Kontent qismiga oʻtish

Manchester derbisi

Vikipediya, erkin ensiklopediya
Manchester derbisi

Manchester derbisi, Premyer-liga, 2021-yil 6-noyabr
Hudud Katta Manchester
Jamoalar
Ilk bahs 1881-yil 12-noyabr
St. Mark's (West Gorton) 0–3 Newton Heath LYR
Soʻnggi bahs 2025-yil 14-sentabr
Premyer-liga
Manchester City 3–0 Manchester United
Navbatdagi bahs 2026-yil 17-yanvar
Premyer-liga
Manchester United v Manchester City
Stadionlar City of Manchester Stadium (City)
Old Trafford (United)
Statistika
Jami uchrashuvlar 197
Eng koʻp gʻalaba Manchester United (80)
Eng koʻp oʻyin oʻtkazgan Ryan Giggs (36)
Eng yaxshi toʻpurar Wayne Rooney (11)
Barcha davrlar natijalari City: 62
Durang: 55
United: 80
Eng yirik gʻalaba United 1–6 City (1926)
United 0–5 City (1955)
United 5–0 City (1994)
United 1–6 City (2011)
Eng koʻp gol urilishi City 6–3 United (2022)
Eng uzoq gʻalabalar seriyasi 8 ta oʻyin
Manchester United
(1993–2000)
Eng uzoq magʻlubiyatsiz seriya 16 ta oʻyin
Manchester United
(1990–2001)
Joriy magʻlubiyatsiz seriya 1 ta oʻyin
Manchester City
(2025–hozir)
Manchester derbisi is located in Greater Manchester
Manchester City
Manchester City
Manchester United
Manchester United

Manchester derbisi deb Manchester City va Manchester United oʻrtasidagi futbol uchrashuvlariga aytiladi. Uchrashuvlar ilk bor 1881-yilda oʻtkazilgan. City oʻz uy uchrashuvlarini sharqiy Manchester hududida joylashgan City of Manchester Stadiumda oʻtkazadi, United esa Katta Manchesterdagi Trafford hududida joylashgan Old Trafford stadionida oʻynaydi. Ikkala stadion orasidagi masofa qariyb 4 mi (6.4 km)ni tashkil etadi. Jamoalar barcha musobaqalarda jami 197 marta toʻqnash kelgan: United 80 marta, City 62 marta gʻalaba qozongan, qolgan 55 uchrashuv durang bilan yakunlangan. Angliyaning eng muvaffaqiyatli klublaridan biri sifatida ular umumiy hisobda 104 ta sovrin qoʻlga kiritgan: Manchester United — 68 ta, Manchester City esa — 36 ta. Ular Angliyada qitʼaviy treblni qoʻlga kiritgan ilk ikki klub, shuningdek, dunyoda birinchi boʻlib bunday yutuqqa erishgan bir shahar ichidagi raqib jamoalar hisoblanadi: United bu yutuqqa 1999-yilda, City esa 24 yil oʻtib erishgan.

Tarixi

[tahrir | manbasini tahrirlash]
Ikki jamoaning hozirgi va sobiq uy stadionlari koʻrsatilgan Manchester shahrining xaritasi: Hyde Road (1887–1923), Maine Road (1923–2003), City of Manchester (2003–hozir).United: North Road (1878–1893), Bank Street (1893–1910), Old Trafford (1910–hozir).

Ikki jamoa oʻrtasidagi ilk uchrashuv 1881-yil 12-noyabrda boʻlib oʻtgan. Oʻshanda St. Mark's (West Gorton) oʻz maydonida Newton Heath LYRni qabul qilgan. Uchrashuv Newton Heath foydasiga 3:0 hisobida yakunlangan va Ashton Reporter gazetasi uni “yoqimli oʻyin” deya taʼriflagan[1]. Oʻsha paytda bu klublar Manchester atrofidagi koʻplab yangi tashkil topayotgan jamoalardan biri edi va uchrashuv alohida ahamiyat kasb etmagan. 1880-yillar davomida ikkala klub ham oʻsishda davom etdi va 1890-yillardagi ilk uchrashuv “ikki mahalliy klubning toʻqnashuvi: biri (Ardwick (City)) futbol olamida eng yuqori darajaga koʻtarilayotgan boʻlsa, ikkinchisi esa (Newton Heath) deyarli yetakchilar safida” deya eʼlon qilingan[2]. Ikkala jamoa Manchester hududida yetakchi kuchga aylandi; 1888-yildan 1893-yilgacha boʻlgan davrda Manchester kubogida gʻalaba yoki Newton Heath, yoki Ardwickka nasib etgan. Har ikki klub ham qisqa muddat faoliyat yuritgan, Futbol ligasiga raqib tashkilot — Futbol alyansiga qoʻshilgan. Shu davrda ikkala jamoa ham Futbol ligasiga qabul qilinish uchun bir necha bor urinib koʻrgan, biroq muvaffaqiyat qozonmagan (Newton Heath 1889-, 1890- va 1891-yillarda; Ardwick esa 1891-yilda). Nihoyat, 1892-yilda ikkala klub ham Futbol ligasiga qabul qilingan: Newton Heath Birinchi divizionga, Ardwick esa yangi tashkil etilgan Ikkinchi divizionga qoʻshilgan[3].

