Mehrinoz Abbosova
| Mehrinoz Abbosova | |
|---|---|
Mehrinoz Nosirjon qizi Abbasova | |
 | |
 | |
|
Mansab davri 2022-yil 11-fevraldan — hozirgacha | |
| Prezident | Shavkat Mirziyoyev |
| Bosh vazir | Abdulla Aripov |
| Oʻtmishdoshi | Qobuljon Ahmedov |
| |
|
Mansab davri 2017-yil 19-iyundan — 2022-yil 11-fevralgacha | |
| Prezident | Shavkat Mirziyoyev |
| Bosh vazir | Abdulla Aripov |
| Oʻtmishdoshi | lavozim joriy etilgan |
| Vorisi | Muhammadxon Yusupov |
| Shaxsiy maʼlumotlari | |
| Tavalludi |
Mehrinoz Nosirjon qizi Abbasova 23-iyul 1995-yil Chortoq tumani Namangan viloyati Oʻzbekiston |
| Fuqaroligi |
Oʻzbekiston |
| Millati | oʻzbek |
| Turmush oʻrtogʻi | Xushnud Xudoyberdiyev |
| Bolalari | Mustafo Gʻayratov |
| Onasi | Muqaddasxon Dehkanova |
| Otasi | Nosirjon Dehkanov |
| Istiqomat joy(lar)i |
Toshkent Oʻzbekiston |
| Taʼlim |
Bakalvriat: Oʻzbekiston davlat jahon tillari universiteti Magistratura: Alisher Navoiy nomidagi Toshkent davlat oʻzbek tili va adabiyoti universiteti |
| Kasbi | xalqaro jurnalist, adabiyotshunos. |
| Dini | islom |
| Maʼlumoti | oliy |
| Mukofotlari |
  |
Mehrinoz Nosirjon qizi Abbasova (Mehrinoz Abbosova) (1995-yil 23-iyul; Chortoq tumani, Namangan viloyati, Oʻzbekiston) — oʻzbek shoirasi. Xalqaro jurnalist va adabiyotshunos. Respublika yosh ijodkorlar kengashining ilk raisi (2017—2022). Oʻzbekiston yozuvchilari uyushmasi aʼzosi (2018). Shuhrat medali sohibasi (2017). Zulfiya nomidagi davlat mukofoti sovrindori (2012). Shoiraning „Men yoshlikman“ (2011) va „Yulduzrang qoʻshiqlar“ (2014) nomli kitoblari Oʻzbekiston yozuvchilari uyushmasi tavsiyasi bilan chop etilgan. Hozirda u Oʻzbekiston Respublikasi Yoshlar ishlari agentligi direktorining Davlat tili masalalari bo‘yicha maslahatchisi lavozimida ishlab kelmoqda.
Mehrinoz Abbosova 2017-yilda Oʻzbekiston prezidenti Shavkat Mirziyoyevning eʼtiboriga tushgan va talabalik chogʻida yangi tashkil etilgan Respublika yosh ijodkorlar kengashi raisligiga prezidentning taklifi bilan tayinlangan. Uning qoʻl ostida kengash tomonidan ijodkorlarni qoʻllab-quvvatlash maqsadida koʻplab forumlar, festivallar, tanlovlar, anjumanlar va ijtimoiy loyihalar oʻtkazilgan. Hozirda esa bir nechta katta loyihalarni, xususan WikiStipendiya marafonining tashkillashtirilishi va oʻtkazilishi jarayonlarida oʻzining katta hissasini qoʻshib kelmoqda.
