Kontent qismiga oʻtish

Oʻzbekiston milliy universiteti

Vikipediya, erkin ensiklopediya
(O'zMUdan yoʻnaltirildi)
Mirzo Ulugʻbek nomidagi Oʻzbekiston milliy universiteti

Oʻzbekiston milliy universiteti kirishi
Xalqaro nomi
 National university of Uzbekistan
Turi Universitet
Asos solingan sanasi 1918-yil
Rektori Inʼom Madjidov
Fakultetlar 16
Talabalari 33 930 [1]
Bakalavriat 4 yil
Magistratura 2 yil
Aspirantura 3 yil
Doktorantura 3 yil
Manzili
Toshkent-100174, Talabalar shaharchasi, Mirzo Ulugʻbek nomidagi Oʻzbekiston Milliy universiteti, Oʻzbekiston
Veb-sayti http://www.nuu.uz/

Mirzo Ulugʻbek nomidagi Oʻzbekiston Milliy universiteti (OʻzMU) — Oʻzbekistondagi eng yirik oliy oʻquv yurti va ilmiy tekshirish markazlaridan biri; Oʻrta Osiyo va Qozogʻistondagi birinchi universitet. 1918-yil Turkiston xalq universiteti sifatida Toshkent shahrida tashkil etilgan. Turkiston xalq universiteti 1920-yildan Turkiston davlat universiteti, 1923-yildan Oʻrta Osiyo davlat universiteti (SAGU), 1960-yildan Toshkent davlat universiteti deb nomlangan. Oʻzbekiston Respublikasi Prezidentining 2000-yil 28-yanvardagi farmoniga[2] muvofiq, universitetga milliy universitet maqomi berildi va u hozirgi nomi bilan ataldi. 1995-yil Mirzo Ulugʻbek nomi berilgan[3].

Tarixi

[tahrir | manbasini tahrirlash]
Oʻrta Osiyo davlat universitetida ishlash uchun otlangan olimlar jamoasi. Fevral 1920-yil

Tashkil qilinishi

[tahrir | manbasini tahrirlash]

XX asrning boshlarida Toshkent va Turkiston oʻlkasining jadal rivojlanishi hamda Toshkent va Samarqanddagi gimnaziyalar, Toshkent Real bilim yurti yoki Toshkent shahridagi oʻqituvchilar seminariyasi va boshqa oʻrta taʼlim muassasalarini bitirgan oʻqimishli odamlar sonining koʻpayishi munosabati bilan bu yerda oliy oʻquv yurti — vaqtning eng yuqori talablariga javob beradigan universitetni ochish masalasi keskin koʻtarildi.

Tayyorgarlik ishlari ham jamoatchilik, ham viloyat maʼmuriyati tomonidan amalga oshirildi. Toshkentdagi universitetni ochish uchun smeta va boshqa zarur hujjatlar 1914-yilga tayyorlangan. Biroq, birinchi jahon urushi bu rejalarga toʻsqinlik qildi.

Shunga qaramay, mintaqada oliy oʻquv yurtini ochish zaruriyati saqlanib qoldi. Shuning uchun 1917-yil 15-22-noyabr kunlari Toshkentda boʻlib oʻtgan Turkiston Sovetlarining III mintaqaviy qurultoyi bu yerda oliy oʻquv yurtini ochishga qaror qildi. 1918-yil 17-fevral kuni Toshkent oliy taʼlim ishtiyoqmandlari jamiyatining taʼsis yigʻilishi boʻlib oʻtdi. Uning tarkibiga rus geografik va texnik jamiyatlari Turkiston boʻlimlari, Toshkent tabiatshunoslar va shifokorlar jamiyati, Toshkent pedagogika va yuridik jamiyatlari, Turkiston qishloq xoʻjaligi jamiyati, musulmon oʻqituvchilari jamiyati, politexnika kurslari hamda oʻlkashunoslik oʻqituvchilari uyushmasi vakillari kiradi.

Oliy taʼlim ishtiyoqmandlari jamiyatining aʼzolari matematik V. I. Romanovskiy, shifokorlar A. P. Shilov va M. I. Slonim, agronom R. R. Shreder, meʼmor G. M. Varichevskiy va boshqalar kabi taniqli olimlar edi. M. I. Sosnovskiy rais etib saylandi.