Ilk yillar

[tahrir | manbasini tahrirlash]

Klublar oʻrtasidagi ilk Futbol ligasi uchrashuvi 1894/95-yilgi mavsumda boʻlib oʻtgan va unda Newton Heath klubi Hyde Roadda Manchester Cityni 5:2 hisobida magʻlub etgan. 1890-yillarning oxirlarida shotlandiyalik aka-uka Billy va Matthew Gillespie uch marta qarama-qarshi jamoalarda maydonga tushishgan[4][5]. Angliya futbolining oliy divizionida klublar oʻrtasidagi ilk uchrashuv esa 1906-yil dekabrida boʻlib oʻtgan: Manchester City Birinchi diviziondagi oʻyinda 3:0 hisobida gʻalaba qozongan va oʻsha uchrashuvdagi daromad £1,000 dan oshgan — bu oʻsha davr uchun juda katta koʻrsatkich edi[6]. Shu paytda City moliyaviy mojarodan aziyat chekayotgan edi: klub futbolchilarga rasmiy hisobdan tashqari toʻlovlar qilganlikda aybdor deb topilgan. Natijada, jamoaning 17 nafar futbolchisi chetlatilgan va ularga klub safida endi maydonga tushish taqiqlangan. Bu futbolchilar orasida 1904-yilgi Angliya kubogini qoʻlga kiritgan jamoaning asosiy tarkibi ham bor edi[7]. 1907-yil yanvarida chetlatish muddati yakunlangach, toʻrt futbolchi (Jimmy Bannister, Herbert Burgess, Billy Meredith va Sandy Turnbull) United safiga qoʻshildi va ular klubga 1908-yilda ilk liga chempionligini qoʻlga kiritishda yordam berdi. Hozirgi keskin raqobatdan farqli oʻlaroq, oʻsha paytda bu oʻtishlar odatda ijobiy qarshi olingan va Manchesterning boshqa klubiga yordam sifatida koʻrilgan[8]. Keyingi mavsumda Turnbull derbida maydondan chetlatilgan ilk futbolchi boʻldi[9].

Ikkinchi jahon urushi oldidan Manchester muxlislari koʻpincha bir hafta City oʻyinini, keyingi hafta esa United uchrashuvini tomosha qilishardi. Urushdan keyin esa kuchliroq raqobat shakllandi va ikkala jamoani birgalikda qoʻllab-quvvatlash holati kam uchray boshladi.

Yoritkichlar ostidagi oʻyinlar

[tahrir | manbasini tahrirlash]

Birinchi marta yoritkichlar ostida oʻtkazilgan Manchester derbisi 1889-yil 26-fevralda Belle Vue Athletic Ground maydonida boʻlib oʻtgan. Maydon atrofida Wells elektr chiroqlari oʻrnatilgan va uchrashuvni 10 ming tomoshabin kuzatgan. Oʻyinda Newton Heath, Ardwickni 3:2 hisobida magʻlub etgan. Uchrashuv Hyde koʻmir konidagi falokat qurbonlari uchun xayriya tariqasida tashkil etilgan[10].

Ilk yoritkichli rasmiy derbi esa 1956-yilda Angliya Superkubogi doirasida oʻtkazilgan. Unda liga chempioni Manchester United hamda Angliya kubogi sohibi Manchester City toʻqnash kelgan[11]. Odatda Superkubok uchrashuvi liga chempionining uy stadionida boʻlib oʻtar edi, ammo ushbu bahs Old Traffordda yoritkichlar oʻrnatilmaganligi sababli Maine Roadda oʻtkazilgan.

