Nicole Scherzinger

Nicole Scherzinger;
	; Scherzinger 2012-yilning avgustida
Umumiy maʼlumot
Tavalludi	Nicole Prascovia Elikolani Valiente; 29-iyun 1978-yil (45 yosh); Honolulu, Hawaiʻi, AQSh
Fuqaroligi	AQSh
Kasbi	Qoʻshiqchi; aktrisa;
Leybl	A&M; Interscope; RCA; Epic;
Janr	Pop; dance; R&B;
Hamkorligi	Days of the New; Eden's Crush; The Pussycat Dolls; will.i.am; Black Eyed Peas;
Faoliyat yillari	1997 – hozirgacha
Veb-sayt	https://nicolescherzinger.com/
Imzosi

Nicole Scherzinger (talaffuzi: Nikol Sherzinger; tugʻilgan paytidagi ismi Nicole Prascovia^{[lower-alpha 1]} Elikolani Valiente^[1] (talaffuzi: Nikol Praskovya Elikolani Valiente); 29-iyun 1978-yilda tugʻilgan) amerikalik qoʻshiqchi va aktrisadir. U Hawaiʻining Honolulu shahrida tugʻilgan va Kentucky shtatining Louisville shahrida oʻsgan. 14 yoshida aktrisa oʻlaroq faoliyatini boshlagan. Musiqali teatr boʻyicha Wright davlat universitetida oʻqigan. Musiqada karyerasini boshlamoqchi boʻlgan Scherzinger kollejni tashlab ketdi va Amerika rok guruhi Days of the New bilan gastrol safarlarida boʻldi. Bungacha The WB telekanali orqali efirga uzatilgan Popstars shousida tuzilgan qizlardan iborat guruh — Eden's Crushning aʼzosi oʻlaroq ancha-muncha tanilgan edi.

Filmlarda kichik rollarni oʻynaganidan soʻng, Scherzinger hamma vaqtlarning eng muvaffaqiyatli qizlardan iborat musiqiy guruhlaridan biri boʻlmish the Pussycat Dollsning bosh vokalisti oʻlaroq shuhrat qozondi. Uning guruhdagi roli boshqa aʼzolarga nisbatan yaqqol ajralib turishi guruhda ichki nizolarga sabab boʻlib, 2009-yilga kelib guruh tarqalib ketishiga olib keldi. Scherzinger guruhdan tashqarida xonanda sifatidagi muvaffaqiyatli karyerasini davom ettirish uchun kurashdi. U yakkaxon xonanda oʻlaroq ilk bor Her Name is Nicole mini-albomi ustida ishladi, biroq ushbu mini-albom omma eʼtiboriga havola etilmadi. Keyinchalik, biroz muvaffaqiyatli boʻlgan ikkita studiyaviy albom (2011-yilda Killer Love va 2014-yilda Big Fat Lie) chiqardi (Killer Love albomi „Poison“, „Right There“ va „Donʼt Hold Your Breath“ kabi hit ashulalarni oʻz ichiga oladi).

Scherzinger 2010-yilda Dancing with the Stars shousida qatnashib, unda gʻolib boʻldi. Shuningdek, The Sing-Off (2009—2010), The X Factor US (2011), The X Factor UK (2012-2013, 2016-2017) ning toʻrtinchi mavsumi va Australia's Got Talent (2019) kabi koʻplab televizion isteʼdodlar shoularida hakam oʻlaroq ishtirok etdi. U, shuningdek, West End teatrida 2014-yili sahnalashtirilgan Cats myuziklida rol ijro etdi, Disney mahsuloti boʻlgan Moana (2016) animatsion filmi qahramonlaridan biriga ovoz berdi, Dirty Dancing (2017) va Annie Live! (2021) teleseriallarida suratga tushdi. 2016-yili Scherzinger The Masked Singer shousida haʼyat aʼzosi sifatida paydo boʻldi hamda tarqalib ketgan Pussycat Dolls guruhi bilan turne oʻtkazish uchun qayta birlashdi.

Shu kungacha Scherzinger yakkaxon xonanda oʻlaroq 16 milliondan oshiq audioyozuv sotdi hamda tegishli toifalarda Grammy va Laurence Olivier mukofotlariga nomzod boʻldi.^[5] U, shuningdek, Maxsus Olimpiada elchisi va UNICEF UK dastaklovchisi sifatida ham faoliyat yuritdi.^[6]

Diskografiyasi[tahrir | manbasini tahrirlash]

Killer Love (2011)
Big Fat Lie (2014)

Filmografiyasi[tahrir | manbasini tahrirlash]

Chasing Papi (2003)
Love Don't Cost a Thing (2003)
Men in Black 3 (2012)
Moana (2016)
Ralph Breaks the Internet (2018)
Annie Live! (2021)

Izohlar[tahrir | manbasini tahrirlash]

↑ Ayrim manbalarda "Prescovia", deb yozsilsada,^[1] "Prascovia", deb talaffuz qilinadi.^[2]^[3]^[4]

Manbalar[tahrir | manbasini tahrirlash]

↑ ^1,0 ^1,1 Hirschfelder, Arlene; Molin, Paulette F.. The Extraordinary Book of Native American Lists. Scarecrow Press, 22-mart 2012-yil. ISBN 9780810877108.
↑ Scherzinger, Nicole [@NicoleScherzy]. „It's Prascovia xoxo“ (11-iyun 2016-yil). Qaraldi: 20-aprel 2021-yil.
↑ „Repertory“. American Society of Composers, Authors and Publishers. Qaraldi: 20-aprel 2021-yil.
↑ „Song Details – Buttons by Pussycat Dolls“. Universal Music Publishing Group. Qaraldi: 20-aprel 2021-yil.
↑ Cooper, Natasha. „Nicole Scherzinger: 'I'm an alpha female'“. The Daily Telegraph (7-avgust 2011-yil). 10-yanvar 2022-yilda asl nusxadan arxivlangan. Qaraldi: 2-avgust 2013-yil.
↑ „Celebrity Supporters – Unicef UK“. UNICEF UK. Qaraldi: 16-iyun 2019-yil.

Havolalar[tahrir | manbasini tahrirlash]

Nicole Scherzinger diskografiyasi Discogsda
Nicole Scherzinger IMDbda

[5] Ayrim manbalarda "Prescovia", deb yozsilsada,^[1] "Prascovia", deb talaffuz qilinadi.^[2]^[3]^[4]

[fullname-1] 1,0 ^1,1 Hirschfelder, Arlene; Molin, Paulette F.. The Extraordinary Book of Native American Lists. Scarecrow Press, 22-mart 2012-yil. ISBN 9780810877108.

[2] Scherzinger, Nicole [@NicoleScherzy]. „It's Prascovia xoxo“ (11-iyun 2016-yil). Qaraldi: 20-aprel 2021-yil.

[3] „Repertory“. American Society of Composers, Authors and Publishers. Qaraldi: 20-aprel 2021-yil.

[4] „Song Details – Buttons by Pussycat Dolls“. Universal Music Publishing Group. Qaraldi: 20-aprel 2021-yil.

[Cooper-6] Cooper, Natasha. „Nicole Scherzinger: 'I'm an alpha female'“. The Daily Telegraph (7-avgust 2011-yil). 10-yanvar 2022-yilda asl nusxadan arxivlangan. Qaraldi: 2-avgust 2013-yil.

[unicef_uk-7] „Celebrity Supporters – Unicef UK“. UNICEF UK. Qaraldi: 16-iyun 2019-yil.

[lower-alpha 1]

[1]

[5]

[6]

[2]

[3]

[4]