Oʻzbekiston Respublikasi Yoshlar siyosati va sport vazirligi
 | |
 | |
| Qisqartma | OʻzRYSSV |
|---|---|
| Turi | davlat idorasi |
| Maqomi | amalda |
| Shiori | Yoshlarni qoʻllab-quvvatlash va sportni ommalashtirish |
| Ishga tushgan sanasi | 2022-yil 30-dekabr |
| Vazir | Adham Ikromov[1] |
| Vazirning birinchi oʻrinbosari | Alisher Saʼdullayev[2] |
| Vazir oʻrinbosari | Shahrullo Mahmudov[3] |
| Bosh mahkamasi | 2-uy, Abdulla Qodiriy koʻchasi, Toshkent, 100017 |
| Vebsayti | minsport.uz |
 | |
Oʻzbekiston Respublikasi Yoshlar siyosati va sport vazirligi — Oʻzbekiston Respublikasida yoshlar siyosati, jismoniy tarbiya va sport sohasida davlat siyosatini amalga oshiruvchi davlat boshqaruvi organi[4].
Tarixi[tahrir | manbasini tahrirlash]
1994-yilda Davlat jismoniy tarbiya va sport qoʻmitasi sifatida tashkil etilgan. 2001-yilda Madaniyat vazirligi bilan birlashtirilgan. 2017-yilda jismoniy tarbiya va sport Davlat qoʻmitasi sifatida qayta tashkil etilgan. 2018-yil 5-mart kuni davlat qoʻmitasidan vazirlikka aylantirilgan[4]. O‘zbekiston Prezidenti Shavkat Mirziyoyev 2022-yil 20-dekabr kuni mamlakatdagi vazirlik va idoralar soni 61tadan 28taga qisqartirilishini maʼlum qildi. Oʻzbekiston Respublikasi Yoshlar ishlari agentligi yangi tashkil etilgan Yoshlar siyosati va sport vazirligiga biriktirildi. Adham Ikromov vazir etib tayinlandi. Alisher Saʼdullayev barcha lavozimlarini saqlab qolgan holda, vazirning birinchi o‘rinbosari etib tayinlandi[5].
Vazirlikning tashkiliy tuzilmasi[tahrir | manbasini tahrirlash]
2023-yil 7-aprel kuni vazirlikning tashkiliy tuzilmasi quyidagi tartibda tasdiqlangan[6]:
Qoraqalpog‘iston Respublikasi Yoshlar siyosati va sport vazirligi, viloyatlar va Toshkent shahar yoshlar siyosati va sport boshqarmalari.
Oʻzbekiston davlat jismoniy tarbiya va sport universiteti hamda uning Nukus va Farg‘ona filiallari.
Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti hamda uning Nukus, Samarqand va Farg‘ona filiallari.
Oliy sport mahorati instituti.
Jismoniy tarbiya va sport ilmiy tadqiqotlar instituti.
O‘zbekiston dzyudo akademiyasi.
Xalqaro shaxmat akademiyasi.
Sport turlarini rivojlantirish respublika markazlari.
Gimnastika sport turlariga tayyorlash markazlari
Olimpiya va paralimpiya sport turlariga tayyorlash markazlari
Respublika olimpiya zaxiralari tennis maktabi
Boks bo‘yicha Bahodir Jalolov sport mahorati maktabi
Respublika velosport mahorat maktab-internati
Sportning eshkak eshish va gimnastika bo‘yicha ixtisoslashtirilgan respublika bolalar-o‘smirlar olimpiya zaxirasi sport maktablari
Gimnastika bo‘yicha Oksana Chusovitina sport mahorati maktabi
Sport turlari bo‘yicha ixtisoslashtirilgan davlat maktab-internatlari
Ixtisoslashtirilgan sport maktablari
Sport maktablari
Olimpiya va paralimpiya shon-shuhrati muzeyi
„Raqamlashtirish va sertifikatlash markazi“ MChJ
Manbalar[tahrir | manbasini tahrirlash]
- ↑ „Adham Ikramov Yoshlar siyosati va sport vaziri etib tayinlandi“.
- ↑ „Agentlik rahbariyati“. 2023-yil 27-mayda asl nusxadan arxivlangan. Qaraldi: 2023-yil 27-may.
- ↑ „O‘zbekiston yoshlar siyosati va sport vaziriga o‘rinbosarlar tayinlandi“.
- ↑ 4,0 4,1 „Vazirlik haqida“. Minsport.uz. Qaraldi: 2020-yil 25-sentyabr. [sayt ishlamaydi]
- ↑ Yangi tashkil etilgan Yoshlar siyosati va sport vazirligiga rahbar tayinlandi
- ↑ „Ma’muriy islohotlar doirasida yoshlar siyosati va sport sohasida davlat boshqaruvini samarali tashkil qilish chora-tadbirlari to‘g‘risida“.