1970-yillar

[tahrir | manbasini tahrirlash]

1970-yillarda Manchester derbilarida ikki jiddiy mojaro yuz berdi. 1970-yil dekabridagi derbida United futbolchisi George Bestning City himoyachisi Glyn Pardoe bilan toʻqnashuvida moviyranglilar oʻyinchisining oyog‘i sindi; jarohat shunchalik og‘ir boʻldiki, City himoyachisi oyog‘idan ayrilishi mumkin edi[12]. Keyingi mavsumdagi qiziqarli 3:3 hisobidagi uchrashuvda Francis Lee Bestni aktyorlardek maydonga yiqilib “simulyatsiya qilganlik”da aybladi va hakamga taʼsir oʻtkazish uchun u ham yerga yiqildi. 1973/74-yilgi mavsumning birinchi derbisida esa Mike Doyle va Lou Macari qizil kartochka oldi; Maine Roadda 0:0 hisobida yakunlangan oʻyinda ikki futbolchi ham maydonni tark etishni istamadi. Natijada hakam ikkala jamoani kiyinish xonalariga qaytarishga majbur boʻldi, ikki futbolchi chiqarilishga rozi boʻlgachgina oʻyin davom ettirildi[13].

Denis Lawning oʻyini

[tahrir | manbasini tahrirlash]
Denis Law 1973/74-yilgi mavsumning oxirida Old Traffordda Manchester City uchun gʻalaba golini kiritdi.

Mavsumning ikkinchi derbisi Old Traffordda, mavsum oxiridan bir kun oldin oʻtkazildi (United hali Stoke bilan safar oʻyinini ham oʻtkazishi kerak edi). United gʻalaba qozonib, quyi ligaga tushib ketishdan qochishga urinayotgan edi, ammo buning uchun Norwich ham Birminghamni magʻlub etishi kerak edi. 80-daqiqada hisob 0:0 boʻlgan paytda, Francis Lee toʻpni eski United futbolchisi Denis Lawga yoʻlladi; Law darvozaga orqasini qaratib turgani uchun toʻpni oyog‘ining orqa qismi bilan tepib darvozaga yoʻlladi. Bu Lawning liga futbolidagi oxirgi uchrashuvi boʻlib, ozgina vaqt oʻtib nafaqaga chiqishini eʼlon qildi. Oʻyinning soʻnggi daqiqalarida United muxlislari maydonga tushib kelib, oʻyinning toʻxtatilishiga sabab boʻlishdi. Shunga qaramay, natija oʻzgarmadi va boshqa uchrashuvlardagi natijalarni hisobga olganda, oʻyin United gʻalabasi yoki durang bilan tugaganida ham, jamoa tushib ketishdan qocholmagan boʻlar edi.

United bir yil oʻtgach, Birinchi divizionga qaytdi. Ushbu oʻn yillik ikkala jamoa uchun ijobiy natijalarga boy boʻldi: City 1976-yilda Liga kubogini qoʻlga kiritdi va bir yil oʻtgach ligada ikkinchi oʻrinni egalladi, United esa toʻrt mavsum ichida uch marta FA kubogining finaliga chiqdi, biroq bu musobaqada faqat bir marta gʻalaba qozondi.

1980-yillar

[tahrir | manbasini tahrirlash]

80-yillar davri 1980-yil 27-sentabrda Old Traffordda ikkala jamoa oʻrtasida 2:2 hisobidagi durang bilan boshlandi. Bu United uchun liga musobaqasida nisbatan muvaffaqiyatsizroq mavsumning boshlanishi edi; ular mavsum yakunida murabbiy Dave Sextonni isteʼfoga chiqarishga majbur boʻldi. Shu bilan birga, City ham tez orada murabbiy Malcolm Allisonni ishdan boʻshatdi va uning oʻrnini egallagan John Bond rahbarligida ligada yaxshilanishga erishdi hamda FA kubogining finaliga chiqdi[14].

1982/83-yilgi mavsumga kelib, City Uniteddan kuchliroq degan barcha taxminlar bekor boʻldi: United liga musobaqasida uchinchi oʻrinni egalladi va FA kubogini qoʻlga kiritdi, City esa quyi ligaga tushib ketdi. 1982-yil 23-oktabrda Old Traffordda boʻlib oʻtgan derbi 2:2 hisobida durang bilan yakunlandi, biroq 1983-yil 5-martda Maine Roaddagi qaytish uchrashuvida United 2:1 hisobida gʻalaba qozondi[15].