Xalq universiteti

[tahrir | manbasini tahrirlash]
Oʻrta Osiya Davlat Universiteti bitiruvchilari

1918-yil 9-mart kuni Turkiston oʻlkasining XKK milliy universitetini xalq taʼlimi komissarligiga boʻysunish bilan tashkil etishga qaror qildi. Universitetga harbiy maktab binosi va buyuk knyaz N. K. Romanov saroyi berildi. Tashkiliy xarajatlar uchun 2 million rubl ajratildi. Ushbu qaror 1918-yil 16 martdagi Turkiston Davlat qoʻmitasi buyrugʻi bilan eʼlon qilindi.

1918-yil 11-mart kuni Turkiston universiteti kengashi tuzildi, 1918-yil 5-aprel kuni kengash majlisida uning rahbarlari saylandi. Universitet direktori ilgari Petrograd gimnaziyalaridan birining oʻqituvchisi va oliy xotin-qizlar kurslarining xususiy dotsenti sifatida ishlagan taniqli xalq taʼlimi xodimi A. V. Popov edi. Direktor oʻrinbosari eng yirik agronom Rixard Rixardovich Shreder etib saylandi.

Shundan soʻng, universitetga oʻqish istagini bildirganlarni qabul qilish boshlandi. 1918-yil 21-aprel kuni Turkiston xalq universitetining tantanali ochilish marosimi boʻlib oʻtdi. Dastlab bu yerda oʻqigan talabalar soni 1200 kishi edi.

Taʼkidlash joizki, Turkiston xalq universiteti tashkil topganining dastlabki davrida oliy taʼlim muassasasi emas edi. U turli xil taʼlim va maʼrifiy muassasalarni birlashtirgan oʻziga xos oʻquv kombinati edi. U universitet tipidagi fakultetlarni oʻz ichiga olgan: tabiiy-matematik, qishloq xoʻjaligi, texnik, ijtimoiy-iqtisodiy va adabiy-falsafiy (1918-yil kuzidan boshlab tarixiy-filologik, pedagogika, jumladan, pedologiya va psixologiya) va turli kurslar: elektromontyorlar, oʻrmon texniklari, yer-suv qoʻmitalari oʻqituvchilari, avtomobil ishlari, temir yoʻl, chizmalar, kooperativ, pedagogik, xorijiy tillar, maktabgacha taʼlim, kesish va tikish, poyabzal ishlar va boshqalar. Universitetdagi kurslarni tinglashga barcha xohlovchilarga, ularning taʼlim darajasidan qatʼi nazar, ruxsat berildi. Yaʼni, ayrim hollarda, tabiatan universitet kurslari oʻrta kasb-hunar taʼlim muassasalariga yaqinlashdi.

1961-1969-yillarda Oʻzbekiston milliy universiteti Markaziy Osiyo muassasalari oʻrtasida zamonaviy taʼlim tizimida birinchi oʻrinni egalladi va Sovet Ittifoqining eng nufuzli oliy oʻquv yurtlaridan biriga aylandi. Koʻplab Markaziy Osiyo milliy universitetlari Oʻzbekiston milliy universiteti bazasida tashkil etilgan, jumladan, Abay nomidagi Qozogʻiston Milliy pedagogika universiteti (1925), Tojikiston oliy pedagogika instituti (1932) va Tojikiston qishloq xoʻjaligi instituti (1931), shunindek, ayrim maʼlumotlarga koʻra Qirgʻiz milliy universiteti tashkil etilishiga ham asos boʻlgan.

Keyingi yillar

[tahrir | manbasini tahrirlash]

