Nikolay Seretelli
 |
| Nikolay Seretelli | |
|---|---|
 | |
| Tugʻilgandagi ismi | Said Mir Xudoyorxon |
| Tugʻilgan sanasi | 1890-yil 1-oktabr |
| Tugʻilgan joyi | Moskva, Rossiya imperiyasi |
| Vafot sanasi | 1942-yil 6-fevral |
| Vafot joyi | Kirov, Kirov viloyati, SSSR |
| Fuqaroligi |
 Rossiya imperiyasi  SSSR |
| Kasbi | Aktyor, rejissor |
| Faoliyat yillari | 1912—1941 |
| Teatr | Moskva badiiy akademik teatri, Kamerniy teatr, Leningrad komedik teatri |
| IMDb | ID 0874941 |
Nikolay Mixaylovich Seretelli (ruscha: Никола́й Миха́йлович Церете́лли); (1890-yil, Moskva — 1942-yil, Kirov) — sovet aktyori va rejissori, rus oʻyinchoqlarini kolleksiya qilgan va oʻrgangan. Buxoro amirlarining avlodi.
Hayoti[tahrir | manbasini tahrirlash]
Mangʻitlar sulolasidan boʻlgan Said Mansurning oʻgʻli, Buxoro amiri Muzaffarning nabirasi. Asl ismi Said Mir Xudoyorxon. Seretelli familiyasini asrab olgan otasidan olgan.
1912-yil Moskvada gastrolda boʻlgan Nemis teatriga qabul qilingan, unda „Shoh Edip“ spektaklining massovkasida qatnashgan. 1913-yilda A. I. Adashev maktabida oʻqigan (N. N. Litovseva sinfida). 1913-yildan 1916-yilgacha Moskva Badiiy teatrida, 1916-yildan 1928-yilgacha Kamer teatri truppasida (1924-yil faoliyatida uzilish boʻlgan) faoliyat yuritgan. 1929—1934-yillarda Operetta teatri rejissori. 1934—1938-yillarda Kalinin teatrida, 1939-yil Mogilyov va Kostromada ishlagan.
Umrining soʻnggi ikki yilida Leningrad komedik teatrida ishlagan. 1942-yilda oʻlimga yaqin holsiz ahvolda blokadada qolgan Leningraddan Vyatkaga evakuatsiya qilingan.