Biografiyasi[tahrir | manbasini tahrirlash]
Mehrinoz Abbasova 1995-yil 23-iyulda Namangan viloyati Chortoq tumanida tavallud topgan. Oilada 3 farzandning kenjasi. Mehrinoz otasi Nosirjon Dehkanovni oʻzining eng birinchi ustoziligini aytib, bolaligini eslab shunday deydi[1]:
| “ | … Endi anglasam, dadam bolaligimdan fikrlarim, orzularim, maqsadlarim bilan hisoblashganlar. O‘zimga nisbatan kuchli ishonch uyg‘otganlar. Har doim dunyodagi eng yaxshi dadaning, xokisor va halol odamning qizi ekanimdan faxr tuyaman[1]. | ” |
Mehrinoz Abbasovaning bolaligi Chortoq tumani va Namangan shahrida oʻtgan. U dastlab 2002-yilda tumandagi 45-sonli oʻrta maktabda oʻqishni boshlagan. 2004-yilda oilasi Namanganga koʻchganidan soʻng, shahardagi 57-sonli oʻrta maktabda (2004—2007), 57-sonli ixtisoslashgan maktabda (2007—2011), 2011-yildan Namangan davlat universiteti qoshidagi 2-sonli akademik litseyda taʼlim olgan. 4-sinfdan ingliz tili kurslarida oʻqigan. Badiiy gimnastika, raqs toʻgaraklariga qatnashib, musiqa maktabida fortepiano va dutor chalishni oʻrgangan[1]. Toshkent meditsina institutida oʻqishni, vrach boʻlishni va bir kun kelib Jahon sogʻliqni saqlash tashkilotida ishlab, butun dunyo boʻylab ekologik jihatdan noqulay mintaqalar aholisini davolashni orzu qilgan[2].
Sheʼriyatga qiziqib, yoshligidan Namanganning taniqli adiblari — Ziyoviddin Mansur, G‘ulomjon Akbarov va boshqalar bilan yaqindan tanishgan[2]. 2012-yilda esa adabiyot yoʻnalishi boʻyicha Zulfiya nomidagi davlat mukofoti sovrindori boʻlgan. Shoiraning „Men yoshlikman“ (2011)[3] va „Yulduzrang qoʻshiqlar“ (2014) nomli kitoblari Oʻzbekiston yozuvchilari uyushmasi tavsiyasi bilan chop etilgan[4].
Shoira 2014-yilda Oʻzbekiston davlat jahon tillari universiteti Xalqaro jurnalistika fakultetiga oʻqishga kirdi. 2017-yilda Kamolot yoshlar ijtimoiy harakatining IV qurultoyida chiqish qildi va shu chiqishi tufayli Oʻzbekiston prezidenti Shavkat Mirziyoyevning eʼtiboriga tushdi. Prezidentning taklifi bilan Mehrinoz Abbosova talabalik chogʻidayoq yangi tashkil etilgan Respublika yosh ijodkorlar kengashining raisi lavozimiga tayinlandi[5]. Kengash tomonidan ijodkorlarni qoʻllab-quvvatlash maqsadida Mehrinoz Abbosovaning qoʻl ostida „Respublika yosh ijodkorlar forumi“, „Oʻzbekiston bahori“, „Samarqand sheʼr oqshomlari“, „Toshkent ilhomlari“ festivallari; „Buyuklar biz bilan“, „Izhor“, „Duel“ tanlovlari; „Tarjimonlar haftaligi“, „Zomin jilgʻalari“ anjumanlari; „Orol odamlari“, „Cheksiz ijod-cheksiz imkon“ ijtimoiy loyihalari oʻtkazildi. 2017-yilda Shuhrat medali sohibasi boʻldi[6][7].
2018—2020-yillarda Alisher Navoiy nomidagi Toshkent davlat oʻzbek tili va adabiyoti universiteti Oliy adabiyot kursida magistratura bosqichini tamomladi. 2018-yilda Oʻzbekiston yozuvchilari uyushmasiga aʼzo boʻldi. 2022-yil 11-fevraldan hozirgacha Oʻzbekiston Respublikasi Yoshlar ishlari agentligi direktorining Davlat tili masalalari bo‘yicha maslahatchisi lavozimida ishlab kelyapti[8][9].
