Jimmy Wales
| Jimmy Wales | |
|---|---|
| Jimmy Donal Wales | |
 | |
| Tavalludi |
7-avgust 1966-yil |
| Fuqaroligi |
 USA AQSH |
Jimmy Donal Wales (talaffuzi: Jimmi Donal Ueyls), shuningdek Jimbo nomi bilan taniqli (7 avgust 1966-yil; Hantsvill, Alabama, AQSH) – amerikalik internet-tadbirkor, viki konsepsiyasi ideologi, Vikipediya asoschilaridan biri, Vikimedia Jamgʻarmasining raisi (2003—2006). 2011-yildan Vikimedia Jamgʻarmasining faxriy raisi, Vikipediya va boshqa viki-loyihalarni boshqaradigan tijorat tashkiloti boʻlmish Wikia shirkatining asoschisi. Jimmy Wales Alabama shtatining Xantsvill shahrida tugʻilgan va u yerda universitetga tayyorgarlik koʻrish uchun Rendolf maktabida tahsil olgan. U mos ravishda Obern universiteti va Alabama universitetida moliya sohasida bakalavr va magistr darajalarini olgan. Aspiranturada Wales ikkita universitetda dars bergan; u moliya sohasida ishga kirish uchun PhD dissertatsiyasini tamomlashdan oldin ishdan boʻshagan va keyinchalik Chicago Options Associates ilmiy-tadqiqot direktori lavozimida ishlagan. 1996-yilda Wales va uning ikki sherigi oʻspirinlar uchun kontent taqdim etishi bilan mashhur. Bomis veb-portaliga asos soldi. Bomis entsiklopediyasi boshqalar ham tahrirlashi mumkin boʻlgan, tekin nupediya (2000–2003) entsiklopediyasini moliyalashtirishda asos boʻldi. 2001-yilning 15-yanvarida Larri Sanger va boshqalar bilan Wales tezda yoyilgan va mashhurlikka ega boʻlgan Wikipedia – ochiq kontentli entsiklopediyani ishga tushirdi. Uning ommaviy obroʻsi oshgani sayin, Wales uning promouteri va matbuot kotibiga aylandi. U vikipediyaning trixiy asoschisi sifatida eʼtirof etilgan boʻlsa-da, Jimmy bunga qarshi chiqib, oʻzini yagona asoschi deb eʼlon qildi. Wales Vikipediyani boshqarishda yordam bergan xayriya tashkiloti – Vikimedia Jamgʻarmasi Vasiylik kengashida xizmat qiladi. Va ushbu kengash tomonidan tayinlangan „jamiyat asoschisi“ lavozimini egallab kelmoqda. Dunyoning eng yirik ensiklopediyasi Vikipediyani yaratishdagi xizmati uchun „Time“ jurnali uni 2006 yilda „Dunyoning 100 ta eng nufuzli odami“ qatoriga kiritdi.
Hayoti[tahrir | manbasini tahrirlash]
Jimmy Wales oʻzining birinchi turmush oʻrtogʻi Pamela Green bilan talabalik davrida tanishgan. U ushbu turmush oʻrtogʻi bilan 1994-yilda Chikagoga koʻchib oʻtgan, biroq keyinchalik ajrashgan.
Ikkinchi xotini – Christine Rohan Mitsubishida treyder sifatida faoliyat yuritgan. U bilan ham Wales ajrashgan. Ushbu nikohdan ularning bitta qizi bor.
Wales 2011-yildan Buyuk Britaniyada Kate Garvey bilan istiqomat qiladi. Garvey Buyuk Britaniyanign sobiq bosh vaziri Toni Blair qoʻli ostida referant-kotiba lavozimida ishlagan. 2012-yilning 6-oktabr kuni Wales va Garvey rasman oila qurishdi. Ularning bir qizi bor.
Wales oʻzini ateist deb hisoblaydi. Uning soʻzlariga koʻra, uning oʻz falsafasi uning ongida muqim joy egallagan va shuning uchun u oʻzini butunlay ateist deb hisoblaydi.
Yana qarang[tahrir | manbasini tahrirlash]
 |