Monotsitlar

Vikipediya, ochiq ensiklopediya
Jump to navigation Jump to search

Monotsitlar (mono... va yun. kytos — hujayra) — donasiz leykotsitlar (agranulotsitlar)ning bir turi. Koʻmikning boshlangʻich oʻzak hujayralaridan hosil boʻladi. M. periferik qon tarkibidagi eng katta hujayra, uning hajmi 12—20 mkm. Yadrosi protoplazmaga nisbatan katta, ovalsimon, koʻpincha "taqa" koʻrinishida, rangi (neytrofil leykotsitlar va limfotsit larnikiga nisbatan) ochroq; proto-plazmasi leykotsitlarning zangori, och koʻk rangiga qaraganda och. Protoplazmada bir necha vakuolalar boʻlib, ular hujayra yadrosi atrofida joylashgan. Sogʻlom odam qonida M. leykotsitlarning 3—10% ini tashkil qiladi. M. fagotsitoz qilish xususiyatiga ega va qondan toʻqimaga oʻtganda makrofaglarta aylanadi.[1]

Manbalar[tahrir]

  1. OʻzME. Birinchi jild. Toshkent, 2000-yil