Oʻzbekiston Respublikasi Konstitutsiyasi

Vikipediya, ochiq ensiklopediya
Jump to navigation Jump to search

Oʻzbekiston Konstitutsiyasi[tahrir]

Oʻzbekiston Respublikasi Konstitutsiyasi 1992 yil 8 dekabrda Oʻzbekiston Respublikasi XII chaqiriq Oliy Kengashining XI sessiyasida qabul qilingan.

Oʻzbekistonda avval ham Konstitutsiyalar qabul qilingan edi (Oʻzbek SSR Konstitutsiyasi 1927, 1937, 1978 yillarda qabul qilingan). Lekin u konstitutsiyalarda xalq oʻz taqdirini oʻzi belgilash huquqidan mahrum edi. Oʻzbekiston Respublikasi Prezidenti I.A.Karimov shunday degan edi: «Davlatimizning kelajagi, xalqimizning taqdiri koʻp jihatdan Konstitutsiyamiz qanday boʻlishiga bogʻliq». Konstitutsiya Italiya, Fransiya, Finlyandiya kabi davlatlar konstitutsiyalari tarixini oʻrganib, bizga taalluqli joylari olib tuzildi. Bunda BMTning Xalqaro Inson huquqlari boʻyicha hujjatlari va boshqa hujjatlardan ham foydalanildi.

Konstitutsiyaviy komissiya 1992 yil 26 sentyabrda Konstitutsiya loyihasini umumxalq muhokamasiga qoʻydi. Shu boʻyicha tushgan barcha taklif, mulohazalar oʻrganib chiqilib, Konstitutsiya loyihasiga kiritildi.

Oʻzbekiston Respublikasi Konstitutsiyasi 6 boʻlim, 26 bob, 128 moddadan iborat.