Nan-e berenji (forscha: : نان برنجی, shuningdek nan-berenji – نانبرنجی, yoki shirini-ye berenji – شیرینی برنجی) – EronningKirmonshoh viloyatidan kelib chiqqan guruch unidan tayyorlanadigan pechenye turi[1]. „Nan-e berenji“ soʻzma-soʻz „guruch noni“ degan maʼnoni anglatadi. Taom odatda kardamon bilan xushboʻylanadi, ustiga koʻknor urugʻi sepiladi va yassi shaklda qilinadi. Odatda oq rangda boʻladi, baʼzan esa sariq rangga boʻyaladi[2].
Nan-e berenjining tarixi Qojarlar davriga borib taqaladi. Taxminan 150 yil avval Ipak yoʻli orqali Kirmonshohga kelib-ketayotgan sayohatchilar va ziyoratchilar uzoq vaqt saqlanadigan hamda ozuqaviy qiymati balandroq boʻlgan maxsus taomga ehtiyoj sezganlar. Shu ehtiyojga javoban mahalliy aholi sayohatchilarning asosiy oziq-ovqati boʻlgan guruchdan shirinlik tayyorlay boshlagan[3].
Rivoyatlarga koʻra, podshoh Jamshid shakarni aynan forslarning yangi yili – Navro‘z kuni kashf etgan. Shu sababli Navroʻzni nishonlashda Haft-sin dasturxonidagi anʼanaviy yetti taomga qoʻshimcha ravishda yetti xil shirinlik bilan bayram qilish odati shakllangan[4]. Yetti xil shirinlik quyidagilardir:
