Muhammad Aminxon

Vikipediya, ochiq ensiklopediya
(Muhammad aminxondan yoʻnaltirildi)
Jump to navigation Jump to search

Muhammad aminxon (1817-55) — Xiva xoni (1846—55). Olloqulixonning oʻgʻli. Xiva xonligini iqtisodiy va siyosiy jihatdan mustahkamlashga qaratilgan oldingi xonlar siyosatini davom ettirdi. Atrofidagi barcha isyonkor turkman qabilalarini boʻysundirdi va xonlik daromadini oshirdi. M. A. oʻz hukmronligi davrida Xuroson va Marvga 10 martadan koʻproq qoʻshin tortib bordi. Xonlik poytaxti boʻlgan Xiva shahrida va uning atrofida keng miq-yosda qurilish va obodonlashtirish ishlarini olib bordi. Xiva shahrida qurilgan Muhammad Aminxon Madrasasi va uning yonidagi hashamatli Koʻk (Kalta) minora shular jumlasidandir. Hali bitmagan minorani shu davr sho-irlari "Falak ayvoniga qoʻyilgan us-tundek" deb taʼrifladilar. M. A. Xorazm poytaxtini Koʻhna Urganch (qad. Gurganj)ga koʻchirish uchun u yerda ham koʻp qurilish va obodonlashtirish ishlarini amalga oshirdi. Lekin, Saraxs (Turkmaniston)da turkmanlar bilan boʻlgan jangda halok boʻddi.

Adabiyot[tahrir]

  • Mankovskaya L., Xiva, T., 1982; Xudoyberganov K., Xiva xonlari shajarasi, Urganch, 1996; Abdurasulov A., Xiva [tarixiy-etnografik ocherklar], T., 1997.[1]

Manbalar[tahrir]

  1. OʻzME. Birinchi jild. Toshkent, 2000-yil