Mehrinoz Abbosova Oʻzbekiston Respublikasi Yoshlar ishlari agentligida bir nechta katta loyihalarni, xususan WikiStipendiya marafonini tashkillashtirilishi va oʻtkazilishi jarayonlarida oʻzining katta hissasini qoʻshib kelmoqda. Oʻzbekiston prezidenti Shavkat Mirziyoyev 2022-yil 30-iyunda Yoshlar kuniga bagʻishlangan tantanali tadbirda soʻzlagan nutqda bu toʻgʻrida toʻxtalib shunday dedi[10][11]:
| “ | … Men hozirgina uchrashgan Mehrinoz Abbosova boshchiligidagi bir guruh tashabbuskor yoshlar tomonidan dunyoning eng ommabop elektron ensiklopediyasi – Vikipediyaga 10 mingdan ortiq oʻzbek tilidagi maqolalar joylanganini eshitib, xursand boʻldim[11]. | ” |
Oilasi[tahrir | manbasini tahrirlash]
Mehrinoz Abbasovaning turmush oʻrtogʻi taniqli oʻzbek bloggeri va huquqshunosi — Xushnud Xudoyberdiyev[12]. Ularning Mustafo ismli oʻgʻli bor[13].
Yana qarang[tahrir | manbasini tahrirlash]
Manbalar[tahrir | manbasini tahrirlash]
- ↑ 1,0 1,1 1,2 „Nonsiz qolsada “kontrakt” to‘lagan, loy ko‘chada qizini yelkasida ko‘tarib katta qilgan – otalar haqida to‘rt ta’sirli hikoya“. Oyina.uz (29-aprel 2022-yil). Qaraldi: 22-iyul 2022-yil.
- ↑ 2,0 2,1 „В Намангане вышла первая книга юной поэтессы“. Uzinform.com (1-aprel 2012-yil). Qaraldi: 22-iyul 2022-yil.
- ↑ „M. Abbosova. Men yoshlikman“. Ziyouz.com. Qaraldi: 22-iyul 2022-yil.
- ↑ „Mehrinoz Abbosova (1995)“. Ziyouz.uz (30-sentabr 2020-yil). Qaraldi: 22-iyul 2022-yil.
- ↑ „Prezident Zulfiya mukofoti sohibasini uyushmaga rais etib tayinladi“. Kun.uz (19-iyul 2017-yil). Qaraldi: 22-iyul 2022-yil.
- ↑ „Mirziyoyev farmoni bilan bir guruh yoshlar mukofotlandi“. Kun.uz (26-avgust 2017-yil). Qaraldi: 22-iyul 2022-yil.
- ↑ „Shavkat Mirziyoyev O‘zbekiston taraqqiyotiga munosib hissa qo‘shib kelayotgan yosh avlod vakillarini mukofotladi“. Daryo.uz (26-avgust 2017-yil). Qaraldi: 22-iyul 2022-yil.
- ↑ „Abbosova Mehrinoz Nosirjon qizi“. Yoshlar.gov.uz. 8-noyabr 2022-yilda asl nusxadan arxivlandi. Qaraldi: 22-iyul 2022-yil.
- ↑ „Mehrinoz Abbosova Yoshlar ishlari agentligi rahbarining maslahatchisi etib tayinlandi“. Oyina.uz (14-fevral 2022-yil). Qaraldi: 22-iyul 2022-yil.
- ↑ „Internetda o‘zbek milliy kontentini rivojlantirish dasturi amalga oshiriladi“. Xabar.uz (30-iyun 2022-yil). Qaraldi: 22-iyul 2022-yil.
- ↑ 11,0 11,1 „Vikipediyada oʻzbek tilidagi maqolalarni koʻpaytirishga 10 mlrd soʻm ajratildi“. Oyina.uz (1-iyul 2022-yil). Qaraldi: 22-iyul 2022-yil.
- ↑ „Xudoyberdiyev Xushnud Gʻayratovich haqida“. Malumot.ru (23-aprel 2021-yil). Qaraldi: 22-iyul 2022-yil.
- ↑ „Mehrinoz Abbosova. Yangi she’rlar“. Kh-davron.uz (15-aprel 2020-yil). Qaraldi: 22-iyul 2022-yil.