Migratsiya

Migratsiya (lot. migratio — koʻchaman, joyimni oʻzgartiraman) — 1) aholining bir joydan ikkinchi joyga koʻchishi (q. Aholi migratsiyasi); 2) hayvonlarning yashash muhiti sharoiti yoki rivojlanish sikli oʻzgarishi bilan bir geografik hududdan ikkinchisiga koʻchishi (q. Hayvonlar migratsiyasi); 3) kimyoviy elementlarning yer qobigʻida yoki yer yuzasida oʻz joyini oʻzgartirishi (q. Elementlar migratsiyasi); 4) energiyaning bir zarrachadan boshqasiga oʻtishi (q. Energiya migratsiyasi); 5) kapitalning qoʻshimcha qiymat olish va siyosiy maqsadlarda bir mamlakatdan boshqasiga muntazam chiqib turishi.