Kontent qismiga oʻtish

Miki Matsubara

Vikipediya, erkin ensiklopediya
Miki Matsubara
松原 みき
Tavalludi 28-noyabr 1959-yil[1]
Kishiwada, Osaka, Yaponiya[1]
Vafoti 7-oktyabr 2004-yil(2004-10-07)
(44 yoshda)[1]
Sakai, Osaka, Yaponiya
Fuqaroligi  Yaponiya
Kasbi
  • qoʻshiqchi
  • qoʻshiqlar muallifi
  • bastakor
  • televideniye shaxsiyati
Turmush oʻrtogʻi Masaki Honjo

Musiqiy faoliyati

Janrlar
Cholgʻular
  • pianino
  • klavishli cholgʻular
Boshqa nomlari Suzie Matsubara (スージー・松原)
Faoliyat yillari 1978–2001[1]
Leybllar Pony Canyon

Miki Matsubara (yaponcha: 松原 みき, Matsubara Miki?, 1959-yil 28-noyabr – 2004-yil 7-oktabr) — Yaponiyaning Osaka prefekturasiga qarashli Kishiwada shahridan boʻlgan qoʻshiqchi, qoʻshiqlar muallifi va televideniye shaxsiyati[1]. U „Suzie Matsubara“ taxallusi ostida Gu-Gu Ganmo nomli teleanime uchun ochilish va yopilish qoʻshiqlari yaratilishida oʻz hissasini qoʻshgan.

1979-yilda chiqqan ilk qoʻshigʻi „Mayonaka no Door (Stay With Me)“ muvaffaqiyat qozongan boʻlib, Oricon reytingida 28-oʻrinni egallagan. Oricon maʼlumotlariga koʻra, qoʻshiq 104 ming nusxada sotilgan, Canyon Records esa sotuv hajmini 300 ming nusxa deb eʼlon qilgan. Shuningdek, 2020-yillardan boshlab, ushbu qoʻshiq TikTok videoplatformasi va city pop janrining qayta mashhurlashuvi tufayli nafaqat Yaponiyada, balki xorijda ham keng eshitila boshlagan.

Dastlabki yillari

[tahrir | manbasini tahrirlash]

Matsubara 1959-yil 28-noyabrda[2] Yaponiyaning Osaka prefekturasiga qarashli Kishiwada shahrida tugʻilgan. U bolaligini Osaka prefekturasining Sakai shahridagi Nishi tumaniga qarashli Hiraoka hududida oʻtkazgan.

Uning oilasi toʻrt kishidan: Matsubara, ota-onasi va singlisidan iborat boʻlgan. Otasi shifoxonaning kengash a’zosi bo‘lgan[3], onasi esa Yaponiya jazz va komedik guruhi Crazy Cats bilan birga kuylagan jazz qo‘shiqchisi bo‘lgan. Matsubara uch yoshidan pianino chalishni o‘rganishni boshlagan va keyinchalik jazz bilan tanishgan. Bolaligida u Sakai shahridagi Hiraoka boshlang‘ich maktabiga qatnagan, 1972-yilda esa Poole Gakuin o‘rta maktabiga kirgan. Shu davrda Matsubara rok musiqasiga qiziqib, „Kurei“ rok guruhiga qo‘shilgan. 1975-yilda u Poole Gakuin litseyiga o‘qishga kirib, „Yoshinoya Band“ guruhida klavishli cholgʻu ijrochisi sifatida faoliyat boshlagan. Guruh a’zolari Kyoto shahridagi Takutaku nomli live-houseda konsertlar o‘tkazishgan. Matsubara a’lo darajada o‘qiydigan talaba sifatida tasvirlangan va atrofidagilar uning universitetga kirishini kutishgan, biroq o‘sha paytda u allaqachon qo‘shiqchi bo‘lish orzusini amalga oshirish rejasini tuzgan edi[3]. 1977-yilda, hali o‘rta maktabda o‘qiyotgan paytida, 17 yoshli Matsubara qo‘shiqchi sifatida debyut qilish maqsadida yakka holda Tokioga yo‘l olgan. Yaponiyalik pianinochi Yuzuru Sera uni Kantō hududidagi turli joylarda, jumladan Tokioning Roppongi tumanidagi Birdland jonli musiqa maydonchasida kuylayotganini koʻrib qolgan[4].