City 1985/86-yilgi mavsumda Birinchi divizionga qaytdi va 1985-yil 14-sentabrda Unitedni Maine Roadda qabul qildi. United ushbu oʻyinda 3:0 hisobida gʻalaba qozonib, liga mavsumi startidagi g‘alabalar seriyasini sakkizta oʻyinga uzaytirdi. Jamoa mavsumdagi ilk 10 oʻyinining barchasida gʻalaba qozonib, yangi yilga kelib Birinchi divizion jadvalida yetakchilik qildi, ammo yakunda toʻrtinchi oʻrinni egalladi. Shu mavsumda City liga jadvalida 15-oʻrinni egallagan boʻlsa-da, 1986-yil 22-martda Old Traffordga tashrif buyurib, 2:2 hisobidagi durangga erishdi va bu Unitedning chempionlik umididagi ikki muhim ochkoni yoʻqotilishiga sabab boʻldi[16].

1986/87-yillar mavsumida City yana ligadan tushib ketdi, United esa liga jadvalida 11-o‘rinni egalladi. Shu mavsum davomida 1986-yil 6-noyabrda United murabbiyi Ron Atkinson oʻz o‘rnini Alex Fergusonga topshirdi. Atkinsonning United boshqaruvidagi oxirgi uchrashuvlaridan biri 1986-yil 25-oktabrda Maine Roadda oʻtkazilgan liga uchrashuvi boʻlib, 1:1 hisobida durang bilan yakunlandi. Alex Ferguson birinchi marta Cityga qarshi United murabbiyi sifatida 1987-yil 10-yanvarda FA kubogining uchinchi bosqichida maydonga chiqdi va United 1:0 hisobida g‘alaba qozondi. Old Traffordda boʻlib oʻtgan liga uchrashuvi 1987-yil 7-martda oʻtkazildi; United 2:0 hisobida g‘alaba qozonib, Ferguson ostida shakllanayotgan oʻyin uslubini rivojlantirdi va Cityni oxir-oqibat quyi ligaga tushib ketishga yaqinlashtirdi[17].

1980-yillar City uchun ijobiy yakun topdi: ular 1989-yilda Birinchi divizionga qayta koʻtarildi va 1989/90-yilgi mavsumning bir necha haftasi o‘tib, 1989-yil 23-sentabrda Maine Roadda derbida United bilan uchrashdi. City Unitedni 5:1 hisobida mag‘lub etdi va shu tariqa keyingi 13 yil davomida moviyranglilar umuman gʻalaba qozona olmadi[18].

1990-yillar

[tahrir | manbasini tahrirlash]

Ham United, ham Cityda o‘ynagan darvozabon Peter Schmeichel, derbilarda eng koʻp mag‘lubiyatsiz natijalarga egalik boʻyicha rekord unga tegishli – United safida Cityga qarshi 10 ta oʻyinda u darvozani qo‘riqlagan paytda jamoa mag‘lub boʻlmagan, shuningdek, Maine Roadda oʻtkazgan yagona mavsumida City Unitedni uy maydonida mag‘lub etib, Old Traffordda durang natija bilan ochko olgan.

Biroq, 1990-yillarda United derbilarda ustunlik qilgan va butun bir dekadani mag‘lubiyatsiz oʻtkazgan. 1990/91-yilgi mavsumda ikkala Manchester jamoasi liga jadvalining yuqori qismida oʻrin egallagan holda oʻynagan boʻlsa-da, chempionlik uchun nomzodlar sifatida koʻrilmagan; oktyabr oyidagi Maine Roaddagi uchrashuv 3:3 hisobida durang bilan yakunlandi, ammo may oyining boshlarida Old Trafforddagi bahsda United 1:0 hisobida g‘alaba qozondi. O‘yindagi yagona gol 17 yoshli qanot hujumchisi Ryan Giggs tomonidan kiritildi va bu uning ajoyib hamda noyob muvaffaqiyatli professional faoliyatidagi birinchi katta gol boʻldi. 1991/92-yilgi derbilarda voqealar unchalik koʻp boʻlmadi – noyabr o‘rtalarida Maine Roadda nursiz va aprel boshida Old Traffordda 1:1 hisobida durang qayd etildi. United mavsumning koʻp qismini liga yetakchisi sifatida oʻtkazib, yakunda ikkinchi oʻrinni egalladi, ikkinchi yarim mavsumda oʻyinlar zichligi va gollar yetishmasligi sababli yakunda orqada qolgan.