Turkiston universitetida tibbiyot, fizika-matematika, ijtimoiy-iqtisodiy (ijtimoiy fanlar), tarix-filologiya, texnika, qishloq xoʻjaligi va harbiy fakultetlar boʻlib, ularda 2969 talaba oʻqigan. Ishchi va dehqonlarni, ayniqsa, mahalliy millat vakillarini universitetga kirishga tayyorlash maqsadida uning huzuridagi ishchilar fakulteti muhim rol oʻynadi. Universitet yildan yilga kengayib bordi. 1924-yil „Ijtimoiy fanlar“ fakulteti asosida „Mahalliy xoʻjalik va huquq“ fakulteti tuzildi. Baʼzi fakultetlar birlashtirildi, ayrim fakultetlarda bir qancha boʻlim va kafedralar ochildi. Universitet mamlakatda Oʻrta Osiyo va Qozogʻiston uchun kadrlar tayyorlashning asosiy markaziga aylandi. Oʻzbek ziyolilarining tarkib topishida muhim rol oʻynadi. 20-yillarning 2-yarmidan universitetda ilmiy tekshirish ishlariga alohida ahamiyat berildi. 1929-yil aspirantura ochildi. Universitet olimlari tomonidan xalq xoʻjaligi uchun muhim ahamiyatga ega boʻlgan kashfiyotlar qilindi. Xususan, 1928-yil universitet olimi P. B. Grabovskiy I. F. Belyanskiy bilan birgalikda elektron nur yordamida harakatdagi tasvirni bir joydan boshqa joyga uzatadigan va qabul qiladigan „radiotelefot“ apparatini yaratdilar. 1928-yildan universitet fakultetlari asosida mustaqil tarmoqli institutlar, jumladan, Oʻrta Osiyo paxtachilik instituti, Oʻrta Osiyo paxtachilik va irrigatsiya politexnika instituti (hozirgi Toshkent irrigatsiya va melioratsiya instituti), Oʻrta Osiyo tibbiyot instituti, Tojikiston qishloq xoʻjaligi instituti, Tojikiston agronomiya va pedagogika instituti, Turkmaniston zooveterinariya instituti, Oʻrta Osiyo irrigatsiya muhandislari va texniklari instituti, Oʻrta Osiyo geologiya qidiruv instituti, Oʻrta Osiyo industrial instituti (hozirgi Toshkent texnika universiteti), Oʻrta Osiyo ipakchilik instituti, Oʻrta Osiyo moliya iqtisod instituti (hozirgi Toshkent davlat iqtisodiyot universiteti) va boshqa institut hamda ilmiy tekshirish muassasalari tarkib topdi. 1931-yil universitetda biologiya, texnika, fizika-matematika va ishchi fakultetlari ishladi. 1935-yil tarix, tuproqshunoslik, geologiya hamda geografiya fakultetlari tashkil topdi. 1938-yil sirtqi boʻlim ochildi. Ikkinchi jahon urushi (1939—1945)dan oldingi davrda universitet oʻqituvchilar tarkibi universitetni tugatgan milliy kadrlar (T. N. Qori Niyoziy, T. Z. Zohidov, T. A. Sorimsoqov, O. S. Sodiqov va boshqalar) hisobiga kengaydi. 1941-yil noyabrda Oʻzbekiston Davlat Universiteti (hozirgi Samarqand universiteti) SAGUga qoʻshildi (1945-yil yana ajralib chiqdi). Filologiya (1942), sharq (1944), geografiya (1945), geologiya-tuproqshunoslik (1945) fakultetlari tashkil etildi. 1943-yil aprelda aspirantura kengaytirilib, doktorantura ochildi. Universitet olimlari 1943-yil Oʻzbekiston Respublikasi Fanlar akademiyasining tashkil topishi va rivojlanishida asosiy rol oʻynadilar. Keyingi yillarda universitet faoliyati yanada kengaydi, oʻquv jarayonlari takomillashdi va ilmiy tadqiqotlarlar yuksaldi. 1991-yil sharq va yuridik fakultetlari negizida Toshkent davlat sharqshunoslik universiteti va Toshkent davlat yuridik universiteti tashkil topdi. Universitetda 14 ta fakultet (fizika, mexanika-matematika, kimyo, biologiya-tuproqshunoslik, geografiya, geologiya, oʻzbek filologiyasi, xorijiy filologiya, jurnalistika, tarix, falsafa, ijtimoiy-siyosiy fanlar, iqtisodiyot, huquqshunoslik), fakultet maqomidagi tillar markazi, tayyorlov boʻlimi, 102 ta kafedra, Amaliy fizika ilmiy tekshirish instituti, Oliy pedagogika instituti, Amaliy ekologiya va tabiatdan unumli foydalanish ilmiy tekshirish boʻlimi, botanika bogʻi, 16 ta ilmiy laboratoriya va milliy qadriyatlar markazi faoliyat koʻrsatadi. Shuningdek, oʻquv, oʻquv-uslubiy, aspirantura, marketing, ichki nazorat va monitoring, reja-moliya, hisob, xodimlar boʻlimlari, magistratura markazi, bosh muhandis xizmati va boshqalar mavjud. Universitetda 3 milliondan ortiq asarga ega 14 ta kutubxona (ulardan 13 tasi fakultetlar qoshida) faoliyat koʻrsatadi. Kutubxonada toshbosma va nodir qoʻlyozmalar fondi bor.