Faoliyati

[tahrir | manbasini tahrirlash]

Matsubara 1979-yilda musiqiy faoliyatini boshlagan va ilk chiqarilgan treki boʻlishiga qaramay, darhol muvaffaqiyat qozongan „Mayonaka no Door (Stay with Me)“ qo‘shigʻi bilan tanilgan. Ushbu qo‘shiq koʻplab san’atkorlar, jumladan Akina Nakamori tomonidan qayta ijro etilgan[5][6][7][8][9]. Qo‘shiq Oricon chartida 28-o‘rinni egallagan[10], ushbu chart ma’lumotlariga koʻra 104,000 nusxada sotilgan, Canyon Records esa sotuvni 300 000 nusxa deb e’lon qilgan. Matsubaraning boshqa mashhur qo‘shiqlari qatoriga „Neat na gogo san-ji (ニートな午後3時)“ va „The Winner“ kiradi.

Matsubara „Neat na Gogo San-ji“ qo‘shig‘i chiqarilgach, mashhur qo‘shiqchi sifatida tanilgan va universitet festivallari, konsertlar va boshqa tadbirlarda chiqishlar qilgan. Ushbu qo‘shiq Yaponiyaning xalqaro miqyosdagi shaxsiy parvarish va kosmetika kompaniyasi ― Shiseido reklamalarida ham ishlatilgan.

Miki Matsubara bir qator mukofotlarga sazovor bo‘lgan[1]. U o‘zining Dr. Woo nomli guruhini tuzgan[3]. Matsubara shuningdek xalqaro miqyosda ham faoliyat yuritgan: Los-Anjelesdagi jazz-fusion guruhi Dr. Strut bilan ishlagan (ularning „Cupid“ va „Myself“ qo‘shiqlarida qatnashgan), shuningdek, Tokio va Osakada konsertlarda ishtirok etgan. Keyinchalik u Blue Eyes nomli kaverlardan iborat jazz albomini chiqargan. Ushbu albomga u mashhur jazz qo‘shiqlari, jumladan „Love for Sale“ hamda Carole King tomonidan yozilgan va kuylangan soft rok qo‘shig‘i „You've Got a Friend“ning kaver versiyalarini kiritgan[11].

Uning vokal diapazoni metsso-soprano darajasida bo‘lgan.

Matsubara musiqiy faoliyati davomida 8 ta singl va 12 ta albom chiqargan. U Yaponiyada yulduz bo‘lgan bo‘lsa-da, xalqaro miqyosda asosan anime qo‘shiqchisi va qo‘shiqlar muallifi sifatida tanilgan, jumladan Dirty Pair: Project Eden kabi anime uchun ochilish va yopilish qo‘shiqlarni kuylagan. City pop janrining qayta mashhurlashuvi xorij davlatlaridan yangi auditoriyani jalb qilgan[12]. Gu-Gu Ganmo anime uchun qo‘shiqlarni u Suzie Matsubara (スージー・松原) nomi ostida kuylagan. Matsubaraning „The Winner“ qo‘shig‘i esa Mobile Suit Gundam 0083: Stardust Memory uchun ochilish qo‘shigʻi sifatida foydalanilgan.

1990-yillardan boshlab u asosan anime sauntreklari va reklama musiqalari ustida ishlagan[13][1]. Matsubara anime uchun qo‘shiqlar yozgan va uning eng mashhur musiqiy asarlaridan ba’zilari Gundam anime seriyasi uchun bo‘lgan. U bir nechta san’atkorlar, jumladan Hitomi Mieno uchun qo‘shiqlar yozgan[14], ammo eng e’tiborga molik ishlari ehtimol qo‘shiqchi va aktrisa Mariko Kouda bilan hamkorligidan yaratilganlari bo‘lgan. Kouda uchun Matsubara tomonidan yozilgan „Ame no Chi Special“ (雨のちスペシャル) qo‘shig‘i 1997-yilda Minna no Uta deb nomlanuvchi besh daqiqalik musiqiy televizion va radio dasturida musiqiy video sifatida namoyish etilgan. Qo‘shiq katta e’tibor qozongan va Oricon chartida 28-o‘rinni egallagan. Ushbu qo‘shiq 2004-yilgacha bir necha bor qayta efirga uzatilgan[15].

