Oʻzbekiston futzal federatsiyasi
| Turi | Nodavlat notijorat tashkilot |
|---|---|
| Maqomi | Federatsiya |
| Shiori | Oʻzbekistonda futzalni rivojlantirish |
| Maqsadi |
Oʻzbekiston futzal klublarini rivojlantirish Futzal musobaqalarini oʻtkazish |
| Ishga tushgan sanasi |
1-yanvar, 2025-yil 2001—2002 – Oʻzbekiston mini-futbol (futzal) federatsiyasi 2004—2017 – Oʻzbekiston futzal federatsiyasi 2017—2025 – Oʻzbekiston futzal assotsiatsiyasi[1] |
| Joylashuvi | Toshkent shahri, Yakkasaroy tumani, Armugʻon MFY, Kichik halqa yoʻli koʻchasi, 14-b uy |
| Hududiy xizmati |
 Oʻzbekiston |
| Prezidenti | Bekzod Mamatkulov |
| Vitse-prezidenti | Aziz Akbarjonov |
| Bosh kotibi | Maʼrufjon Abdullayev |
| Bosh mahkamasi | Federatsiya |
| Vebsayti | futsal.uz |
| Hamkor tashkilotlari |
Oʻzbekiston futbol assotsiatsiyasi Oʻzbekiston Professional futbol ligasi |
 | |
Oʻzbekiston futzal federatsiyasi (Ўзбекистон футзал федерацияси) – Oʻzbekistonda futzalni nazorat qiluvchi va boshqaruvchi tashkilot. Milliy chempionat, kubok va boshqa musobaqalarni oʻtkazish, ayollar va erkaklar milliy terma jamoasini boshqarish, mini-futbol, sohil futbolini qoʻllab-quvvatlash, rivojlantirish va ommalashtirish bilan shugʻullanadi.
Tarixi
[tahrir | manbasini tahrirlash]2001—2002-yillarda Oʻzbekiston mini-futbol (futzal) federatsiyasi, 2004—2017-yillarda Oʻzbekiston futzal federatsiyasi, 2017—2025-yillarda Oʻzbekiston futzal assotsiatsiyasi sifatida faoliyat koʻrsatgan. 2025-yil 1-yanvardan Oʻzbekiston futzal federatsiyasi sifatida tashkil etildi va alohida tashkilot oʻlaroq faoliyatini boshladi[2][3].
Oʻzbekistonda futzal musobaqalari (Oliy liga, kubok va boshqa) oʻtkazilishini 2017-yildan 2025-yilgacha Oʻzbekiston Professional futbol ligasi nazorat qilgan[4].
Maqsad va vazifalari
[tahrir | manbasini tahrirlash]- Oʻzbekistonda mini-futbol (futzal) boʻyicha sport musobaqalarini oʻtkazish;
- Mini-futbolni (futzal) va sohil futbolini ommalashtirish va targʻib qilish, uning manfaatlari va qadriyatlarini himoya qilish;
- Futbolchilar, murabbiylar, hakamlar va futzal mutaxassislarining malakasini oshirish;
- Futzalning axborot, ilmiy-uslubiy va texnik bazasini qoʻllab-quvvatlash;
- Assotsiatsiya aʼzolari, futzal faxriylari, futbolchilar, murabbiylar, hakamlar, faoliyati futzal bilan aloqador boʻlgan shaxslarni qoʻllab-quvvatlash.
Rahbarlari
[tahrir | manbasini tahrirlash]„BMB Holding“ shirkati asoschisi va kuzatuv kengashi raisi, huquqshunos va tadbirkor Bekzod Mamatkulov 2024-yil 25-dekabr kuni Oʻzbekiston futzal federatsiyasiga rais etib saylandi[5].
Murabbiylar kengashi
[tahrir | manbasini tahrirlash]Aleksandr Gennadyevich Petrov – kengash raisi, AGMK futzal klubi bosh murabbiyi.
Bahodir Yoʻldoshboyevich Ahmedov – kengash raisining oʻrinbosari, Jizzax-Kenteks futzal klubi bosh murabbiyi.
Nodir Bahodirovich Eliboyev – kengash aʼzosi, Oʻzbekiston futzal terma jamoasi bosh murabbiyi.
Abdulla Saʼdullayevich Boʻriyev – kengash aʼzosi, Bunyodkor futzal klubi bosh murabbiyi.
Konstantin Aleksandrovich Sviridov – kengash aʼzosi, Oʻzbekiston yoshlar futzal terma jamoasi bosh murabbiyi.
Fuzuliy Furqat oʻgʻli Xayrullayev – kengash aʼzosi, Oil star futzal klubi bosh murabbiyi.