Premyer-liga 1992/93-yilgi mavsumda tashkil etilgach oʻtkazilgan birinchi Manchester derbisi 1992-yil 6-dekabrda Old Traffordda 2:1 hisobida United g‘alabasi bilan yakunlandi. Shu kuni yangi transfer Eric Cantona United safida debyut oʻtkazdi; u keyingi to‘rt mavsum davomida Manchester derbilarda jami sakkizta gol kiritdi – birinchisi o‘sha mavsum mart oyida Maine Roaddagi 1:1 hisobida durang bilan yakunlangan uchrashuvda urilgan. 1993/94-yilgi mavsum eng yorqin Manchester derbilardan biriga aylandi: United Maine Roadda 2:0 hisobida magʻlub boʻla turib, 3:2 hisobida g‘alaba qozonib ketdi, Eric Cantona ikkita gol urdi. 23-aprel kuni Cantona yana dublni rasmiylashtirdi va United Old Traffordda 2:0 hisobida g‘alaba qozondi. Keyingi Manchester derbisida, 1994-yil noyabrda, Cantona gol urdi, biroq asosiy e’tibor Andrey Kanchelskisga tushdi – u 5:0 hisobidagi g‘alabada xet-trik amalga oshirdi. Uch oy o‘tgach, ikkinchi derbi Maine Roaddagi 3:0 hisobidagi United g‘alabasi bilan yakunlandi. 1995/96-yil mingyillikning oxirgi Manchester derbisini oʻtkazgan mavsumi boʻldi, chunki mavsum yakunida City quyi ligaga ravona boʻldi. Mavsumning birinchi derbisi oktabr o‘rtalarida Old Traffordda oʻtkazildi va United 1:0 hisobida g‘alaba qozondi; 20 yoshli Paul Scholes oʻyindagi yagona golni kiritdi, shuningdek United darvozaboni Peter Schmeichelning bir qator ajoyib seyvlari Cityga g‘alaba qozonish imkoniyatini bermadi. Ikkinchi davradagi derbi aprel boshlarida Maine Roadda oʻtkazilinadi, unda United 3:2 hisobida g‘alaba qozondi; yana bir gol Cantonaga tegishli edi. Cantona bundan ikki oy avval FA kubogining beshinchi bosqichida Uwe Rösler Cityni 1:0 hisobida oldinga olib chiqqach, juda bahsli penaltidan golini kiritadi va United oʻyinni 2:1 hisobidagi gʻalaba bilan yakunlaydi.

2000-yillar

[tahrir | manbasini tahrirlash]

Yangi mingyillikdagi Old Trafforddagi ilk Manchester derbisi 2001-yil aprel oyida oʻtkazildi va bu uchrashuv Roy Keane va Alfie Haaland oʻrtasidagi uzoq davom etgan mojaroning choʻqqisi boʻldi. Keane Haalandga tizzasini ko‘tarib qilgan tajovuzi uchun qizil kartochka oldi. Mojaro 1997-yilda boshlangan, shu yil United sardori Roy Keane Haalandni to‘xtatishga urinayotib xochsimon payidan jarohati oladi (o‘sha paytda Haaland Leeds jamoasida o‘ynayotgan edi; bu jamoa ham United bilan noxush raqobatga ega). Keane yerga yiqilganida, Haaland uni simulyatsiya qilishda ayblaydi. 2001-yil apreldagi bahs 1:1 hisobidagi durang bilan yakunlandi; United allaqachon liga chempioniga aylanib boʻlgan edi, City esa uchrashuvda yo‘qotgan ikki ochkosi bilan ligadan tushib ketishga yaqinlashdi, bu xavf mavsum oxiridan bir oldingi o‘yinda tasdiqlandi. Shu bilan birga, bu City uchun Old Trafforddan mag‘lubiyatsiz qaytgan (oxirgi 9 yil ichida) va Unitedga qarshi har qanday musobaqada uyda yoki safarda mag‘lubiyatsiz oʻtkazgan birinchi uchrashuv edi (oxirgi 8 yil ichida).

2002-yilda nashr etilgan avto­biografiyasida Keane o‘sha tajovuzkor harakat qasddan jarohat yetkazish maqsadida amalga oshirilganini tan oladi. Ushbu iqror uning uchun £150,000 jarima va shu yil kuzida besh o‘yinlik taqiq bilan yakunlandi.

2008-yil fevral oyida Manchester derbisi bilan bir vaqtda bo‘lib o‘tgan Myunxen aviahalokatining 50 yilligi munosabati bilan esdalik sharfchalari tarqatildi. Sharfchalarning ko‘k ranglisi Manchester City muxlislariga ham berildi.