2024-yil 12-noyabrda prodyuser Tetsuji Hayashi Matsubaraning debyut hit qo‘shig‘i „Mayonaka no Door (Stay with Me)“ni qayta ishlab, uni raqamli shaklda “2024” nomi bilan chiqargan[16].

Matsubaraning Hi-Fi Setga tegishli „Sky Restaurant“ qoʻshigʻiga qilgan chiqarilmagan kaveri 2024-yil 5-dekabrda raqamli singl sifatida taqdim etilgan[17]. Pony Canyonning xabariga ko‘ra, qo‘shiq so‘zlarini Yumi Arai (Yuming) yozgan, musiqasini esa Kunihiko Murai yaratgan, va Matsubaraning lentadagi saqlangan vokali Tetsuji Hayashi tomonidan yangi city pop uslubida qayta ishlangan[18]. Shu manbaga ko‘ra, yangi musiqa videosi ham tayyorlangan: klipga uning jiyani Tsuyoshi Matsubara rejissyorlik qilgan va unda Mikining nabirasi Moka ishtirok etgan[19].

Shaxsiy hayoti

[tahrir | manbasini tahrirlash]

Miki Matsubaraning shaxsiy hayoti haqida kam ma’lumot mavjud. U o‘zining guruhidagi qo‘llab-quvvatlovchi musiqachi (barabanchi) Masaki Honjo (1953–2007) bilan turmush qurgan.

Matsubaraning talabalik yillarida, yarim stavkali ish tufayli charchoqdan koʻrish qobiliyati pasaygan. Biroq, uning ko‘zi jarrohlik amaliyoti orqali tiklangan[20].

Sogʻligʻidagi muammolar va oʻlimi

[tahrir | manbasini tahrirlash]

2000-yil oxirida Matsubara o‘z kompaniyasi, Dr. Woo guruhining a’zolariga va boshqalarga elektron pochta orqali shunday xabar yuborgan[21]:

Ma’lum bir sababga koʻra musiqiy faoliyatimni davom ettira olmayman. Telefonimni, mobil telefonimni va elektron pochtamni oʻchirib qoʻymoqdaman. Iltimos, javob yozmang. Hayotingizni hech qanday pushaymonliklarsiz davom ettiring.

Shundan so‘ng u musiqiy faoliyatini to‘xtatgan va omma e’tiboridan butunlay yo‘qolgan. Matsubara barcha qadrlagan nota yozuvlari va musiqiy yozuvlarini yoqib yuborgan. Shu paytdagi, amakivachchasiga yuborgan elektron pochtasida u shunday yozgan:

Iltimos, men qo‘shiqlar kuylab, musiqa bastalagan davrni unuting.

2001-yilda ma’lum bo‘lishicha, Matsubaraning bunday qarorlari oxirgi bosqichdagi saraton kasalligi tashxisi bilan bog‘liq bo‘lgan va shundan so‘ng u davolanishni boshlagan. Matsubara o‘tmishda faqat ish bilan band bo‘lmasdan, hayotdan ko‘proq zavq olish kerak boʻlganini oʻylab, musiqiy faoliyatidan pushaymon boʻlgan. U ota-onasining uyiga qaytib, so‘nggi yillarini shu yerda kasalligi bilan kurashib o‘tkazgan.

Yapon hujjatli filmiga ko‘ra, keyinchalik uning jiyani va eri hamda yana bir qancha odamlarga qo‘shimcha xatlar yuborilgan. Jiyaniga yo‘llangan navbatdagi xatda u shunday deb yozgan[22]:

Iltimos, men qo‘shiqlar kuylab, musiqa bastalagan davrni unuting. O‘ylashimcha, o‘sha paytdagi turmush tarzimgina menga bu kasallikni keltirib chiqardi. Shuning uchun men oldinga yurishimga [ya’ni, o‘tmishni ortda qoldirib, yangi hayotga intilish] to‘sqinlik qiladigan hamma narsadan voz kechdim. Bu menga o‘zimning zaif tomonimni eslatadi.

