Nurul Imon masjidi
| Masjid | |
Nurul Imon masjidi
Masjid Nurul Iman Koto Gadang | |
 | |
| Mamlakat |  Indoneziya
|
| Hudud | Gʻarbiy Sumatra |
| Nagari | Koto Gadang |
| Koordinatalar | 0°19′06.6″S 100°21′26.3″E / 0.318500°S 100.357306°E |
| Yoʻnalishi | sunniy |
| Masjid turi | Jomeʼ-Masjid |
| Meʼmoriy uslub | minangkabau meʼmorchiligi |
| Meʼmor | Yazid Rajo Mangkuto |
| Binokorlik tashabbuschisi | Yahyo Datuk Kayo (qayta qurilish) |
| Asosiy sana: 1856 (1-qurilish)
1932 (2-qurilish) | |
| Yopilgan sanasi | 28-iyun 1926 6-mart 2007 |
| Qurilish materiali | Yogʻoch |
| Holati | amaldagi |
| Tarovih | 
|
| Saharlik va iftorlik |
|
 Nurul Imon masjidi Vikiomborda
| |
Koto Gadangdagi Nurul Imon masjidi yoki Koto Gadangdagi Tapi masjidi Indoneziyadagi eng qadimiy masjidlardan biri boʻlib, G‘arbiy Sumatraning Agam regensiyasi, Koto Gadang nagarisida joylashgan. Bu masjid Koto Gadang hududidagi eng katta masjiddir.
1856-yilda asos solinganidan beri masjid turli oʻzgarishlar va bir necha bor taʼmirdan oʻtgan. Dastlabki masjid Eski Jom’e masjidi nomi bilan tanilgan boʻlib, u minangkabau uslubiga xos, konus shaklida uchli tomlarga ega edi. Biroq masjid 1926-yildagi Padang Panjang zilzilasi paytida qattiq zarar koʻrgan.
Zilziladan bir necha oy oʻtib, Minangkabauni vakillik qilgan Volksraad aʼzosi Yahyo Datuk Kayo tashabbusi bilan tez orada yangi masjid qurildi va qayta tiklangan masjid 1932-yil 5-fevralda ochildi. Yazid Rajo Mangkuto tomonidan loyihalangan yangi masjid binosining shakli avvalgisidan butunlay oʻzgartirildi. Ammo masjid binosi 2007-yil martidagi zilzila oqibatida yana vayron boʻldi. Shundan soʻng masjid zilzilagacha boʻlgan koʻrinishiga oʻxshash shaklda qayta tiklandi.
Eski bino
[tahrir | manbasini tahrirlash]
Eski Jom’e masjidi 1856-yilda qurilgan[1]. Yogʻochdan qurilgan, minangkabau meʼmorchilik uslubidagi binoning oʻlchami 20 × 20 metr edi[2]. Tomida minora ham boʻlgan[3]. Tom gumbazli emas edi, balki tolalardan tayyorlangan, minangkabau uslubiga xos bir nechta gonjong tomdan iborat boʻlgan. Oʻrtadagi bitta gonjongni uning atrofidagi sakkizta kichikroq gonjong oʻrab turgan[4].
1926-yil 28-iyunda Padangpanjangda magnitudasi 7,6 boʻlgan zilzila yuz berib, masjid devorlariga zarar yetkazgan[5]. Devorlarning bir qismi qulab tushgan, qolgan qismlarida esa yoriqlar paydo boʻlgan[2]. Xavf oxir-oqibat masjid binosini buzib tashlanishiga olib keldi[6]. 1926-yil 18-iyulda bir qator mahalliy jamoa yetakchilari ishtirok etgan yigʻilishda Yahyo Datuk Kayo boshchiligida qoʻmita tuzib, zudlik bilan yangi masjid barpo etishga kelishib olindi.
Yana qarang
[tahrir | manbasini tahrirlash]
Manbalar
[tahrir | manbasini tahrirlash]- ↑ Azizah, ddk 2012, ss. 9, 142.
- ↑ 2,0 2,1 Soera Kota Gedang Tahoen 1926.
- ↑ Suryadi2013.
- ↑ Azizah, ddk 2012, ss. 53.
- ↑ Azizah, ddk 2012, ss. 164.
- ↑ Azizah, ddk 2012, ss. 214.
Havolalar
[tahrir | manbasini tahrirlash]
Vikiomborda „Nurul Iman Koto Gadang Mosque“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, Vikipediyaga yordam berishingiz mumkin. |