Kontent qismiga oʻtish

Milliy til

Vikipediya, erkin ensiklopediya

Milliy til — umumiy hudud, iqtisodiy va maʼnaviy boylik bilan birga millatni ham tashkil etuvchi ijtimoiy-tarixiy kategoriya hisoblanadi. Millatning oʻzaro aloqa vositasi hisoblangan Milliy til 2 shaklga ega: Og'zaki va yozma. Milliy til qabila, ellat tillaridan farqlanadi. U odatda, millatni birlashtirib turuvchi yagona til vazifasini bajaradi. "Milliy til" tushunchasi tilning yashash shakllariga aloqadordir. U til mavjudligining alohida turi boʻlib, mavjudlikning boshqa tur(lar)iga (urugʻ, qabila yoki ellat tiliga), shuningdek boshqa Milliy tillarga qarama-qarshi qoʻyilishi (-mas, oʻzbek tilining qozoq tilidan farqlanishi) mumkin. Har bir millat oʻz tiliga ega. Baʼzan bir millat bir necha tilga ega boʻlishi mumkin: belgiyaliklar — bir millat, lekin fransuz va vallon tillarida soʻzlashadi. Shveysariyaliklar — yagona millat, lekin ular nemis, fransuz, italyan va retoroman Milliy tillarida soʻzlashadi. Aksincha, bir necha millatlar bir Milliy tildan foydalanadilar, xususan, AQSH, Angliya, Avstraliya va boshqa inglizcha soʻzlashuvchi mamlakatlarda ingliz Milliy tilining variantlari, yaʼni britaniya ingliz, amerika ingliz, avstraliya ingliz variantlari qoʻllanadi. Milliy tilning hosil boʻlishi uzoq va murakkab jarayondir. Milliy tilning shakllanishidagi eng oliy bosqich milliy adabiy til hisoblanadi. Biroq Milliy til adabiy tildan farqdanib, ogʻzaki nuqt va xalq shevalarini ham oʻz ichiga oladi.

Abduzuhur Abduazizov.[1]

  1. OʻzME. Birinchi jild. Toshkent, 2000-yil