Xuddi shu hujjatli filmda otasining aytishicha, Matsubara unga shunday degan: „Mening hali qiladigan ko‘p ishlarim bor, ular haqida o‘ylab yuribman. Shuning uchun men o‘lmoqchi emasman“. Shuningdek, otasining so‘zlariga ko‘ra, Miki musiqiy faoliyat bilan barcha aloqalarini uzgan bo‘lishiga qaramay, narkoz ta’siridagi behushlik ostida yotgan paytda ham musiqa haqida pichirlab gapirgan[23].

Shifokori unga faqat uch oy umr qolgani aytilgach, Matsubara 2004-yil 7-oktabrda, 44 yoshida bachadon bo‘yni saratoni asoratlaridan vafot etdi[24][25]. Uning vafoti jamoatchilikka ikki oy o‘tgach e’lon qilindi.

Dafn marosimida ikki oy avval yozilgan uning so‘nggi elektron xati o‘qib eshittirildi. Unda shunday yozilgan edi[26]:

Tashxis qo‘yilgach, men birinchi marta ko‘p narsani angladim. Agar imkon bo‘lsa, sog‘lom bo‘lib, menga yaxshilik qilganlarga ko‘p marotaba minnatdorchiligimni bildirmoqchiman, sog‘lom bo‘lib, hayotimni qayta boshlamoqchiman.

Merosi

[tahrir | manbasini tahrirlash]

XXI asr[27], xususan 2010-yillarda[28] city pop musiqasiga qiziqishning oshishi Matsubarani jahon miqyosida tanitishga yordam berdi va uning qo‘shig‘i „Stay with Me“ (真夜中のドア, „Mayonaka no Door“) 2020-yilda G‘arb va Osiyo bo‘ylab qayta mashhur bo‘ldi[27]. Billboard Japan ma’lumotiga ko‘ra, qo‘shiqning dastlabki ommaviylashishiga indoneziyalik YouTube foydalanuvchisi Rainych hissa qo‘shgan; u 2020-yil oktabrida platformadagi taxminan 1,3 million obunachisiga trekning kaver-versiyasini taqdim qilgan[29]. Matsubara vafotidan keyin uning mashhurligidan foydalanish maqsadida, Pony Canyon kompaniyasi 2021-yil 31-martda uning birinchi albomi ― Pocket Parkni 180 g vazndagi mini-albom shaklida qayta nashr etdi[30]. Ushbu kampaniya musiqiy yangiliklar sayti BARKS tomonidan, qayta nashr sanasi va original muqova tasviri bilan birgalikda e’lon qilindi[31] (BARKS, shuningdek, „Stay With Me“ qo‘shig‘i Spotifyning Global Viral chartida 20 kun ketma-ket 1-o‘rinni egallaganini ta’kidlaydi[32]). Ushbu qo‘shiqning Indoneziyada qayta kashf etilishi Apple Music va Spotify kabi raqamli musiqiy platformalarda strimlar sonining oshishida namoyon bo‘ldi, so‘ngra dunyoning boshqa mamlakatlariga tarqaldi va ayniqsa Shimoliy Amerikada ommabop bo‘ldi. Qo‘shiq TikTok ilovasida, ayniqsa, 2020-yil dekabrida mashhur bo‘ldi; bundan avval platformaning anime hamjamiyatida ma’lum darajada trekning mashhurligi kuzatilgan. Hamjamiyat trendiga koʻra, foydalanuvchilar o‘z onalariga qo‘shiqni ijro etib berishlari va ular qo‘shiqni taniganidagi reaksiyalarini suratga olishlari kerak edi. Shu kabi videolardan biri 23 milliondan ortiq ko‘rish va 6 million layk to‘pladi[27][33]. 2025-yil noyabr holatiga ko‘ra, ushbu musiqiy trek platformada 570,000 dan ortiq videolarda ishlatilgan.