2002-yil 9-noyabrda Kevin Keegan boshchiligidagi City Maine Roadda oʻtkazilgan oxirgi derbida 3:1 hisobida g‘alaba qozondi; Shaun Goater klub uchun 100- va 101-gollarini urdi, 3-golni Nicolas Anelka kiritdi. Bu 1989-yildagi 5:1 hisobidagi g‘alabadan keyingi Cityning United ustidan birinchi g‘alabasi boʻlib, Manchester ko‘k yarmining 13 yillik mag‘lubiyatsiz davriga nuqta qo‘ydi. Shu mavsumda City Old Traffordda durang natijaga erishdi – 1:1, golni yana Shaun Goater kiritdi. Bu 1991/92-yildan beri Cityning Unitedga qarshi liga uchrashuvlaridagi hech qanday mag‘lubiyatsiz birinchi mavsum edi.

Goaterning ikkinchi goli qo‘l bilan urilganligi sababli hisobga olinmadi; agar u gol hisobga olinganida, bu City uchun 1970-yildan beri United ustidan derbilardagi gʻalabadan iborat dubl va 1974-yildagi “Denis Law oʻyini”dan beri Old Trafforddagi ilk g‘alaba boʻlar edi. Keyinchalik City yangi stadionida, City of Manchester Stadiumda birinchi derbini oʻtkazib, 4:1 hisobida g‘alaba qozondi; gollarni Robbie Fowler, Jon Macken, Trevor Sinclair va Shaun Wright-Phillips kiritdi.

2007/08-yilgi derbilarda Manchester City ikkala uchrashuvda g‘alaba qozondi: 2007-yil 19-avgustda City of Manchester Stadiumda 1:0 va 2008-yil 10-fevralda Old Traffordda 2:1 hisobida (bu Myunxen aviahalokatining 50 yilligiga to‘g‘ri keldi; o‘yindan oldin bir daqiqalik sukut oʻtkazildi). City gollarini 24-daqiqada Darius Vassell va 45-daqiqada Benjani kiritdi, Unitedning yagona golini 90-daqiqada Michael Carrick urdi. Bu Old Traffordda Cityning Unitedni liga uchrashuvida mag‘lub etgan 1974-yil aprel oyidan beri birinchi holat edi; shuningdek, 1969/70-yilgi mavsumdan beri ilk marta ligadagi ikkala derbini ham yutdi. United 2008/09-yilgi mavsumning birinchi derbisida Cityning uchinchi ketma-ket g‘alabasini oldini oldi, o‘yindagi yagona golni Wayne Rooney kiritdi. Shu o‘yinda Cristiano Ronaldo qo‘l bilan urilgan goli sababli qizil kartochka oldi. Ikkinchi uchrashuvda Ronaldo va Carlos Tevez gollar kiritib, Unitedga Old Traffordda 2:0 hisobida g‘alaba keltirdi.

2010-yillar

[tahrir | manbasini tahrirlash]
2010/11-yilgi FA kubogi yarim finalidan oldin olingan Wembley surati. Bu ikkala klub oʻrtasidagi ikkinchi yarim final va (eski yoki yangi) Wembley stadionida oʻtkazilgan birinchi uchrashuv edi.

2008/09-yildagi Cityning gegemonligidan keyingi mavsumlarda, ikkala klub oʻrtasida Liga kubogi va FA kubogi doirasidagi ikki qiziqarli yarim final uchrashuvlari oʻtkazildi. 2009/10-yilgi mavsum boshlanishidan oldin mojaro yuzaga keldi: City United bilan shartnomasi tugagan Carlos Tevezni sotib oldi va Deansgate koʻchasining yuqori qismida “Manchesterga xush kelibsiz” yozuvi bilan reklama bannerini oʻrnatdi. Ushbu reklama Alex Fergusonning Cityni “kichik fikrga ega kichik klub” deb atashiga sabab boʻldi[19] va mavsum davomida ularni “shovqinli qo‘shnilar” deb nomladi[20].

2009/10-yilgi mavsumda bir qator asabiy uchrashuvlar, jumladan, ikki Liga kubogi yarim finali oʻtkazildi. Ser Alex Ferguson 2009/10-yilgi Old Trafforddagi Manchester derbisini “ehtimol [...] barcha davrlarning eng yaxshi derbisi” deb atadi[21]. Manchester United ushbu o‘yinni 4:3 hisobida yutdi; Manchester City uch marta hisobni tenglashtirgan boʻlsa-da, 95-daqiqada Michael Owen g‘alaba golini kiritdi[22]. Ushbu o‘yin 2012-yilda Premier League 20 Seasons Awardsda eng yaxshi Premyer-liga o‘yini deb topildi[23]. Jamoalar Liga kubogi yarim finalida yana to‘qnash keldi, bu esa qo‘shimcha ikki o‘yin degani edi. City birinchi o‘yinda 2:1 hisobida g‘alaba qozondi; Ryan Giggsning goliga javoban Carlos Tevez gol urdi. Ikkinchi o‘yinda United Paul Scholes va Michael Carrickning gollari bilan 2:0 hisobida oldinga chiqdi, Tevez esa hisobni 2:1 ga keltirib, hisobni tenglashtirdi va o‘yinni qo‘shimcha vaqtda davom etishini taʼminladi. Biroq, Wayne Rooney qo‘shimcha vaqtlarda bosh bilan gol urib, Unitedni uchrashuvda g‘alaba qozonishiga va ketma-ket ikkinchi marta Liga kubogi finaliga chiqishiga sababchi boʻldi. 2010-yil 17-aprelda United Cityni 1:0 hisobida mag‘lub etdi; yagona golni 90-daqiqada Scholes kiritdi. Biroq bu g‘alaba Unitedga Premyer-liga chempionligini qo‘lga kiritishda yetarli bo‘lmadi, chunki Chelsea bir ochko ustunlik bilan chempion bo‘ldi.