Universitet 34 ta taʼlim yoʻnalishi boʻyicha bakalavrlar, 108 ta mutaxassislik boʻyicha magistrlar tayyorlaydi. 68 ta mutaxassislik boʻyicha aspirantura, 20 ta mutaxassislik boʻyicha doktorantura mavjud. 2005-yil 164 ta aspirant, 16 ta doktorant, 127 ta tadqiqotchi ilmiy tekshirish olib bordi, 14 ta ixtisoslashgan kengash (9 ta doktorlik va 5 ta nomzodlik) 30 ta mutaxassislik boʻyicha faoliyat koʻrsatadi. 2004-2005-oʻquv yili universitetda 10 250 ta talaba taʼlim oldi, 1059 ta professor-oʻqituvchi, jumladan, 136 ta fan doktori va professor, 387 ta fan nomzodi va dotsent ishladi. Universitet professor oʻqituvchilari orasida Oʻzbekiston Respublikasi Fanlar akademiyasining akademiklari (A. A. Abduvahobov, J. A. Azimov, T. A. Azlarov, Sh. A. Alimov, Sh. A. Ayupov, T. N. Dolimov, T. J. Joʻrayev, T. S. Yoʻldoshboyev, A. T. Mamadalimov, J. A. Musayev, M. M. Musaxonov, A. R. Muhammadjonov, T. M. Moʻminov, N. A. Parpiyev, S. Sh. Rashidova, M. Salohiddinov, Sh. I.Solihov, N. Y. Sotimov, B. O. Toshmuhamedov, S. Sh. Shermuhamedov va boshqalar) bor. Universitetda muhim fan tarmoqlari boʻyicha ilmiy maktab va yoʻnalishlar yaratildi. Xususan, universitet olimlarining matematika va mexanika (V. I. Romanovskiy, T. A. Sarimsoqov, S. H. Sirojiddinov, Sh. Q. Farmonov, T. A. Azlarov, M. S. Salohiddinov, A. S. Sadullaev, Sh. A. Ayupov, Sh. O. Alimov, M. T. Oʻrozboyev, A. Begmatov), fizika (S. V. Starodubsev, O. Xolmuhamedov, Sh. Otajonov, S. U. Umarov, R. X. Mallin), kimyo (O. S. Sodiqov, R. Tillayev, K. S. Ahmedov, Oʻ. N. Musayev, S. Sh. Rashidova, Sh. T. Tolipov), biologiya (Y. P. Korovin, T. Z. Zohidov, A. T. Toʻlaganov, A. Vahobov), tuproqshunoslik va agrokimyo (S. N. Rijov, X. A. Abdullayev), biokimyo va biofizika (Y. X. Toʻraqulov), baland togʻlarni oʻzlashtirish (I. A. Raykova), genetika (J. A. Musayev), geologiya (A. S. Uklonskiy, O. I. Islomov, T. N. Dolimov), geografiya (L. N. Korjenevskiy, A. Soliyev, Z. M. Akramov, H. H. Hasanov), falsafa (A. T. Ayupov, K. S. Sodiqov, E. Yusupov, S. Shermuhamedov, J. M. Boboyev, I. Rahimov), tarix (V. V. Bartold, A. A. Semyonov), huquqshunoslik (H. S. Sulaymonova, O. E. Eshonov, Sh. Z. Oʻrazayev), sharqshunoslik (Sh. Shomuhamedov), filologiya (Gʻ. K. Karimov, O. Sharafiddinov, S. D. Dolimov, A. Gʻ.Gʻulomov, L. P. Qayumov, B. Qosimov, U. Normatov, A. Abduazizov, Sh. Rahmatullayev), psixologiya (E. Gʻoziyev), sotsiologiya (N. Aliqoriyev) sohasidagi tadqiqotlari mashhur.