Matsubara 2004-yilda vafot etgan bo‘lishiga qaramay, uning „Mayonaka no Door“ qo‘shig‘iga yangi musiqiy klip 2022-yil noyabrida uning rasmiy YouTube-kanali orqali chiqdi. (Yangilangan videoni eski klip rejissyori Tell Sato qayta tahrir qilgan.) Bu Pony Canyon kompaniyasining reklama kampaniyasida qayd etilgan[34].

2024-yil oktabrida Parijdagi Paralimpiya o‘yinlarida, Yaponiya nogironlar tennisi o‘yinchilari oltin medal yutgach, „Mayonaka no Door (Stay with Me)“ Stade Roland Garros markaziy kortida yangradi[35] (Sport yangiliklari sayti Real Sports ma’lumotiga ko‘ra, qo‘shiq Kaito Oda va Yui Kamijining g‘alabalarini nishonlash uchun jarang sochgan va bu qo‘shiqning madaniyatga davomiy ta’sirini namoyish qiladi).

2024-yil kuzida, Pony Canyon Matsubaraniing yana uchta albomi — Cool Cut, Blue Eyes va Lady Bounceni rangli vinil shaklida Yaponiyaning Record Day kuni (2024-yil 3-noyabr) uchun chiqardi[36].

Diskografiyasi

[tahrir | manbasini tahrirlash]

Studiyaviy albomlar

[tahrir | manbasini tahrirlash]
Yil Nomi Leybl
1980 Pocket Park See･Saw
Who Are You?
1981 Cupid
1982 Myself
彩
1983 Revue
1984 Blue Eyes (kaver albom)
Cool Cut
1985 Lady Bounce
1987 Dirty Pair (Original Soundtrack) Victor
1988 Wink

Toʻplamlar

[tahrir | manbasini tahrirlash]
Yil Nomi Leybl
1983 Paradise Beach See･Saw
1986 Super Best Pony
2002 Best Pony Canyon
2011 Golden☆Best
2013 The Premium Best
2014 Light Mellow
2015 Aya
2017 Platinum Best

Singllar

[tahrir | manbasini tahrirlash]
Yil Nomi Leybl
1979 „Mayonaka no Door (Stay with Me)“ (真夜中のドア〜Stay With Me) See･Saw
„愛はエネルギー“
1980 „ハロー・トゥデイ〜Hello Today“
あいつのブラウンシューズ
1981 „ニートな午後3時“
„倖せにボンソワール“
1982 „予言“
1983 „パラダイス ビーチ (ソフィーのテーマ)“
1984 „Knock, Knock, My Heart“
1985 „恋するセゾン 〜色恋来い〜“
1987 „サファリ アイズ“ Victor
„Pas De Deux“[37]
1988 „In the Room“
2020 „The Winner“ Sunrise Music
„Back to Paradise“
2021 „Miki Matsubara Night Tempo Presents the Showa Groove“ Pony Canyon

Boshqa mashhur qoʻshiqlar

[tahrir | manbasini tahrirlash]
Yil Nomi Ijrochi
1991 „Mou Hitotsu no Sotsugyou“ (もう一つの卒業)[38][39] a·chi-a·chi
1992 „Men of Destiny“ – Mobile Suit Gundam 0083: Stardust Memory MIO
1992 „True Shining“[40] Rumiko Wada
1994 „Good-Bye Tears“ Yumiko Takahashi
1994 „Harmony“ Mariko Kouda
1994 „Run ~今日が変わるMagic~“ Hitomi Mieno
1994 „誰のせいでもない二人“ Mariko Kouda
1995 „Kanjite itai...“ Yoko Ichikawa
1995 „Mimikaki wo Shiteiru to“ (みみかきをしていると) Mariko Kouda
1995 „Heroine“ (ヒ・ロ・イ・ン) Rumi Shishido
1995 „Doll-tachi no Dekuritsu Kinenbi“ (Dollたちの独立記念日) Hitomi Mieno
1995 „Ame no Kioku“ (雨の記憶) Keiko Yoshinari
1996 „Watashi ga Tenshi Dattara Iinoni“ (私が天使だったらいいのに) Mariko Kouda
1997 „Yume wa hitori miru mono janai“ (夢はひとりみるものじゃない) Mariko Kouda
1997 „Accel“ (アクセル) Mayumi Iizuka
1998 „Ultraman Gaia!“ (ウルトラマンガイア!) Masayuki Tanaka & Kazuya Daimon

