Ushbu maqola yaxshi maqolalar sarasiga kiradi.

Marilyn Manson (guruh)

Vikipediya, ochiq ensiklopediya
Marilyn Manson
Marilyn Manson (Florence).jpg
Kelib chiqishi Fort Lauderdale, Florida
Mamlakat AQSH bayrogʻi AQSH
Faoliyat 1989-bugun
Janr Industrial metal
Alternative metal
Heavy metal
Leybl Cooking Vinyl, Nothing Records, Interscope Records
Tarkib Marilyn Manson
Twiggy Ramirez
Tyler Bates
Gil Sharone
Sobiq aʼzolar Daisy Berkowitz
Olivia Newton Bundy
Zsa Zsa Speck
Madonna Wayne Gacy
Gidget Gein
Sara Lee Lucas
Ginger Fish
Zim Zum
John 5
Tim Sköld
Chris Vrenna
Fred Sablan
Veb-sahifa www.marilynmanson.com

Marilyn Manson (talaffuzi: Merilin Menson) — Amerika rock musiqa guruhi. Guruhga 1989-yil Marilyn Manson va Daisy Berkowitz (asl ismi Scott Putesky) Florida shtatining Fort Lauderdale shahrida asos solishgan. Guruhning ilk nomi Marilyn Manson & the Spooky Kids boʻlgan. 1990-yillarning boshlarida faqat amerikalik muxlislari bor boʻlgan bu guruh keyinchalik butun dunyoga tanildi.

Guruhga asos solinganidan beri uning aʼzolari koʻp marta oʻzgardi. Guruhning hozirgi aʼzolari guruh nomi bilan bir xil ismli Manson, gitarachi Tyler Bates va barabanchi Gil Sharonedir. 1996-yilgacha guruh aʼzolarining ismlari mashhur ayol seks ramzlari ismi bilan serial qotillarning familiyasini birlashtirib yasalgan.

Guruhning toʻrt albomi bir necha marta platinum, ikki albomi gold sertifikatlarini olgan.[1][2] VH1 musiqa telekanali Marilyn Manson guruhini oʻzining 100 Great Artists of Hard Rock roʻyxatida 78-eng yaxshi rock guruh deb topgan.[3] Shu kungacha Marilyn Mansonning 50 milliondan oshiq audioyozuvi sotilgan.[4][5][6][7] BBC muxbiri fikricha, Marilyn Manson aksariyat oʻzbek gotlari uchun sanamdir.[8]

Guruh tarixi[tahrir]

Tashkil topishi[tahrir]

Guruh ijod qilishni 1989-yil Marilyn Manson & the Spooky Kids nomi bilan boshladi. Guruhning ilk tarkibini Marilyn Manson (vokal) Daisy Berkowitz (gitara), Olivia Newton Bundy (bas gitara), va Zsa Zsa Speck (klavishli asboblar) tashkil qilgan. Keyinchalik guruhga Pogo laqabi ostida ijod qilgan klaviyachi Madonna Wayne Gacy va bas gitarachi Gidget Gein qoʻshiladi. Bu tarkib bilan demo albom yozadilar. 1991-yilda Sara Lee Lucas qoʻshiladi. Guruhning asosiy maqsadi insonlarni hayron qoldirish edi. Konsertlarda qiziqarli kiyimlar kiyib, olovli tamoshalar namoyish qilar edilar. Guruh katta eʼtibor qozonadi. Nine Inch Nails guruhining asoschisi Trent Reznorni ham etiborini qozonadilar. Bunday keing Reznorning Nothing Records leybli bilan shartnoma tuzadilar.

Portrait of an American Family[tahrir]

Portrait of an American Family („Amerika oilasi tasviri“) albomini 1933-yilda yozib bitiradilar. Bu vaqtda Marilyn Manson bas gitarachi Gidget Geinning oʻrniga Twiggy Ramirezni oladi. Birinchi singl „Get Your Gunn“ („Qurolingni ol“) dan muxlislar mamnun boʻladilar. Guruh tanitim turnesiga chiqadi. Turnedan keyin Anton LaVey bilan uchrashgan Manson „muhtaram“ maʼnosini bildirgan va asosan rohiblarga beriladigan „Reverend“ unvonini oladi. Bir konsert paytida Sara Lee Lucasning barabanlarini yoqib yuborgan Manson uning oʻrniga guruhga Ginger Fishni oladi. 1995-yilda Smells Like Children nomli EPni chiqargan guruh, „Sweet Dreams“ („Shirin tushlar“) singllari bilan MTVda koʻp ekranga chiqadigan boʻldi va koʻpchilikni tashkil qilgan muxlislarga ega boʻldi.

