Musiqiy albom

Musiqiy albom deb standart formatda chiqarilgan musiqiy asarlar toʻplamiga aytiladi. "Albom" atamasidan foydalanishga birga sotilayotgan bir necha gramplastinkalarning albomsimon muqovaga solinishi turtki boʻlgan.

Turlari

Hajmiga koʻra

• LP (ingl. Long Play) yoki standart albom - bitta 12 dyuymlik plastinka yoki kompakt-diskda chiqarilgan albom; 30-80 daqiqa davomiylikdagi musiqa yoziladi.
• EP (ingl. Extended Play) yoki mini-albom - LPdan kichik, lekin singldan kattaroq albom.
• Boks-set (ingl. box set) - bir necha LPlardan iborat toʻplam.

Tarkibiga koʻra

• Studiyaviy albom - ovoz yozish studiyasida yozilgan albom.
• Jonli albom - jonli ijro (konsertlar) paytida yozib olingan albom.
• Terma - bir yoki bir necha ijrochining asarlari yigʻilgan albom.

Boshqa turlari

• Bootleg - norasmiy albom. Yashirin, odatda noqonuniy yoʻl bilan chiqariladi.
• Demo - ijrochining asarlarini namoyish etish va baholash maqsadida chiqarilgan sinov albomi.
• Konseptual albom - tarkibidagi asarlari maʼlum bir gʻoya (konsepsiya) atrofida birlashgan albom.
• Soundtrack yoki ovoz yoʻlakchasi - filmda ishlatilgan musiqiy asarlar toʻplami.