Manbalar

[tahrir | manbasini tahrirlash]
  1. ↑ 1,0 1,1 1,2 1,3 1,4 1,5 1,6 „松原みき“. tower.jp. Tower (2019-yil 14-iyun).
  2. ↑ „新撰 芸能人物事典 明治〜平成「松原 みき」の解説“ (ja). コトバンク. DIGITALIO. 2022-yil 7-iyunda asl nusxadan arxivlangan.
  3. ↑ 3,0 3,1 3,2 „2009/10/7 おもいっきりDON 今日は何の日 「松原みき」の日 #松原みき - YouTube“ (2017-yil 8-oktyabr). 2025-yil 6-oktyabrda asl nusxadan arxivlangan.
  4. ↑ „昭和の名曲「真夜中のドア 〜Stay with Me」☆歌手松原みきさん“.
  5. ↑ Pinto, Tom. „City Pop Is The 40-Year-Old Genre You've Never Heard Of, Until Today“. Study Breaks (2019-yil 27-iyul).
  6. ↑ Archila, Danny. „Citypop: A Curious Fool's Primer“. Yacht Rock (2017-yil 17-dekabr). 2019-yil 30-dekabrda asl nusxadan arxivlangan.
  7. ↑ „【オメガトライブ生んだ林哲司激白 ヒット曲舞台裏】松原みきさんと竹内まりや 予想とは真逆の仕上がりで高評価“. Zakzak (2018-yil 27-sentyabr).
  8. ↑ „松原みき【真夜中のドア】歌詞の意味を徹底解釈!季節が巡ると思い出すのは...?意味深な歌詞を紐解いてみた“. otokake.com. Otokake (2019-yil 10-iyun). 2019-yil 2-dekabrda asl nusxadan arxivlangan.
  9. ↑ „中森明菜の意外なカバー曲 EXILE、ドリカム歌う 新アルバム「歌姫4」“ (ja-JP). ZAKZAK.
  10. ↑ „松原みきを語る〜ファンの声Vol.6“. castella.chagasi.com.
  11. ↑ „Miki Matsubara - Blue Eyes“ (fr). Discogs (1984-yil 20-sentyabr).
  12. ↑ O, Safiyah. „Japanese 'City Pop [シティポップ': A dreamy trip back to Japans capitalist fantasy of the 1980s“]. Bearded Gentlemen Music (2017-yil 23-avgust).
  13. ↑ Konuma, Junichi „松原みき(1959–2004)“. f.waseda.jp/jkonuma.
  14. ↑ „松原みき提供曲/マ行“. castella.chagasi.com.
  15. ↑ „松原みき - 真夜中のドア〜Stay With Me“ (ja). oh my God こりゃ なんだ (2017-yil 24-noyabr).
  16. ↑ „松原みき「真夜中のドア～stay with me～」発売から45年！林哲司がリニューアルして配信リリース！ - ポニーキャニオンUSA“ (ja). PONYCANYON USA.
  17. ↑ „松原みきが生前残した未発表曲を林哲司が再生プロデュースして12月5日に配信！MVも同日公開！“ (ja). PONY CANYON NEWS – ポニーキャニオン.
  18. ↑ „松原みきが生前残した未発表曲を林哲司が再生プロデュースして12月5日に配信！MVも同日公開！“ (ja). PONY CANYON NEWS – ポニーキャニオン.
  19. ↑ „松原みきが生前残した未発表曲を林哲司が再生プロデュースして12月5日に配信！MVも同日公開！“ (ja). PONY CANYON NEWS – ポニーキャニオン.
  20. ↑ 「夜明けまでブルースにひたって 松原みき」. Myojo (yapon). № 2. 1980. 122-bet.
  21. ↑ 今日は何の日 「松原みき」の日 [Television broadcast]. Japan: Omoikkri Don!.
  22. ↑ (English subtitles)The Life of Miki Matsubara 松原みきさんの人生(2009/10/7) #MikiMatsubara #citypop.
  23. ↑ (English subtitles)The Life of Miki Matsubara 松原みきさんの人生(2009/10/7) #MikiMatsubara #citypop.