Antichrist Superstar[tahrir]

Guruh, Mansonning aytishi boʻyicha, qiyomatni anglatuvchi Antichrist Superstar („Isoga qarshi super yulduz“) albomini yozishni boshlaydi. Lekin guruh aʼzolari orasida muammolar bor edi. Narkotik qabul qilishlari ham katta muammolarga sabab boʻlardi. Oʻsha paytlar Daisy Berkowitz guruhdan ketadi. Albomda gitarani asosan Twiggy Ramirez chaladi. Keyinchalik guruhga Zim Zum qoʻshiladi. 1996-yilda chiqarilgan albom va „The Beautiful People“ („Boyvachchalar“) singlining olib kelgan muvaffaqiyatlar bilan guruh katta turnega chiqadi. Guruhning mashhurligi ortishiga qaramasdan, qoʻshiqlarning soʻzlari va koʻrinishlari tufayli koʻp qarshiliklar koʻradilar.

Mechanical Animals[tahrir]

Mechanical Animals („Mexanik hayvonlar“) yangi albomiga tayyorgarliklar davom etarkan, Marilyn Manson filmlarda rol olishda davom etayotgan edi. Oʻz hayoti haqida „Long Hard Road Out Of Hell“ („Uzoq va qiyin doʻzaxdan chiqish yoʻli“) kitobini yozadi. Albom 1998-yilda chiqariladi. Albomdagi qoʻshiqlarni yozilishida Zim Zum qatnashsada, keyin guruhdan ketadi va uning oʻrniga John 5 keladi. 1999-yildagi turne paytlarida Columbine Litsey Qirg'ini yuz beradi. Marilyn Manson qotil oʻquvchilarga taʼsir koʻrsatgan model sifatida ayblandi. Bu sababdan turne oxirigacha davom etmadi va guruh uzoq vaqt sahnalardan uzoqroq turdi. Qirgʻin haqida guruhing keyingi albomida „The Nobodies“ („Hechkimlar“) qoʻshigʻi yoziladi.

Holy Wood[tahrir]

Uzoq vaqt jimjitlikda qolgan guruh 1999-yilda The Last Tour On Earth nomli konsert albomi chiqaradi. Marilyn Manson studiyaga qamalib yangi qoʻshiqlar ustida ish olib borayotgan edi. 2000-yilda Holy Wood (In The Shadow Of The Valley Of Death) (Muqaddas oʻrmon (Oʻlim Vodiysi soyasida)) chiqarildi. Manson bu albomda Columbine qirgʻinidan keyingi tuygʻularini bayon qiladi va Amerikaning madaniyatini tanqid qiladi. Albom tanqidchilar tarafida yoqtirilgan boʻlsada, uncha koʻp sotilmaydi.

The Golden Age Of Grotesque[tahrir]

Marilyn Manson Holy Wood albomi bilan miyasidagi ikkilanmani tugatdi. Yangi albomda 1930-yillarning taʼsirini koʻrsatish planlarida bor edi. Bu vaqtlarda bas gitarachi Twiggy Ramirez kelishmovchiliklar tufayli ketadi guruhdan va uning oʻrniga Tim Skold keladi. Tim Skold musiqiy janrlardan electronica janriga yaqinroq edi va u Marilyn Mansonning musiqiy tarziga biroz boʻlsa ham taʼsir koʻrsatadi. 2003-yilda chiqgan The Golden Age Of Grotesque (Groteskning oltin davri (grotesk: adabiyot va sanʼatda ortiq mubolagʻa bilan boʻrttirib tasvirlash uslubi va shunday uslubdagi asar)) albomi chartlarga kiradi. Turneda 1930-yillarga mos qiyofalar va tamoshalar bilan sahnaga chiqadilar. 2004-yilda guruh Lest We Forget nomli „best of“ (eng sara qoʻshiqlar toʻplami) chiqaradi. Best of albomidan keyin John 5 guruhdan ketadi.

Eat Me Drink Me[tahrir]

Marilyn Manson 2007-yilda

2007-yil 5-iyunda guruh yangi albomi Eat Me Drink Me (Ye meni, ich meni) ni chiqaradi. Manson ayoli Dita Von Teesedan ajrashadi. Shuning uchun albomida sevgi mavzusiga koʻp toʻxtaladi. Bu esa albomni boshqa albomlaridan ajratib turadi. Albomning boshqa farqli tarafi uni Marilyn Manson va Tim Skold hamkorligida yozilishi edi. Bu vaqtlarda Madonna Wayne Gacy guruhdan ketadi. Albomni yozish ishlari tugagandan keyin Chris Vrenna (klaviyalar) va Rob Holliday (bas gitara) guruhga olindilar. Guruh solisti Tim Skold esa gitaraga oʻtdi. Albom billboard roʻyxatlarida 8-oʻringa chiqdi.

