Malabo

Malabo (1973 y.gacha Santa-Isabel) — Ekvatorial Gvineya Respublikasi poytaxti. Bioko o.da joylashgan. Ikdimi ekvatorial iqlim, yillik oʻrtacha t-ra 25,4°; yiliga 200 mm chamasida yogʻin yogʻadi. Aholisi 40 ming kishidan ziyod. Shaharga 19-a.ning 20-y.larida inglizlar tomonidan asos solingan. 1843 y.gacha Port-Klarens, oʻsha yildan Santa-Isabel deb atalgan. 1968 y.gacha Ispaniya mustamlakasi Gvineyaningmaʼmuriy markazi boʻlgan, 1968 y. 12 okt.dan mustaqil Ekvatorial Gvineya Respublikasi poytaxti. 1973 y.dan mustamlakachilarga qarshi qoʻzgʻolon boshchisi, qabila boshligʻi nomi bilan M. deb atala boshladi.

M. — Gvineya qoʻltigʻidagi port (kakao, kofe, mevalar eksport qilinadi). Aeroporti xalqaro ahamiyatga ega. Taxta tilish va yogʻochsozlik, oziq-ovqat sanoati korxonalari mavjud. Palma moyi va sovun ishlab chiqariladi. Kutubxonalar, muzeylar bor. M.da hukumat idoralari, prezident saroyi joylashgan. Meʼmoriy yodgorliklari saqlangan.