Ozarbayjon soʻzi arab yozuvida yozilganda (آذربایجان), undagi sakkiz harfga ishora qilingan deya tushuntirgan. Shuningdek, yulduzning sakkizta qirrasi Sovet Ittifoqidan oldingi davrda tasniflangan sakkiz turkiy xalqlar: ozarbayjon, usmonlilar (turklar), chigʻatoylar, tatarlar, qipchoqlar, saljuqiylar va turkomanlarni anglatadi, deb hisoblovchilar ham bor It is possible the Kipchaks actually reflect two peoples, the Kazakhs and Kyrgyz, which would make eight.. Qipchoqlar ikki xalq, qozoq va qirgʻizlarni ifodalagan boʻlishi mumkin. Shunday hisoblaganda xalqlar soni sakkiztani tashkil qiladi.

Protokol

Ozarbayjon Respublikasining 2004-yil 8-iyunda qabul qilingan 683-sonli Qonuni 2-moddasiga muvofiq (2015-yil 1-sentabr tahririda) Davlat bayrogʻi quyidagi hollarda koʻtariladi:

Ofis	Bino	Avtomobil
Ozarbayjon prezidenti	Y	Y
Ozarbayjon bosh vaziri	Y	Y
Milliy assambleya spikeri	Y	Y
Vazirlar Mahkamasi	Y
Ozarbayjon Konstitusiyaviy sudi	Y
Ozarbayjon Oliy sudi	Y
Ozarbayjon sud-huquq kengashi	Y
Markaziy ijro etuvchi hokimiyat organlari	Y	Y
Ozarbayjon Markaziy banki rahbari	Y	Y
Ozarbayjon Markaziy saylov komissiyasi	Y
Ozarbayjon palatasi	Y
Naxichevan Oliy assambleyasi	Y
Naxichevan Vazirlar Mahkamasi	Y
Naxichevan Oliy sudi	Y
Naxchivan mahalliy ijro etuvchi hokimiyat organlari	Y	Y
Inson huquqlari boʻyicha vakil	Y
Milliy Assambleya raisi oʻrinbosari	Y
Ozarbayjon elchixonalari	Y
Ozarbayjondagi konsulliklar	Y
Dengiz savdo kodeksida roʻyxatga olingan kemalar		Y
Ozarbayjon suvlaridagi xorijiy kemalar		Y
Ozarbayjon chegara oʻtish joylari	Y

Ozarbayjon Milliy gvardiyasi aʼzosi davlat bayrogʻini ushlab turibdi.

Ozarbayjon Respublikasi Qurolli kuchlarining harbiy qismlari, harbiy-dengiz kemalari binolari, harbiy sudlar va qarorgohlari ustida davlat bayrogʻi quyidagi hollarda ham koʻtarilishi lozim:

• davlat bayramlari vaqtida
• harbiy qasamyod vaqtida
• harbiy qismlar yoki harbiy sudlardagi taqdirlash marosimlarida
• harbiy qism yoki harbiy kema boshqa davlat hududida joylashganida

Bayroq binoga osilganida Ozarbayjon bayrogʻi bino devoriga vertikal holatda oʻrnatilishi kerak. Shunda bayroqning yashil tomoni chap tomonda joylashadi.

Qonuniy himoya

Ozarbayjonda bayroqni tahqirlash jinoyat hisoblanadi. Ozarbayjon Jinoyat kodeksining 324-moddasiga koʻra, „Ozarbayjon Respublikasining davlat bayrogʻi yoki davlat gerbini tahqirlash“ ikki yilgacha ozodlikni cheklash yoki bir yilgacha ozodlikdan mahrum qilish bilan jazolanadi. 16 yoshdan oshgan shaxslar tomonidan bayroqqa nisbatan hurmatsizlik qilinsa, masaln, uni yoʻq qilish, shikastlash yoki bayroqda behayo chizmalar chizish, yozuvlar yozishga nisbatan faol jamoatchilik komissiyasi tomonidan jazo tayinlanadi.