  24. ↑ „訃報>松原みきさん44歳=シンガー・ソングライター“. Mainichi Shimbun (2004-yil 14-dekabr). 2024-yil 17-martda asl nusxadan arxivlangan.
  25. ↑ „歌手松原みきさん死去/10月7日にがんのため“. Shinkoku News (2004-yil 14-dekabr). 2008-yil 3-martda asl nusxadan arxivlangan.
  26. ↑ (English subtitles)The Life of Miki Matsubara 松原みきさんの人生(2009/10/7) #MikiMatsubara #citypop.
  27. ↑ 27,0 27,1 27,2 Zhang, Cat „The Endless Life Cycle of Japanese City Pop“. Pitchfork (2021-yil 24-fevral). 2021-yil 24-fevralda asl nusxadan arxivlangan.
  28. ↑ Arcand, Rob; Goldner, Sam „The Guide to Getting into City Pop, Tokyo's Lush 80s Nightlife Soundtrack“. Vice (2019-yil 24-yanvar). 2020-yil 1-noyabrda asl nusxadan arxivlangan.
  29. ↑ Matsunaga, Ryohei „Global Popularity of 1979 City Pop Track 'Mayonaka no Door - Stay With Me' Explained“. Billboard Japan (2020-yil 21-dekabr). 2020-yil 21-dekabrda asl nusxadan arxivlangan.
  30. ↑ „松原みき、1stアルバム『POCKET PARK』が重量盤で復刻。特選大型ポスターも再現“ (ja). BARKS (2021-yil 18-fevral). 2021-yil 19-fevralda asl nusxadan arxivlangan.
  31. ↑ „松原みき、1stアルバム『POCKET PARK』が重量盤で復刻。特選大型ポスターも再現“ (ja). BARKS (2021-yil 18-fevral). 2021-yil 19-fevralda asl nusxadan arxivlangan.
  32. ↑ „松原みき、1stアルバム『POCKET PARK』が重量盤で復刻。特選大型ポスターも再現“ (ja). BARKS (2021-yil 18-fevral). 2021-yil 19-fevralda asl nusxadan arxivlangan.
  33. ↑ Chan, Justin „A Japanese Song Has Unpredictably Become A Massive Hit Among TikTokers— And Their Parents“. InTheKnow.com (2021-yil 8-yanvar). 2021-yil 16-fevralda asl nusxadan arxivlangan.
  34. ↑ „松原みきが生前残した未発表曲を林哲司が再生プロデュースして12月5日に配信！Mvも同日公開！“. news.ponycanyon.co.jp.
  35. ↑ „パリに平和をもたらした『イマジン』、日本を熱くした『飛行艇』と『第ゼロ感』。スポーツを音で演出するスポーツDJ“ (ja).
  36. ↑ „松原みき、1stアルバム『POCKET PARK』が重量盤で復刻。特選大型ポスターも再現“ (ja). BARKS (2021-yil 18-fevral). 2021-yil 19-fevralda asl nusxadan arxivlangan.
  37. ↑ „miki matsubara pas de deux - Bing video“. bing.com.
  38. ↑ „VIDL-52 | Mou Hitotsu no Sotsugyou / a・chi-a・chi - VGMdb“ (en). vgmdb.net.
  39. ↑ „もう一つの卒業の歌詞 | a・chi-a・chi“. ORICON NEWS.
  40. ↑ „VIDL-111 | True Shining / Rumiko Wada - VGMdb“ (en). vgmdb.net.

Havolalar

[tahrir | manbasini tahrirlash]
"https://uz.wikipedia.org/w/index.php?title=Miki_Matsubara&oldid=5823627" dan olindi