Milk and Honey
Milk and Honey | |
|---|---|
.jpg) Eurovision tanlovida | |
| Umumiy maʼlumot | |
| Kelib chiqishi | Isroil |
| Janrlar | Pop |
| Faoliyat yillari |
|
| Aʼzolar |
|
| Sobiq aʼzolar |
|
Milk and Honey (ibroniycha: חלב ודבש Xalav U’Dvash) isroillik vokal guruh edi. Dastlabki tarkibi Shmulik Bilu, Reuven Gvirtz, Yehuda Tamir va Gali Ataridan iborat edi[1]. Ular „Xalleluya“ qoʻshigʻi bilan Isril nomidan 1979-yilgi Eurovision qoʻshiq tanlovida ishtirok etib, gʻalaba qozonishgan.
Tarixi
[tahrir | manbasini tahrirlash]Guruh 1978-yilda prodyuser Shlomo Zax va bastakor Kobi Oshrat tomonidan, ham Hakol Over Habibi, ham Yardena Arazi Oshratning „Xalleluya“ qoʻshigʻini ijro etish taklifini rad etgach, 1979-yilgi Eurovision qoʻshiq tanlovi uchun Isroil milliy saralashida tuzilgan[2][3]. Milk and Honey oxir-oqibat milliy saralashda gʻolib boʻldi va keyinchalik 1979-yilgi Eurovision qoʻshiq tanlovida ham gʻalaba qozondi[3]. „Xalleluya“ Buyuk Britaniya singllar reytingida 1979-yil aprel oyida 5-oʻringa chiqqan[4]. Guruhning yana bir xalqaro xiti — „Goodbye New York“ qoʻshigʻi edi[3].
Qoʻshiq tanlovidan bir yil oʻtib, Atari Milk and Honey tarkibidan ketdi va 1981-yilda uning oʻrniga Lea Lupatin keldi[2][3]. Oʻsha yili Atari Zaxni toʻlanmagan royaltilar uchun sudga berdi. 1994-yilda Isroil sudi Atarining foydasiga qaror chiqarib, Zaxni royaltilarni toʻlashga majbur qildi[2]. Keyinchalik, 2003-yilda Zax va uning hamkorlari Oshrat ustidan daʼvo arizasi bilan chiqib, Oshrat ham guruhning sherigi boʻlganligi sababli Atariga toʻlovlarda oʻz hissasini qoʻshishi kerak edi, deb taʼkidlashdi[2][3]. Ushbu sud ishi 2009-yilda mediasiya yoʻli bilan hal qilindi[3].
Milk and Honey milliy finalda yana ikki marta qatnashgan; ular 1981-yilda „Serenada“ qoʻshigʻini ijro etib, toʻrtinchi oʻrinni, 1989-yilda esa „Ani Maʼamin“ qoʻshigʻi bilan sakkizinchi oʻrinni egallashgan. Gvirtz va Tamir 1988-yilda Isroilning Eurovision qoʻshiq tanlovi uchun tanlangan ishtirokchisiga hamroh boʻlishgan[2].
Shmulik Bilu 2023-yil 31-dekabr kuni Tel-Avivdagi Ichilov kasalxonasida 71 yoshida vafot etdi[5].
Manbalar
[tahrir | manbasini tahrirlash]- ↑ Ryan, Kyle „In 1979, an Israeli disco act took the world by storm“. The A.V. Club (2013-yil 8-fevral).
- 1 2 3 4 5 Barak, Itamar „1979 Eurovision winners locked in legal battle“. ESCToday (2003-yil 17-fevral).
- 1 2 3 4 5 6 Rigal, Yavid „40th Anniversary of 'Hallelujah': The Song Which Almost Bankrupted Israel“. Haaretz (2019-yil 27-mart).
- ↑ Roberts, David. British Hit Singles & Albums, 19th, London: Guinness World Records, 2006 — 366-bet. ISBN 1-904994-10-5.
- ↑ „המוזיקאי שמוליק בילו, חבר להקת חלב ודבש, הלך לעולמו בגיל 71“. Ynet (2023-yil 31-dekabr). Qaraldi: 2023-yil 31-dekabr.
