Kontent qismiga oʻtish

Murodjon Ahmedov

Vikipediya, ochiq ensiklopediya

Murodjon Ahmedov (1918.1.1, Qoʻqon yaqinidagi Afgʻon qishlogʻi — 1988.18.5, Qoʻqon) — aktyor va xonanda (dramatik bariton). Oʻzbekiston xalq artisti (1967). Hamroqul qori, Rahmon hofizlardan ashula yoʻllarini, 3. Mir-zatovdan sahna sirlarini oʻrgangan. Qoʻqondagi yosh tomoshabinlar teatri (1933 — 34), Qoʻqon (1940 — 55), Fargʻona (1956 — 81) teatrlarida ishlagan. Drama, 868musiqali drama va komediyalarda rang-barang obrazlar yaratgan; Tohir („Tohir va Zuhra“), Haydar, Ravshan („Nurxon“, „Ravshan va Zulxumor“), Bahodir („Bur-gutning parvozi“), Gʻofir („Boy ila xizmatchi“), Aziz („Aziz va Sanam“), Navroʻz („Gul va Navroʻz“), Karl Moor („Qaroqchilar“), hofiz („Oʻtgan kunlar“), Oʻktam („Kumush toʻy“) kabi jami 70 dan ortiq xilma-xil qahramonlar qiyofasini gavdalantirgan. A. qahramonlarini ja-soratli, olijanob, yuksak tuygʻular egasi qilib yorqin tasvirlagan. „Oltin vodiy kuychisi“ telefilmi va „Oʻtgan kunlar“ badiiy filmida („Oʻrtar“ni aytib) su-ratga tushgan. A. maqom ustasi, baland avjlarni ham bemalol ayta oladigan kuchli, shirali ovozga ega boʻlgan. „Bu oqshom“, „Oʻrtar“, „Toza lutf“, „Bayot-3“, „Nasri Uz zol“, „Buxoro irogʻi“ kabi maqom yoʻllari, ashula va katta ashulalar A. repertuaridan oʻrin olgan. Toʻxtasin Gʻifurbekov.[1]

  1. OʻzME. Birinchi jild. Toshkent, 2000-yil