Oʻzbekiston DXX futbol kubogi
 | |
| Davlat |
 Oʻzbekiston |
|---|---|
| Oʻtkazuvchi tashkilot |
Davlat xavfsizlik xizmati Sport vazirligi Futbol assotsiatsiyasi Professional futbol ligasi |
| Futbol tuzilmasidagi oʻrni | 3 |
| Tashkil etilgan | 2021-yil |
| Jamoalar soni | 12 |
| Amaldagi chempion |
Oʻgʻil bolalar oʻrtasida: "Qamashi" (Qashqadaryo viloyati) Qiz bolalar oʻrtasida: 1-oʻrin. „Nafis“ (Samarqand viloyati) |
| Toʻpurarlar |
Akbar Alisherov (Toshkent viloyati) Zuhraxon Maʼmurjonova (Andijon viloyati) |
| TV hamkorlar | Uzreport TV |
| Amaldagi oʻyin | 2023 |
Oʻzbekiston DXX futbol kubogi — Oʻzbekiston Respublikasi hududida mahallalar, tumanlar va viloyatlar bosqichida oʻtkaziladigan anʼanaviy futbol va mini-futbol musobaqasi. Mohiyati jihatidan strit-futbolga yaqin. Oʻzbekiston Respublikasi Davlat xavfsizlik xizmati va Oʻzbekiston futbol assotsiatsiyasi rahbari Abdusalom Azizov tashabbusi bilan 2021-yilda tashkil etilgan.
Mavsumlari[tahrir | manbasini tahrirlash]
2021[tahrir | manbasini tahrirlash]
2021-yil 30-mart kuni ilk marta Oʻzbekistonning barcha tuman, shahar va viloyatlari kesimida uyushmagan, ishsiz va kam taʼminlangan yoshlar oʻrtasida sportning mini-futbol turi boʻyicha Davlat xavfsizlik xizmati raisi kubogi musobaqalari tashkil etilgan. Unda 18-30 yosh oraligʻidagi yoshlardan 7779 tasi qatnashgan. Tuman, shahar va viloyat bosqichlarida gʻoliblikni qoʻlga kiritgan eng kuchli 14ta jamoa 12-15 iyun kunlari Toshkentdagi „Bunyodkor“ stadionida DXX raisi kubogida qatnashdi. 1-oʻrinni Qashqadaryo viloyati Qamashi tumani „Samarqand“ MFY jamoasi, 2-pogʻonani Sirdaryo viloyati Guliston shahri „Taraqqiyot“ MFY jamoasi, 3-oʻrinni Jizzax viloyati Zomin tumani „Gʻofur Gʻulom“ MFY jamoasi qoʻlga kiritdi[1].
Musobaqa juda yuqori saviyada tashkil etildi. O‘zbekistonda 16-30 yoshlar oralig‘idagi yoshlarni o‘zida qamrab olgan bu kabi keng ko‘lamli musobaqalar kam. Har bir mahalla o‘z sha'nini himoya qilgani, keyinroq esa tuman va respublika bosqichi bilan turnir davom ettirilgani, 60mingdan ziyod yoshlarning bir chempionat yo‘lida kurashga kirishgani juda xursand qildi. Tashkiliy masalada qiyinchiliklar bo‘ldi. Lekin ishtirokchilarning ko‘zlaridagi minnatdorlik hislari barcha charchoqlarimizni chiqarib yuboradi
2022[tahrir | manbasini tahrirlash]
2022-yildan boshlab, Qoraqalpog‘iston, viloyatlar va Toshkent shahrida futbol va mini-futbol boʻyicha kubok musobaqalari uch bosqichda oʻtkazib kelinmoqda.
- Yoshlar oʻrtasida tuman/shahar musobaqalari. Ular aprel-may oylarida oʻtkazildi.
- Tuman/shahar gʻoliblari oʻrtasida Davlat xavfsizlik xizmati Qoraqalpogʻiston, viloyatlar va Toshkent shahri boʻyicha boshqarmalari boshligʻi kubogi musobaqalari. Ular iyun-iyul oylarida oʻtkaziladi.
- Viloyat gʻoliblari oʻrtasida Davlat xavfsizlik xizmati kubogi uchun respublika bosqichi musobaqalari. Ular avgust oyida oʻtkaziladi[2].
21-avgust kuni qur’a tashlash marosimi boʻldi[3].