2010/11-yilgi mavsumda uchta Manchester derbisi oʻtkazildi: biri United g‘alabasi, biri durang va biri City g‘alabasi bilan yakunlandi. Unitedning g‘alabasi Old Traffordda bo‘lib o‘tdi; Wayne Rooney ajoyib chalqancha zarbasi bilan o‘yin taqdirini belgiladi, bu g‘alaba Unitedga qolgan mavsumda ustunlik qilish va 19-chempionlikni qo‘lga kiritishga imkon berdi. Cityning g‘alabasi FA kubogi yarim finalida bo‘lib, ular Unitedni musobaqadan chiqarib, o‘zining to‘qqizinchi FA kubogi finaliga yo‘l oldi va 1976-yildan beri birinchi sovrinini qo‘lga kiritdi. Shu sababli 2011/12-yilgi mavsumni boshlab bergan Community Shield ham Manchester derbisi bo‘ldi: United liga chempioni bo‘lgan kuni, 14-mayda City FA kubogini qo‘lga kiritdi. United Wembleyda 3:2 hisobida g‘alaba qozondi, hisobda ikki gol ortda qolgan holda qo‘shimcha vaqtda sovrinni qo‘lga kiritdi.

2011-yil 23-oktabrda Manchester City Old Traffordda Unitedni 6:1 hisobida mag‘lub etdi va bu Unitedning mavsumdagi birinchi mag‘lubiyati bo‘ldi. Jonny Evans 47-daqiqada Mario Balotellini to‘xtatgani uchun qizil kartochka oldi, hisob City foydasiga 1:0 edi. United hisobni 3:0 bo‘lgan paytda qisqartirdi, ammo Cityning uchta qo‘shimcha goli g‘alabani ta’minladi. 6:1 hisobi Unitedning Old Traffordda Cityga qarshi qabul qilib olgan eng katta mag‘lubiyati bo‘ldi, bu 1955-yildagi 5:0 hisobidan keyingi eng og‘ir mag‘lubiyat edi. Shuningdek, bu 1926-yildan beri Cityning Old Traffordda olti gol urgan birinchi uchrashuvi bo‘ldi; o‘shanda ham hisob 6:1 bo‘lgan edi.

Mavsumning uchinchi uchrashuvida United va City FA kubogi uchinchi bosqichida to‘qnash keldi, United 3:2 hisobida g‘alaba qozondi. Hisob 10-daqiqada ochildi: Wayne Rooney zaxira darvozabon Costel Pantilimon ustidan bosh bilan toʻpni tashlab qoʻyib gol urdi. 12-daqiqada Vincent Kompany Nani bilan boʻlgan vaziyatdagi tajovuzi uchun qizil kartochka oldi. United birinchi bo‘limda 3:0 hisobida oldinga chiqdi, ikkinchi bo‘limda City ikkita gol urdi, ammo bu durangga ham yetmadi. Ushbu o‘yin Paul Scholesning sahnaga qaytishi bilan ham esda qoldi; u nafaqadan qaytib, 59-daqiqada Nanining o‘rniga maydonga tushdi.