Universitet tashkil topgandan beri 110 mingdan ortiq mutaxassis tayyorlandi (2005). Universitetda taniqli shoir va yozuvchilardan Oybek, M. Avezov, A. Qahhor, A. Muxtor, P. Qodirov, O. Yoqubov, Oʻ. Hoshimov, Oʻzbekiston Qahramonlari O. Sharafiddinov, A. Oripov, E. Vohidov va boshqalar oʻqigan.

Universitetda „Oʻzbekiston milliy universiteti xabarlari“ jurnali (1997) va „Milliy universitet“ gazetasi (1918) chiqadi. Universitet oʻz bosmaxonasiga ega boʻlib, unda har yili professor va oʻqituvchilarning 100 dan ortiq ilmiy asar va oʻquv-uslubiy adabiyotlari nashr etiladi.

Universitetda 2025-yil 26-iyun holatiga koʻra 34 mingdan ortiq talaba, magistr, aspirant va doktorantlar tahsil olmoqda.

Rektorlari

[tahrir | manbasini tahrirlash]
Oʻzbekiston Milliy universiteti rektorlari roʻyxati
№Rektorning ismi familiyasiFaoliyat yillari
1918—1920-yillar: Turkiston xalq universiteti
1Munavvarqori Abdurashidxon oʻgʻli1918—1918-yillar
2Aleksey Vasilyevich Popov1918—1918-yillar
3Gleb Nikanorovich Cherdansev1918—1919-yillar
4Nikolay Dimo1919—1920-yillar
1920—1923-yillar: Turkiston davlat universiteti (TurkDU)
5Andrey Fedorovich Solkin1920—1921-yillar
6Abram Lvovich Brodskiy1920—1926-yillar
1923—1960-yillar: Oʻrta Osiyo davlat universiteti (OʻODU)
7A. A. Znamenskiy1926—1927-yillar
8Boris Grigoryevich Gorodetski[4]1927—1930-yillar
9M. A. Segal1930—1931-yillar
10M. G. Antropov1931—1931-yillar
11N. M. Murodov1931—1932-yillar
12Toshmuhammad Qori-Niyoziy1932—1933-yillar
13Vasiliy Yakovlevich Yarotskiy1933—1936-yillar
14S. D. Muraveyskiy1936—1942-yillar
15Sulton Umarov1942—1943-yillar
16Toshmuhammad Aliyevich Sarimsoqov1943—1944-yillar
17Y. E. Veliyev1944—1945-yillar
18Sulton Umarov1945—1950-yillar
19Tesha Zohidov1950—1952-yillar
20Toshmuhammad Aliyevich Sarimsoqov1952—1958-yillar
21Sodiqov Obid Sodiqovich1958—1966-yillar
1960—1995-yillar: Toshkent davlat universiteti (ToshDU)
22Saʻdi Sirojiddinov1966—1971-yillar
23Toshmuhammad Aliyevich Sarimsoqov1971—1983-yillar
24Saʻdi Sirojiddinov1983—1987-yillar
25Alimov Shavkat Orifjonovich1987—1990-yillar
26Yusupov Erkin1990—1992-yillar
27Toʻxtamurod Joʻrayev1992—1996-yillar
28Toʻrabek Dolimov1996—2004-yillar
1995-yildan hozirgacha: Mirzo Ulugʻbek nomidagi Oʻzbekiston Milliy universiteti (OʻzMU)
29R. R. Ashurov2004—2006-yillar
30Gʻofurjon Isroilovich Muxamedov[5][6]2006—2017-yillar
31Avazjon Rahimovich Marahimov2017—2021-yillar
32Inom Urishevich Madjidov2021—h.v

Akademiklar

[tahrir | manbasini tahrirlash]
T/r F. I. Sh Fakulteti
1 Sattorov Joʻraqul Sattorovich Biologiya
2 Azimov Jaloliddin Azimovich Biologiya
3 Ayupov Shavkat Matematika
4 Alimov Shavkat Arifjanovich Matematika
5 Farmonov Shokir Qosimovich Matematika
6 Muqimov Komil Fizika
7 Azimboy Saʼdullayev Matematika

Fakultetlar

[tahrir | manbasini tahrirlash]

Bakalavr yoʻnalishlari

[tahrir | manbasini tahrirlash]