Davlat bayrogʻi kuni

Ozarbayjonda Davlat bayrogʻi kuni prezidenti Ilhom Aliyev tomonidan 2019-yil 17-noyabrda imzolangan 595-sonli qonun asosida taʼsis etilgan. Bayroq kuni har yili 9-noyabrda nishonlanadi. Bu sana mamlakatda dam olish kuni hisoblanadi. Ilhom Aliyev Davlat bayrogʻi mayodinining ochilish marosimida soʻzlagan nutqida bayroq kuni haqidagi farmonni aynan 17-noyabrda imzolashiga 1990-yil 17-noyabrda ODR bayrogʻi Ozarbayjon Respublikasi davlat bayrogʻi sifatida qabul qilinganligi sabab boʻlganini taʼkidladi.

Taʼsiri

Rasulzoda aytgan soʻzlar (ozarbayjoncha: "Bir kərə yüksələn bayraq, bir daha enməz!" „Bir marta koʻtarilgan bayroq hech qachon yiqilmas!“) 20-asr boshlaridagi Ozarbayjon mustaqilligi hayqiriqlari edi. 1919-yilda Jafar Jabbarli Ozarbayjon davlat ramzlariga bagʻishlab „Ozarbayjon bayrogʻiga“ sheʼrini yozgan. Davlat bayrogʻi Ozarbayjon davlat madhiyasi, „Azərbaycan marşı“ning beshinchi va oʻn beshinchi jumlalarida ham qayd etilgan. Parchalarning oʻzbekcha tarjimasi quyidagicha: „Uch rangli bayroq bilan baxtli yashang!“ va „Faxriy bayrogʻingizni baland koʻtaring“.