The High End of Low[tahrir]

2009-yil 25-mayda guruhning The High End of Low (Pastning yuqori qismi) albomi chiqarildi. Bu albom Interscope Records leybli bilan chiqqan sonʼnggi albombdir. Albom Billboard 200da 4- oʻrinda debut qildi. Albomning rasmiy singllari „Arma-Goddamn-Motherfuckin-Geddon“ („armageddon“, „goddamn“ va „motherfucker“ soʻzlarining birlashmasi) va „Running to the Edge of the World“ („Dunyoning chekkasiga yugura“) qoʻshiqlaridir.

Born Villain[tahrir]

2012-yil 1-mayda guruhning Born Villain (Yovuz boʻlib tugʻilgan) albomi chiqarildi. Guruh aʼzolari yangi albomni ogʻirroq deb baholashdi. „No reflection“ („Hech qanaqa aks“) va „Slo-Mo-Tion“ („Sekinlashtirib suratga olish“) qoʻshiqlari singl sifatida chiqarildi.

The Pale Emperor[tahrir]

2015-yil 15-yanvarda The Pale Emperor (Rangi oʻchgan imperator) albomi sotuvga chiqdi. „Third Day of a Seven Day Binge“ (Yetti kunlik mayxoʻrlikning uchinchi kuni), „Deep Six“ („Chuqur olti“) hamda „Cupid Carries a Gun“ („Qurol koʻtargan sevgi tangrisi“) qoʻshiqlari singl sifatida chiqarildi.

Heaven Upside Down[tahrir]

2017-yil 6-okabrda Heaven Upside Down (Jannat teskari) albomi sotuvga chiqdi. „We Know Where You Fucking Live“ („Qayerda yashashingizni bilamiz“) hamda „Kill4Me“ („Men uchun oʻldir“) qoʻshiqlari singl oʻlaroq chiqarildi.

Guruh tarkibi[tahrir]

Xronologiya[tahrir]

Tarixi[tahrir]

Hozirgi aʼzolari
  • Marilyn Manson – vokal, gitara, klavishlar, tamburin, saksofon, Pan fleytasi (1989–hozirgacha)
  • Tyler Bates – gitara, qoʻshimcha vokal (2014–2015, 2016–hozirgacha)
  • Gil Sharone – barabanlar (2014–hozirgacha)
Tur aʼzolari
  • Paul Wiley – ritm gitara, qoʻshimcha vokal, dasturlash (2014–hozirgacha)
  • Juan Alderete – bas gitara (2017–hozirgacha)[9]
  • Daniel Fox – klavishlar, dovul (2015–2017, 2017–hozirgacha)
Sobiq aʼzolar
Sobiq tur aʼzolari
  • Chris Vrenna – barabanlar (2004–2005)
  • Mark Chaussee – gitara (2004–2005)
  • Rob Holliday – gitara (2008), bas gitara, qoʻshimcha vokal (2007–2008)
  • Wes Borland – gitara (2008)
  • Andy Gerold – bas gitara (2009)
  • Jason Sutter – barabanlar (2012–2013)
  • Spencer Rollins – klavishlar, gitara (2013)
  • Twiggy Ramirez – bas gitara (2014–2017)

Guruh aʼzolarining ismlari[tahrir]

1996-yilgacha guruh aʼzolarining ismlari mashhur ayol seks simvollarning ismi va serial qotillarning familiyasini birlashtirib yasalgan. Bundan maqsad Amerika jamiyati boʻlinishi ayanchli ekanligini koʻrstaish edi. Quyida guruh aʼzolari (avvalgi va hozirgi) ismlarining kelib chiqishi berilgan:

Diskografiya[tahrir]

Studiyaviy albomlar: 1994 — Portrait of an American Family
1995 — Smells Like Children
1996 — Antichrist Superstar
1997 — Remix & Repent
1998 — Mechanical Animals
1999 — The Last Tour on Earth
2000 — Holy Wood (In the Shadow of the Valley of Death)
2003 — The Golden Age of Grotesque
2004 — Lest We Forget
2007 — Eat Me, Drink Me
2009 — The High End of Low
2012 — Born Villain
2015 — The Pale Emperor 2017 — Heaven Upside Down

Manbalar[tahrir]

Havolalar[tahrir]