Nyu-York moda haftaligi
| Nyu-York moda haftaligi | |
|---|---|
 Model Liu Wen 2013-yilgi Nyu-York moda haftaligida dizayner Diane von Fürstenberg kolleksiyasidagi liboslarni podiumda namoyish qilgan | |
| Oʻtkazilishi | Yarim yillik |
| Lokatsiya | Manhattan, Nyu-York (asosan, Skylight Clarkson Square va Industria maydonlarida o‘tkaziladi) |
| Mamlakat | Qoʻshma Shtatlar |
| Tashkil etilishi | 1943 |
| Tashkilotchi | Eleanor Lambert |
Nyu-York moda haftaligi (NYFW) har yili fevral va sentyabr oylarida oʻtkaziladi. Ushbu haftalik Manhattanda boʻlib oʻtadigan, odatda, yetti–toʻqqiz kun davom etadigan yarim yillik tadbirlar turkumi hisoblanadi. Bu davrda xalqaro moda kolleksiyalari xaridorlar, OAV vakillari va keng jamoatchilikka namoyish etiladi. Nyu-York moda haftaligi dunyodagi „yirik toʻrtlik“ moda haftaliklaridan biri boʻlib, Parij, London va Milan moda haftaliklari bilan bir qatorda turadi[1][2]. Amerika Moda Dizaynerlari Kengashi (CFDA) 1993-yilda zamonaviy markazlashgan „Nyu-York moda haftaligi“ tushunchasini yaratgan, biroq London kabi shaharlarda 1980-yillardayoq shahar nomi bilan birga „fashion week“ (tarjimasi „moda haftaligi“) atamasi qoʻllanila boshlangan edi. NYFW ildizlari 1943-yilda asos solingan „Press Week“ nomli tadbirlar turkumiga borib taqaladi[3]. Global miqyosda koʻpchilik biznes va savdo yoʻnalishidagi koʻrgazmalar, shuningdek, ayrim haute couture namoyishlari aynan Nyu-Yorkda oʻtkaziladi.
Shahar boʻylab oʻtkaziladigan barcha moda tadbirlarining (shu jumladan, WME/IMG bilan bogʻliqlarini ham) yagona markazlashtirilgan taqvimi CFDA (Amerika Moda Dizaynerlari Kengashi) tomonidan yuritiladi[4]. Bu taqvim dastlab Rut Finli tomonidan yaratilgan boʻlib, keyinchalik CFDA uni oʻz tasarrufiga olgan[5]. 2016-yilda Nyu-York moda haftaligining Nyu-York shahri iqtisodiyotiga yillik taʼsiri 887 million AQSh dollari deb baholangan[6].
Kelib chiqishi
[tahrir | manbasini tahrirlash].jpg)
Birinchi Nyu-York moda haftaligi 1943-yilda Amerika moda sanoatining birinchi targʻibot tashkiloti New York Dress instituti matbuot direktori Eleanor Lambert tomonidan tashkil etilgan[7].
Ushbu tadbir dunyoda birinchi marta oʻtkazilgan rasmiy moda haftaligi boʻlib, „Press Week“ deb nomlangan. Uning maqsadi Ikkinchi jahon urushi davrida moda sanoati mutaxassislari Parijga bora olmagan bir paytda eʼtiborni fransuz modasidan chalgʻitish edi[8]. Shuningdek, u Amerika dizaynerlarini ilgari AQSh modasiga uncha eʼtibor bermagan moda jurnalistlariga tanitish uchun ham tashkil etilgan.
Nyu-Yorkdagi „Press Week“ muvaffaqiyatli oʻtgan va, odatda, fransuz dizaynerlarining ishlari yoritiladigan Vogue kabi moda jurnallari asta-sekin amerikalik dizaynerlarning ishlarini ham koʻproq namoyish eta boshlagan[8].
1950-yillarning oʻrtalariga kelib, bu tadbir „Nyu-York Matbuot Haftaligi“ nomi bilan tanila boshlagan. 1951-yil bahorida (1951-yil fevral oyida oʻtkazilgan) oʻsha paytda Nyu-York Matbuot Haftaligining 16-tadbiri boʻlib oʻtgan[9].
Yana qarang
[tahrir | manbasini tahrirlash]Manbalar
[tahrir | manbasini tahrirlash]- ↑ Bradford, Julie. Fashion Journalism. Routledge, 2014 — 129-bet. ISBN 9781136475368.
- ↑ Dillon, Susan. The Fundamentals of Fashion Management. A&C Black, 2011 — 115-bet. ISBN 9782940411580.
- ↑ „History of New York Fashion Week – New York Fashion Week“. 2017-yil 5-mayda asl nusxadan arxivlangan. Qaraldi: 2016-yil 11-aprel.
- ↑ CFDA. „CFDA + Fashion Calendar“. 2015-yil 3-iyulda asl nusxadan arxivlangan. Qaraldi: 2015-yil 2-iyul.
- ↑ „The CFDA Purchases The Fashion Calendar With The Promise To Streamline Fashion Week“. fashionweekdaily.com (2014-yil 25-iyul). 2015-yil 3-iyulda asl nusxadan arxivlangan. Qaraldi: 2015-yil 3-iyul.
- ↑ „NYFW Memo from the CFDA“. cfda.com. 2016-yil 5-martda asl nusxadan arxivlangan. Qaraldi: 2016-yil 26-fevral.
- ↑ „History“. cfda.com. 2016-yil 7-martda asl nusxadan arxivlangan. Qaraldi: 2015-yil 3-avgust.
- ↑ 8,0 8,1 Fortini. „A brief history of the fashion show“. Slate.com (2006-yil 8-fevral). 2020-yil 10-oktyabrda asl nusxadan arxivlangan. Qaraldi: 2014-yil 21-aprel.
- ↑ „Indian Valley Record February 1, 1951 Page 10“. 2020-yil 10-oktyabrda asl nusxadan arxivlangan. Qaraldi: 2015-yil 3-avgust.