Kunduzgi

[tahrir | manbasini tahrirlash]
Taʼlim yoʻnalishlari (Kunduzgi)
1. 5111400 — Xorijiy til va adabiyoti: ingliz tili 14. 5121400 — Antropologiya va etnologiya 27. 5141200 — Geokimyo 40. 5232200 — Ekonometrika
2. 5111600 — Milliy gʻoya, maʼnaviyat asoslari va huquq taʼlimi 15. 5130100 — Matematika 28. 5141300 — Neft va gaz kimyosi 41. 5232300 — Mintaqaviy iqtisodiyot
3. 5120101 — Filologiya va tillarni oʻqitish: oʻzbek tili 16. 5130200 — Amaliy matematika va informatika 29. 5141400 — Polimer va kompozitsion materiallar kimyosi 42. 5311500 — Geodeziya, kartografiya va kadastr (funksiyalari boʻyicha)
4. 5120112 — Filologiya va tillarni oʻqitish: ingliz tili 17. 5140100 — Biologiya (turlari boʻyicha) 30. 5141500 — Biotibbiyot fizikasi 43. 5330100 — Axborot tizimlarining matematik va dasturiy taʼminoti
5. 5120113 — Filologiya va tillarni oʻqitish: nemis tili 18. 5140200 — Fizika 31. 5141600 — Foydali qazilma konlarini baholash va geomodellashtirish 44. 5330200 — Informatika va axborot texnologiyalari (tarmoqlar va sohalar boʻyicha)
6. 5120114 — Filologiya va tillarni oʻqitish: fransuz tili 19. 5140300 — Mexanika 32. 5141800 — Tabiiy va fiziologik faol birikmalar kimyosi 45. 5330300 — Axborot xavfsizligi (sohalar boʻyicha)
7. 5120201 — Tarjima nazariyasi va amaliyoti: ingliz tili 20. 5140400 — Astronomiya 33. 5210100 — Sotsiologiya 46. 5410100 — Agrokimyo va agrotuproqshunoslik
8. 5120202 — Tarjima nazariyasi va amaliyoti: nemis tili 21. 5140500 — Kimyo 34. 5210203 — Psixologiya: amaliy psixologiya 47. 5520101 — Ijtimoiy ish (pensiya taʼminoti)
9. 5120203 — Tarjima nazariyasi va amaliyoti: fransuz tili 22. 5140600 — Geografiya 35. 5210204 — Psixologiya: oila psixologiyasi 48. 5520102 — Ijtimoiy ish (oila va bolalar bilan ishlash)
10. 5120300 — Tarix (mamlakatlar va mintaqalar boʻyicha) 23. 5140700 — Gidrometeorologiya 36. 5210205 — Psixologiya: yoshlar psixologiyasi 49. 5610700 — Sport tadbirlarini tashkil etish va boshqarish
11. 5120400 — Arxeologiya 24. 5140800 — Geologiya 37. 5220300 — Arxivshunoslik 50. 5630100 — Ekologiya va atrof-muhit muhofazasi (tarmoqlar va sohalar boʻyicha)
12. 5120500 — Falsafa 25. 5140900 — Geofizika 38. 5230100 — Iqtisodiyot (tarmoqlar va sohalar boʻyicha) 51. 60420100 — Yurisprudensiya
13. 5121300 — Tarix va ekskursiya-oʻlkashunoslik ishi 26. 5141100 — Gidrologiya (tarmoqlar boʻyicha) 39. 5231700 — Kadrlar menejmenti

Sirtqi

[tahrir | manbasini tahrirlash]
Taʼlim yoʻnalishlari (Sirtqi)
1. 5111600 — Milliy gʻoya, maʼnaviyat asoslari va huquq taʼlimi 6. 5140600 — Geografiya 11. 5230100 — Iqtisodiyot (tarmoqlar va sohalar boʻyicha) 16. 5520102 — Ijtimoiy ish (oila va bolalar bilan ishlash)
2. 5120101 — Filologiya va tillarni oʻqitish: oʻzbek tili 7. 5140800 — Geologiya 12. 5231700 — Kadrlar menejmenti 17. 5610700 — Sport tadbirlarini tashkil etish va boshqarish
3. 5120300 — Tarix (mamlakatlar va mintaqalar boʻyicha) 8. 5210100 — Sotsiologiya 13. 5311500 — Geodeziya, kartografiya va kadastr (funksiyalari boʻyicha) 18. 5630100 — Ekologiya va atrof-muhit muhofazasi (tarmoqlar va sohalar boʻyicha)
4. 5120500 — Falsafa 9. 5210203 — Psixologiya: amaliy psixologiya 14. 5330200 — Informatika va axborot texnologiyalari (tarmoqlar va sohalar boʻyicha)
5. 5140100 — Biologiya (turlari boʻyicha) 10. 5220300 — Arxivshunoslik 15. 5410100 — Agrokimyo va agrotuproqshunoslik

