Millennium Actress (film)
| Millennium Actress | |
|---|---|
| 千年女優 Sennen Joyū | |
 Teatrda namoyish etilgan poster | |
| Rejissyor(lar) | Satoshi Kon |
| Prodyuser(lar) | Taro Maki |
| Ssenariynavis(lar) |
|
| Hikoya | Satoshi Kon |
| Rollarda | |
| Bastakor(lar) | Susumu Hirasawa |
| Kinematografiya | Hisao Shirai |
| Muharrir(lar) | Satoshi Terauchi |
| Studiya(lar) | Madhouse |
| Distribyutor | The KlockWorx |
| Chiqarilgan sanasi | |
| Davomiyligi | 87 daqiqa |
| Mamlakat |
 Yaponiya |
| Til | Yaponcha |
| Byudjeti | $1.2 million[1] |
| Daromadi | $37,641 (US)[2] |
Millennium Actress (yaponcha: 千年女優, Sennen Joyū) – 2001-yilda yaratilgan yapon animatsion drama filmi boʻlib, Satoshi Kon tomonidan hammualliflikda yozilgan. Rejissyor Satoshi Kon. Madhouse studiyasi mahsuloti. Film yapon aktrisalari Setsuko Hara va Hideko Takamine hayotidan ilhomlanib yaratilgan[3]. Unda ikkita hujjatli film suratga olayotgan jurnalistlar nafaqaga chiqqan kino afsonasining hayotini oʻrganish jarayonida ishtirok etadi. Aktrisa oʻz hayoti haqida hikoya qilar ekan, kino va haqiqat oʻrtasidagi chegara tobora yoʻqolib boradi[4].
Syujeti
[tahrir | manbasini tahrirlash]Mashhur aktrisa va Ginei kinokompaniyasining yulduzi Chiyoko Fujiwara kompaniyaning eski studiyasi buzilayotgan paytda oʻtmishi haqida intervyu berishga rozi boʻladi. Bu uning toʻsatdan sanʼat sohasidan ketganidan 30 yil oʻtgach berayotgan birinchi intervyusi edi. Hujjatli film rejissyori, Chiyokoning muxlisi Genya Tachibana va uning operatori Kyoji Ida aktrisaning uyiga tashrif buyurishadi. Genya unga eski kalit solingan kichik qutini topshiradi. Chiyoko kalitga qarab: "Bu kalit eng muhim narsani ochadi, " – deydi va oʻz hayoti haqida eslashni boshlaydi.
Chiyoko 1923-yilgi Buyuk Kantō zilzilasi paytida tugʻilgan, bu fojeada u otasidan ayrilgan. Maktab davrida u Ginei kinokompaniyasining bosh menejeri tomonidan Ikkinchi Xitoy-Yaponiya urushida xizmat qilayotgan askarlarni ruhlantiruvchi film uchun tanlab olinadi. Onasi bunga qarshi chiqadi. U Chiyokoning oilaviy shirinlik doʻkonini meros qilib olishini istaydi. Ammo Chiyoko ikkilanadi.
Bir kuni u siyosiy qarashlari uchun politsiya tomonidan taʼqibda boʻlgan rassom bilan tanishib qoladi va uni uyidagi omborga yashirib qoʻyadi. Ertasi kuni u oʻz ittifoqchilariga qoʻshilish uchun Manjuriyaga joʻnab ketadi va Chiyokoga oʻzining sanʼat anjomlar qutisi kalitini qoldiradi. Chiyoko vokzalga poyezd joʻnab ketishidan oldin yetib borolmaydi, ammo u bilan albatta qayta uchrashishga ahd qiladi. Genya uning hikoyasini tinglar ekan, koʻz yoshlarini tiyolmay, bu sahnani Chiyokoning bir filmida koʻrganini eslaydi. Shu ondan boshlab, Chiyokoning xotiralari bilan filmlaridagi sahnalar bir-biriga qorishib ketadi.
Gineining filmi Manjuriyada suratga olinganini eslab, Chiyoko aktrisalikka kirishadi va rassom bilan qayta uchrashish ilinjida u yerga yoʻl oladi. U bosh menejerning jiyani, istiqbolli rejissyor Junichi Ōtaki va Gineining bosh aktrisasi Eiko Shimao bilan tanishadi. Suratga olish jarayonida Chiyoko Eiko tomonidan sotib olingan folbin yordamida Shimoliy Manjuriyaga joʻnatiladi. Uning poyezdi qaroqchilar hujumiga uchrashidan oldin voqealar yonayotgan Sengoku davri qal’asiga koʻchadi. Chiyoko malika rolida qari arvoh aldovi bilan laʼnatlangan choy ichadi, bu uni „abadiy sevgi olovida mangu yonishga“ mahkum etadi. Chiyoko rassomni izlashda davom etarkan, voqealar va uning roli tez-tez oʻzgarib boradi: Edo davri oxiridagi fohishaxona qizidan tortib Taishō davridagi maktab oʻquvchisigacha. Uning oilaviy doʻkoni havo hujumida vayron boʻladi, biroq omon qolgan devordan u rassom chizgan oʻz portretini va u bilan uchrashish ahdini topadi.
Ikkinchi jahon urushidan soʻng Chiyokoning karyerasi gullab-yashnaydi, biroq u rassomni hech qachon unutmaydi. Bir kuni suratga olish paytida Eiko yashirincha kalitni oʻgʻirlab ketadi. Film jamoasi kalitning ahamiyati haqida soʻraganda, Chiyoko rassomning yuzini eslay olmasligini tushunib, maʼyus tortadi va Junichi bilan turmush qurishga koʻnadi. Keyinchalik, u uylarida yashiringan kalitni topadi va bu haqda Junichini savolga tutadi. Junichi Eikoning folbin voqeasidagi rolidan xabardor boʻlib, Chiyokoga uylanish uchun kalitni oʻgʻirlatganini tan oladi. Eiko esa Chiyokoning yoshligi va begunohligiga hasad qilganini tan oladi. Harbiy politsiyachi sifatida rassomni taʼqib qilgan keksa, chandiqli kishi gunohini yuvish maqsadida Chiyokoga yaqinlashib, unga rassomning xatini topshiradi. Chiyoko rassomning Xokkaydodagi tugʻilgan shahriga tezyurar poyezdga oʻtiradi, ammo uning sayohati besamar yakun topadi.
Manbalar
[tahrir | manbasini tahrirlash]- ↑ „Interview Satoshi Kon“ (fr). Catsuka (2006-yil 18-oktyabr). Qaraldi: 2011-yil 31-iyul.
- ↑ „Millennium Actress (2003)“. Box Office Mojo. Qaraldi: 2015-yil 20-dekabr.
- ↑ „さよならの季節“ (ja). Asahi Shimbun (2010-yil 30-avgust). Qaraldi: 2016-yil 29-avgust.
- ↑ Abrams, Simon „Setsuko Hara: The diva who left Japan wanting a lot more“. Capital New York (2011-yil 1-aprel). 2012-yil 31-dekabrda asl nusxadan arxivlangan. Qaraldi: 2012-yil 26-sentyabr.
Adabiyotlar
[tahrir | manbasini tahrirlash]- Bolton, Christopher. Interpreting Anime. University of Minnesota Press, 2018. ISBN 978-1-4529-5683-1.
Havolalar
[tahrir | manbasini tahrirlash]- Official website, Wayback Machine saytida (March 29, 2008 sanasida arxivlangan)
- Official soundtrack page
- Millennium Actress IMDbda