Mingboshi

Vikipediya, ochiq ensiklopediya
Jump to navigation Jump to search

Mingboshi — harbiy maʼmuriy mansab; 1) ming kishidan tashkil topgan harbiy qism qoʻmondoni. Turk xoqonligi, qoraxoniylar, temuriylar armiyasida mingbegi. M. tugʻ, karnay, soyabon va chodirga ega boʻlgan. Du-bulgʻa, zirh, sovut, nayza, qilich, sadoq va oʻq-yoy bilan taʼminlangan, oʻnboshi, yuzboshilar M.ga boʻysungan. M.ning noibi — oʻrinbosari boʻlgan. Amir Temur qoʻshinida yuzta M. harbiy qismlarga sardorlik qilgan, jangda zafar quchgan. M., viloyat voliysi mansabi bilan taqdirlangan; 2) Oʻrta Osiyo xonliklarida harbiymaʼmuriy mansab. Qoʻqon xonligida xondan keyingi 2-oliy mansab. Asosan, harbiy ishlarga mutasaddilik qilgan. Xiva xonligitsi saroydagi eng kichik amaldor; 3) Eron va Xurosonda 18-asrda M. harbiy sardor, turkmanlarda kabila boshligʻi; 4) Oʻrta Osiyoning ruslar tomonidan bosib olinishi arafasida Toshkent, Oqmachit (hozirgi Qizil-oʻrda) singari shahar hokimlari. Key-inchalik M. Toshkent dahalari boshliqlari. Daha M.si aholi tomonidan saylanib, viloyat hokimi tomonidan tasdiqlangan. 19-asr oxiriga kelib M. shaharda tijorat ishlarini nazorat qiluvchi kichik mansab egasiga aylangan; 5) 20-asrning 20-yillarida M. Oʻzbekistonda bir yoki bir necha qishloq birlashuvidan tashkil topgan maʼmuriy idora boshligʻi sifatida faoliyat koʻrsatgan.[1]

Manbalar[tahrir]

  1. OʻzME. Birinchi jild. Toshkent, 2000-yil