Kechki

[tahrir | manbasini tahrirlash]
# Shifr Taʼlim yoʻnalishi nomi
15120101Filologiya va tillarni oʻqitish: oʻzbek tili
25120112Filologiya va tillarni oʻqitish: ingliz tili
35120400Arxeologiya
45130100Matematika
55130200Amaliy matematika va informatika
65140200Fizika
75140500Kimyo
85330200Informatika va axborot texnologiyalari (tarmoqlar va sohalar boʻyicha)

Magistratura

[tahrir | manbasini tahrirlash]
Taʼlim yoʻnalishlari (Magistratura)
1. 5A111601 — Ijtimoiy-gumanitar fanlarni oʻqitish metodikasi (maʼnaviyat asoslari) 19. 5A130103 — Aktuar va moliyaviy matematika 37. 5A140702 — Gidrometeorologiya (faoliyat turi boʻyicha) 55. 5A220301 — Hujjatchilik, hujjatshunoslik va arxivshunoslik
2. 5A120101 — Adabiyotshunoslik: rus adabiyoti 20. 5A130201 — Amaliy matematika (sohalar boʻyicha) 38. 5A140703 — Iqlim oʻzgarishi va iqlimiy xatarlarni baholash 56. 5A230102 — Iqtisodiyot (tarmoqlar va sohalar boʻyicha)
3. 5A120101 — Adabiyotshunoslik: oʻzbek adabiyoti 21. 5A140101 — Biologiya (fan yoʻnalishi boʻyicha) 39. 5A140801 — Geologiya (faoliyat turlari boʻyicha) 57. 5A230103 — Makroiqtisodiyot
4. 5A120102 — Lingvistika: rus tili 22. 5A140102 — Mikrobiologiya va virusologiya 40. 5A140802 — Geologik sʼyomka va foydali qazilmalar konlarini qidirish 58. 5A231601 — Inson resurslarini boshqarish
5. 5A120102 — Lingvistika: ingliz tili 23. 5A140103 — Biofizika va biokimyo 41. 5A140805 — Geofizika, foydali qazilmalarni qidirishning geofizik usullari 59. 5A232201 — Ekonometrika
6. 5A120102 — Lingvistika: fransuz tili 24. 5A140104 — Biotexnologiya 42. 5A140808 — Geokimyo, foydali qazilmalarni qidirishning geokimyoviy usullari 60. 5A311502 — Geodeziya va kartografiya (funksiyalari boʻyicha)
7. 5A120102 — Lingvistika: nemis tili 25. 5A140201 — Fizika (yoʻnalishlar boʻyicha) 43. 5A140810 — Mineralogiya va kristallografiya 61. 5A311701 — Foydali qazilma konlari geologiyasi, qidiruv va razvedkasi (kon turlari boʻyicha)
8. 5A120102 — Lingvistika: oʻzbek tili 26. 5A140202 — Yadro fizikasi va yadro texnologiyalari (qoʻllash sohalari boʻyicha) 44. 5A140806 — Seysmologiya va seysmometriya 62. 5A313401 — Geodeziya va geoinformatika
9. 5A120106 — Kompyuter lingvistikasi 27. 5A140204 — Qayta tiklanuvchi energiya manbalari va barqaror atrof-muhit fizikasi 45. 5A141001 — Tuproqshunoslik (tadqiqot turi boʻyicha) 63. 5A320101 — Materialshunoslik va materiallar texnologiyasi (tarmoqlar boʻyicha)
10. 5A120201 — Qiyosiy tilshunoslik, lingvistik tarjimashunoslik (tillar boʻyicha) 28. 5A140205 — Yarimoʻtkazgichlar fizikasi 46. 5A141002 — Eksperimental agrokimyo 64. 5A330101 — Kompyuter ilmlari va dasturlash texnologiyalari (yoʻnalishlar boʻyicha)
