Oq ilon yoki chipor ilon (Hemorrhois ravergieri) – suvilonsimonlaroilasiga mansub tur. Gavdasining uzunligi 1–1,5 m. Terisi kulrang, baʼzan sargʻish, yashil tusda tovlanadi. Kaltakesaklar, qushlar va kemiruvchilar bilan oziqlanadi. Kunduzi devor yoriqlarida, toshlar tagida, turli kemiruvchilar inida, baʼzan odam yashaydigan binolarda yashirinib yotadi, ertalab va kechqurun faol. Urgʻochisi iyun va iyul oylarida 5 tadan 20 tagacha tuxum qoʻyadi. Tuxumdan bolasi avgust va sentyabr oylarida ochib chiqadi. Oq ilonlar aprel va may oyida poʻst tashlaydi. Misr, Oʻrta Osiyo, jumladan, Oʻzbekiston, Kavkazorti, shimoli-gʻarbiy Hindistonda tarqalgan. Oʻzbekistonda tipik kenja turi uchraydi. Oq ilonlar zaharsiz, bezovta qilinsa, tishlaydi.
.png){kind=small}