Yana qarang

• Ozarbayjon Respublikasining davlat gerbi

Adabiyotlar

• Swietochowski, Tadeusz. Russia and Azerbaijan: a Borderland in Transition (inglizcha). New York: Columbia University Press, 1995. ISBN 978-0-231-07068-3. 
• Ahmedov, Sabuhi (2010). „Государственный флаг азербайджанской Республики“ [State flag of the Azerbaijan Republic] (PDF). Геральдика (ruscha). 2-jild, № 44. Qaraldi: 30–aprel 2022–yil.{{cite magazine}}: CS1 maint: date format ()
• Vasilevich, Zagoruiko Mikhail (2014). „Символы флага и герба Республики Азербайджан“ [Symbols of the Flag and Emblem of the Republic of Azerbaijan]. Economic Consultant (ruscha). 4-jild, № 8. Qaraldi: 30–aprel 2022–yil.{{cite magazine}}: CS1 maint: date format ()
• Marshall, Tim. A Flag Worth Dying For: The Power and Politics of National Symbols (inglizcha). Simon and Schuster, 4-iyul 2017-yil. ISBN 978-1-5011-6833-8. 
• Tokluoglu, Ceylan (1–iyul 2005–yil). „Definitions of National Identity, Nationalism and Ethnicity in Post-Soviet Azerbaijan in the 1990s“. Ethnic and Racial Studies (inglizcha). 28-jild, № 4. 722–758-bet. doi:10.1080/01419870500092951. ISSN 0141-9870. S2CID 39891613. Qaraldi: 30–aprel 2022–yil.{{cite magazine}}: CS1 maint: date format ()
• Suny, Richard. Transcaucasia, Nationalism and Social Change: Essays in the History of Armenia, Azerbaijan, and Georgia (inglizcha). Ann Arbor: University of Michigan Press, 1996. ISBN 978-0-472-06617-9. 
• Swietochowski, Tadeusz; Collins, Brian C.. Historical Dictionary of Azerbaijan (inglizcha). Lanham, Md.: Scarecrow Press, 1999. ISBN 978-0-8108-3550-4. 
• Heydarov, Tale; Bagiyev, Tale. Azerbaijan: 100 Questions Answered (inglizcha). Azeri-Anglo Youth Society, 2005. ISBN 978-9952-8068-0-9. 
• Smith, Whitney. Flag Lore of All Nations, A Millbrook Press library (inglizcha), Brookfield, Conn.: Millbrook Press, 2001. ISBN 978-0-7613-1753-1. 
• Hasanli, Jamil. Foreign Policy of the Republic of Azerbaijan: The Difficult Road to Western Integration, 1918-1920. London: Routledge, 16-dekabr 2015-yil. ISBN 978-1-317-36616-4. 
• Drobyazko, Sergey; Karaschuk, Andrei. Вторая мировая война 1939-1945. Восточные легионы и казачьи части в вермахте (ruscha). Moscow: AST, 1999. ISBN 978-5-237-03026-6. 
• Yaqublu, Nəsiman. Əbdürrəhman Fətəlibəyli-Düdənginski (az). Abşeron Nəşr, 2009 — 262 bet. ISBN 978-9952-8020-8-5. 
• Goltz, Thomas. Azerbaijan Diary: A Rogue Reporter's Adventures in an Oil-rich, War-torn, Post-Soviet Republic (inglizcha). Armonk, N.Y.: M.E. Sharpe, 1998. ISBN 978-0-7656-0243-5. 
• Bolukbasi, Suha. Azerbaijan: A Political History (inglizcha). London: Bloomsbury Publishing, 1-oktabr 2013-yil. ISBN 978-0-85773-762-5. 
• Altstadt, Audrey L.. Frustrated Democracy in Post-Soviet Azerbaijan (inglizcha). Washington, D.C.: Columbia University Press, 23-may 2017-yil. ISBN 978-0-231-80141-6. 
• Pope, Hugh. Sons of the Conquerors: The Rise of the Turkic World. Overlook Duckworth, 2005. ISBN 978-0-7156-3368-7. 
• Hille, Charlotte Mathilde Louise. State Building and Conflict Resolution in the Caucasus. Leiden: Brill, 2010. ISBN 978-90-47-44136-6. 
• Özer, Utku (2019). „Early Nation-Building Policies in Post-Soviet Azerbaijan“. International Journal of Turcologia (inglizcha). 14-jild, № 28. 6–30-bet.</ref>
• Bordeleau, André G.. Flags of the Night Sky: When Astronomy Meets National Pride (inglizcha). New York: Springer Science & Business Media, 22-oktabr 2013-yil. ISBN 978-1-4614-0929-8. 
• Rookwood, Joel (3–aprel 2022–yil). „From Sport-for-Development to Sports Mega-Events: Conflict, Authoritarian Modernisation and Statecraft in Azerbaijan“. Sport in Society. 25-jild, № 4. 861-bet. doi:10.1080/17430437.2021.2019710. ISSN 1743-0437. S2CID 245453904.{{cite magazine}}: CS1 maint: date format ()
• Matjunin, Sergei (2000). „The New State Flags as the Iconographic Symbols of the Post-Soviet Space“. GeoJournal. 52-jild, № 4. 311–313-bet. doi:10.1023/A:1014378626699. ISSN 0343-2521. JSTOR 41147569. S2CID 150560930.
• Complete Flags of the World: The Ultimate Pocket Guide (inglizcha). London: Dorling Kindersley Limited, 2-iyun 2014-yil. ISBN 978-0-241-18022-8. 
• Znamierowski, Alfred. The World Encyclopedia of Flags: The Definitive Guide to International Flags, Banners, Standards and Ensigns (inglizcha). London: Hermes House, 2001. ISBN 978-1-84309-042-7. 
• Çağla, Cengiz (30–iyun 2019–yil). „Nation-Building in Southern Caucasus: The Case of Arzerbaijan (1900—1920)“. Journal of Balkan and Black Sea Studies (inglizcha). № 2. 31–55-bet. ISSN 2667-470X.{{cite magazine}}: CS1 maint: date format ()

Havolalar

• Media related to National flag of Azerbaijan at Wikimedia Commons
• Ozarbayjon Flags of the World saytida
• VEXILLOGRAPHIA — Flagi Azerbaydjana