Respublika bosqichi oʻyinlari — futbol boʻyicha guruh, mini-futbol boʻyicha guruh va final uchrashuvlari „Bunyodkor“ futbol akademiyasiga qarashli sunʼiy qoplamali maydonlarda, futbolning final uchrashuvi Toshkent shahridagi "Jar" stadionida oʻtkazildi. 28-avgust kungi final oʻyinida futbol va mini-futbol boʻyicha gʻoliblar aniqlandi. Mini-futbol boʻyicha gʻoliblik Andijon viloyati Baliqchi tumanidagi „Koʻl“ jamoasi yoshlariga nasib etgan boʻlsa, Toshkent shahrining Olmazor tumani „Paxta“ jamoasi ikkinchi, Fargʻona viloyati Fargʻona tumani „Oqtepa“ jamoasi esa uchinchi oʻrinni egalladi.
Futbol boʻyicha oʻtkazilgan bellashuvlarda Toshkent viloyati Boʻka tumani „Doʻstlik“ jamoasi birinchi, Sirdaryo viloyati Mirzaobod tumani „Bogʻiston“ jamoasi ikkinchi oʻrinni egalladi. Uchinchi oʻrin Jizzax viloyati Jizzax shahri „Turon“ jamoasiga nasib etdi[4].
2023[tahrir | manbasini tahrirlash]
2023-yildan boshlab ayollar oʻrtasida ham musobaqalar oʻtkazila boshlandi. Qizlar oʻrtasida mini-futbol boʻyicha DXX kubogi musobaqalari uch bosqichda oʻtkazildi. Birinchi bosqich — tuman va shaharlar kesimida aprel-may oylarida, ikkinchi bosqich — Qoraqalpogʻiston Respublikasi, viloyatlar va Toshkent shahri miqyosida iyun-iyul oylarida oʻtkazildi. Musobaqalar respublika boʻyicha 250 ming nafardan ortiq yoshlarni qamrab oldi. Ikkinchi bosqich yakuni boʻyicha 365 nafar yoshlar aniqlanib, mahalliy futbol klublarga jalb qilindi[5].
Respublika bosqichi 21—25-avgust kunlari „Bunyodkor“ futbol akademiyasida boʻlib oʻtdi[6]. 21-avgust kuni qur’a tashlash marosimi boʻldi[7]. Respublika bosqichida oʻgʻil bolalar oʻrtasida futbol va mini-futbol boʻyicha gʻolib boʻlgan jamoalar mahallasiga mini-futbol maydoni, 2-oʻrinni egallagan jamoalar uchun basketbol va voleybol oʻyinlari uchun moʻljallangan universal sport maydoni, 3-oʻrinni egallagan jamoalar mahallasiga bir savatli koʻcha basketboli sport maydoni qurib berilishi belgilandi.
Qizlar oʻrtasidagi musobaqasida gʻolib va sovrindor boʻlgan jamoalar pul mukofotlari bilan taqdirlandi. Ularga diplom, medal, velosiped va televizorlar berildi. Final oʻyini 26-avgust kuni „Jar“ stadionida oʻtkazildi. Unda 42 ta jamoa gʻoliblik uchun kurashdi. Oʻgʻil bolalar oʻrtasida Qashqadaryo viloyatining „Qamashi“ jamoasi, qiz bolalar oʻrtasida Samarqand viloyatining „Nafis“ jamoasi gʻolib boʻldi[8].
2024[tahrir | manbasini tahrirlash]
6-aprel kuni futbol va mini futbol boʻyicha DXX kubogining Toshkent shahar bosqichiga start berilishi aytildi[9][10].
Manbalar[tahrir | manbasini tahrirlash]
- ↑ „DXX raisi kubogining tantanali taqdirlash marosimi bo‘lib o‘tdi“.
- ↑ Futbol boʻyicha DXX kubogining saralash bosqichiga start berildi
- ↑ „Dxx kubogi respublika bosqichiga qur’a tashlandi — video“. 2022-yil 7-oktyabrda asl nusxadan arxivlangan. Qaraldi: 2022-yil 7-oktyabr.
- ↑ „DXX Kubogi-2022 yakunlandi. Futbolda Toshkent viloyati, mini-futbolda Andijon tengsiz (fotoreportaj)“.
- ↑ „Qizlar o'rtasida DXX kubogi g'olibi aniqlandi“.
- ↑ „DXX kubogining final bahslari start oldi“.
- ↑ „DXX kubogi – 2023. Final bosqichiga qurʼa tashlandi“.
- ↑ „DXX kubogi-2023. G‘oliblar aniqlandi va taqdirlandi“.
- ↑ „Toshkentda futbol va mini futbol bo‘yicha DXX kubogi start oldi“.
- ↑ „DXX kubogining Toshkent shahar bosqichiga start berildi“.