11. 5A120302 — Tarix (yoʻnalishlar va faoliyat turi boʻyicha) 29. 5A140301 — Mexanika va matematik modellashtirish 47. 5A141101 — Gidrologiya (oʻrganish obyektlari boʻyicha) 65. 5A330201 — Kompyuter tizimlari va ularning dasturiy taʼminoti (tarmoqlar va sohalar boʻyicha)
12. 5A120303 — Davlat va fuqarolik jamiyati institutlari boshqaruvi 30. 5A140401 — Astronomiya (tadqiqot yoʻnalishi boʻyicha) 48. 5A141102 — Gidrogeologiya (oʻrganish obyekti boʻyicha) 66. 5A330204 — Axborot tizimlari (tarmoqlar boʻyicha)
13. 5A120304 — Tarixshunoslik, manbashunoslik va tarixiy tadqiqot usullari (mamlakatlar boʻyicha) 31. 5A140501 — Kimyo (fan yoʻnalishi boʻyicha) 49. 5A210101 — Sotsiologiya (yoʻnalishlar boʻyicha) 67. 5A330301 — Kriptografiya va kriptoanaliz (yoʻnalishlar boʻyicha)
14. 5A120401 — Arxeologiya 32. 5A140502 — Radiokimyo 50. 5A210101 — Sotsiologiya (ommaviy kommunikatsiyalar sotsiologiyasi) 68. 5A330302 — Axborot xavfsizligi (yoʻnalishlar boʻyicha)
15. 5A120501 — Falsafa (sohalar boʻyicha) 33. 5A140503 — Neft va gaz kimyosi va texnologiyasi 51. 5A210102 — Ijtimoiy tizim va jarayonlarning axborot va psixologik xavfsizligi 69. 5A520101 — Ijtimoiy ish (faoliyatning turli sohalari boʻyicha)
16. 5A121401 — Etnografiya, etnologiya va antropologiya 34. 5A140602 — Geografiya (oʻrganish obyekti boʻyicha) 52. 5A210201 — Psixologiya (faoliyat turlari boʻyicha) 70. 5A520101 — Ijtimoiy ish (yoshlar bilan ishlashni tashkil etish)
17. 5A130101 — Matematika (yoʻnalishlar boʻyicha) 35. 5A140603 — Amaliy geografiya (sohalar boʻyicha) 53. 5A210201 — Psixologiya (oilaviy munosabatlar psixologiyasi) 71. 5A630102 — Ekologiya (tarmoqlar va sohalar boʻyicha)
18. 5A130102 — Matematik iqtisodiyot 36. 5A140701 — Meteorologiya, iqlimshunoslik, agrometeorologiya (faoliyat turlari boʻyicha) 54. 5A210201 — Psixologiya (ijtimoiy psixologiya)

Manbalar

[tahrir | manbasini tahrirlash]
  1. ↑ „O'zMU universiteti haqida“. Qaraldi: 2024-yil 3-iyul.
  2. ↑ „„Xalq so‘zi" gazetasi 2000-yil 1-fevral soni O‘zbekiston Respublikasi Prezidenti Islom Karimov "Toshkent Davlat universitetiga "O‘zbekiston Milliy universiteti" maqomini berish to‘g‘risida" Farmon“ (http://press.natlib.uz/). 2025-yil 11-iyulda asl nusxadan arxivlangan. Qaraldi: 2024-yil 19-oktyabr.
  3. ↑ „Mirzo Ulug’bek Haqida“. www.savol-javob.com. Savol-Javob.com sayti. Qaraldi: 17-yanvar 2023-yil.
  4. ↑ GORODYeTsKIY Boris Grigorevich
  5. ↑ Milliy universitet rahbarlari, 2019-11-03da asl nusxadan arxivlandi, qaraldi: 2019-11-03
  6. ↑ „Ректоры и деканы факультетов Ташкентского университета“.




"https://uz.wikipedia.org/w/index.php?title=Oʻzbekiston_milliy_universiteti&oldid=6306546" dan olindi