Aflotun

Aflotun (Πλάτων)
Tavalludi	taxm. mil. av. 428–427, Afina
Vafoti	taxm. mil. av. 348–347, Afina
Fuqaroligi	Qadimgi afina
Koʻrsatgan taʼsirlari	Arastu, Neoaflotunchilik, Siseron, Plutarx, Stoitsizm, Anselm, Descartes, Hobbes, Leibniz, Mill, Schopenhauer, Nietzsche, Heidegger, Arendt, Gadamer va boshqalar
Olgan taʼsirlari	Suqrot, Homer, Hesiod, Aristofan, Ezop, Protagoras, Parmenid, Fisogʻurs, Heraklit, Orfizm
Otasi	Ariston of Athens
Onasi	Perictione

Aflotun — Platonnchit sharq xalqlari o‘rtasidagi nomi.

Aflotun yoki Platon (yun.: Πλάτων) (mil.av. 428/mil.av. 427 – mil. av. 348/mil. av. 347) qadimgi yunon faylasufi boʻlgan. Ustozi Suqrot va shogirdi Arastu bilan birgalikda Aflotun Gʻarb madaniyatini shakllantirdi. U shuningdek matematik, yozuvchi hamda Afinadagi ilk akademiya asoschisi boʻlgan.

Hayot yoʻli

Aflotun va Suqrot oʻrta asr davridagi tasvirda

Aflotunning aniq tugʻilgan sanasi noma'lum. Antik manbalarga asosan, koʻpchilik tadqiqotchilar Aflotun mil.av.428-427 yillarda Afinada yoki Eginada tugʻilgan deb hisoblashadi. Antik odatga koʻra 7- targelion (21-may) uning tugʻilgan kuni hisoblanadi.

Aflotun aristokratik oilada dunyoga kelgan; otasi Ariston (mil.av. 465-424) Attikaning soʻnggi qiroli Kodr avlodidan boʻlgan, onasi Periktionaning ajdodlaridan biri Afinalik islohotchi Solon boʻlgan.