Shuhrat Farhod oʻgʻli Tojiboyev – kengash aʼzosi, Paxtakor futzal klubi bosh murabbiyi.
Ahadjon Ahmadjonovich Yusupov – kengash aʼzosi, Lokomotiv futzal klubi bosh murabbiyi.
Farrux Yusupovich Zokirov – kengash aʼzosi, Oʻzbekiston ayollar futzal terma jamoasi bosh murabbiyi.
Dilshod Mamaraimovich Haydarqulov – kengash aʼzosi, Dinamo futzal klubi bosh murabbiyi.
Rustam Oqiljonovich Zuparov – kengash kotibi, Oʻzbekiston futzal federatsiyasi terma jamoalar bilan ishlash boʻlimi boshligʻi[6].
Jahongir Zabihullayevich Rahmatullayev – Musobaqalarni tashkil qilish va oʻtkazish boʻlimi boshligʻi;
Gʻayrat Maratovich Azizxoʻjayev – Xalqaro aloqalar va marketing boʻlimi boshligʻi;
Omonboy Mirzahakim oʻgʻli Toʻxtamirzayev – Media va ijtimoiy tarmoqlar bilan ishlash boʻlimi boshligʻi;
Oybek Neʼmatjonovich Yunusov – Media va ijtimoiy tarmoqlar bilan ishlash boʻlimi boshligʻi.
Tasarrufidagi musobaqalari
[tahrir | manbasini tahrirlash]Futzal boʻyicha Oʻzbekiston chempionati asosiy divizioni. Unda futzal boʻyicha mamlakatning eng kuchli jamoalari ishtirok etadi[7].
Futzal oliy ligasi 2007-yildan beri oʻtkazib kelinadi[8].
Futzal boʻyicha Oʻzbekiston Kubogi – Futzal Oliy ligasi va Futzal Birinchi ligasi jamoalari qatnashadigan har yilgi musobaqa[9].
Futzal boʻyicha Oʻzbekiston Birinchi ligasi
[tahrir | manbasini tahrirlash]Futzal boʻyicha Birinchi liga bahslarida professional hamda yarim-professional futzal jamoalari ishtirok etadi. Klublar Futzal Birinchi ligasida Oliy liga yoʻllanmasini qoʻlga kiritish uchun bahs olib borishadi. Futzal Birinchi ligasidagi jamoalar soni – 10ta[10]
Futzal U18 chempionati
[tahrir | manbasini tahrirlash]Futzal boʻyicha U18 chempionatiga 2022-yilda asos solingan. Musobaqa Futzal boʻyicha Oliy liga klublari qoshidagi 18 yoshgacha boʻlgan futzalchilardan iborat jamoalar ishtirokida tashkil etiladi va Osiyo Futbol Konfederatsiyasining Litsenziyalash jarayoni shartlaridan biri hisoblanadi.[11]
Hamkorlikdagi musobaqalari
[tahrir | manbasini tahrirlash]Homiylar
[tahrir | manbasini tahrirlash]2021-yildan buyon BMB Holding investitsion konsalting shirkati Oʻzbekistondagi futzal musobaqalariga homiylik qilib keladi. 2010-yilda „Sanoatqurilishbank“ tomonidan futzalga homiylik qilish boshlangan. Oʻsha vaqtda bank homiyligida futzal klubi ham tashkil topgan[12]. 2025-yil 6-mart kuni Oʻzbekistondagi keramogranit va keramik plita ishlab chiqaruvchi „Orient Ceramic“ shirkati Oʻzbekiston futzal federatsiyasi rasmiy homiysi boʻldi.
Manbalar
[tahrir | manbasini tahrirlash]- ↑ „O‘zbekiston futzal federatsiyasi rasman faoliyat boshlashiga sanoqli soatlar qoldi“.
- ↑ „O‘zbekistonda alohida futzal federatsiyasi tashkil etiladi“.
- ↑ „25-dekabr kuni O‘FA futzal uchun mas’ul yangi tashkilot taqdimotini o‘tkazadi“.
- ↑ „Sports.uz“.
- ↑ „O‘zbekiston futzal federasiyasiga yangi prezident tayinlandi“.
- ↑ „Ўзбекистон футзал федерациясида тайинловлар амалга оширилди“.
- ↑ „Futzal boʻyicha Oʻzbekiston milliy terma jamoasi“.
- ↑ „Futzal chempionati“. 2024-yil 2-aprelda asl nusxadan arxivlangan. Qaraldi: 2022-yil 3-iyul.
- ↑ Futsal World Ranking
- ↑ „Futzal. Birinchi ligada 10 ta jamoa ishtirok etadi“.
- ↑ „BIRINCHI LIGA 2023-24“.
- ↑ "SQB futzal klubi": jamoaviy sport va sogʻlom avlod sari dadil qadam