Artturi Ilmari Virtanen

Virtanen Arturi Ilmari (1895.15.1 — 1973.11.11) — finlyandiyalik biokimyogar. Xelsinki universiteti prof. (1931 y.dan), ayni vaqtda Fin texnologiya instituti prof. (1931—39) va Biokimyo instituti direktori (1931—73), Finlyandiya Akademiyasi prezidenti (1948—63). Asosiy ishlari yem biokimyosiga bagʻishlangan. Bakterial va fermentativ jarayonlarni toʻxtatuvchi rN 4 ga teng boʻlgan xlorid va sulfat kislotalarning aralashmasidan foydalanib yemlarni konservalash usulini ishlab chiqqan (1928—29). Bu usul olim nomi bilan atalib ("AIV-usuli"), koʻp mamlakatlarning q. x.da keng qoʻllanilgan. Sut va yogʻni konservalash, pishloq i. ch. texnologiyasini takomillashtirish ustida i. t. oʻtkazgan. Nobel mukofoti laureati (1945).