2012-yil 30-aprelda City oʻz uyida Unitedni 1:0 hisobida mag‘lub etdi; g‘alaba golini Vincent Kompany birinchi bo‘lim oxiriga yaqin bosh bilan kiritdi[24]. Shuningdek, o‘yinda City bosh murabbiyi Roberto Mancini va Ser Alex Ferguson o‘rtasida tortishuv yuz berdi; bu Nigel de Jongning Danny Welbeckga qilgan tajovuzi sababli bo‘ldi. Ferguson Mancini o‘yin davomida to‘rtinchi hakam Mike Jones ustidan doimiy shikoyat qilganini da’vo qilgan bo‘lsa, Mancini holatni rad etib, hazil va kinoya tariqasida, Ferguson hech qachon hakam bilan „gaplashmasligini“ yoki „shikoyat qilmasligini“ aytadi[25]; aslida esa Ferguson bunday ishlarni bir necha bor qilgan va shunday holatlardan birida, 2011-yilda beshta o‘yinga chetlatilgan edi[26]. Natijada, ushbu g‘alaba Cityni mart oyidagi liga jadvalida 8 ochko bilan ortda qolayotgan vaziyatdan, gollar nisbati bilan birinchi o‘ringa chiqib olishga olib keldi[27]. Liga g‘olibi bo‘lish uchun Cityga faqat Newcastle United va Queens Park Rangersga qarshi ikkita g‘alaba yetar edi, va ular buni amalga oshirishdi. Shuningdek, City oxirgi olti liga o‘yinida g‘alaba qozonib, gollar nisbati orqali chempionlikni qo‘lga kiritdi — bu 1988/89-yildan beri birinchi marta chempionlikni aniqlashda tie-breaker aralashgan holat bo‘ldi.

2012/13-yilgi mavsumning birinchi Manchester derbisi, o‘yinning so‘nggi daqiqalaridagi Manchester United g‘alabasi bilan yakunlandi. United hisobni Wayne Rooneyning ikkita golidan ochdi, ammo Yaya Touré va Pablo Zabaleta hisobni tenglashtirdi. 92-daqiqada Robin van Persie jarima zarbasidan gol urib, g‘alabani va uch ochkoni ta’minladi. Manchester Unitedning g‘alabasi Cityning 37 o‘yindan iborat mag‘lubiyatsiz seriyasini yakunladi[28]. Robin van Persie golining nishonlanishi davomida tomoshabin tomonidan otilgan tanga Ferdinandning chap ko‘zining atrofini jarohatladi. Boshqa bir muxlis esa maydonga yugurib chiqib, Ferdinandga tashlandi, ammo Joe Hart uni to‘xtatdi. Shu mavsumning ikkinchi derbisini City Old Traffordda yutdi; bu 1970-yillardan beri ketma-ket ikki safardagi derbini yutgan ilk holat edi.

2013/14-yilgi mavsumning birinchi Manchester derbisi 2013-yil 22-sentabrda City of Manchester Stadiumda bo‘lib o‘tdi va City 4:1 hisobida g‘alaba qozondi. 16-daqiqada Sergio Agüero hisobni ochdi, birinchi bo‘lim yakunlanishidan oldin Yaya Touré gol urdi. Ikkinchi bo‘limda Agüero ikkinchi golini kiritdi, uch daqiqa o‘tib Samir Nasri ham gol urdi. United uchun Wayne Rooney soʻnggi daqiqalardagi jarima zarbasidan gol urib, hisobni ozgina kamaytirdi. Manchester City 2014-yil 25-martda Old Traffordda uchinchi ketma-ket g‘alabani qo‘lga kiritdi. 2014/15-yilgi mavsumda City 2014-yil noyabrida City of Manchester Stadiumda Unitedni 1:0 hisobida mag‘lub etdi[29], ammo United keyingi uchrashuvda, 2015-yil aprel oyida Old Traffordda 4:2 hisobida g‘alaba qozondi; bu o‘yinni City darvozaboni Joe Hart “Manchester City libosidagi eng yomon kunlarimdan biri” deb atadi[30].

2015/16-yilgi mavsumning birinchi derbisi Old Traffordda o‘tkazilib, 0:0 hisobida durang bilan yakunlandi. Bu 2010-yildan beri derbi birinchi marta golsiz tugagan bahs edi. Mavsumning City of Manchester Stadiumda o‘tkazilgan derbisida United yutdi; yagona gol 16-daqiqada Marcus Rashford tomonidan kiritildi[31].

2016-yil 26-oktabrdagi Manchester derbisi.

2016/17-yilgi mavsum boshlanishidan oldin ikkala klubda murabbiy almashinuvi bo‘ldi: Manchester Unitedni José Mourinho, Manchester Cityni esa Pep Guardiola qabul qilib oldi. O‘sha mavsumda City maqtovga sazovor o‘yinlar oʻtkazdi, 10-sentabrda Old Traffordda liga o‘yini doirasida 2:1 hisobida g‘alaba qozondi[32]; keyinchalik United 26-oktabrda Old Traffordda Liga kubogi doirasida 1:0 hisobida g‘alaba qozonib, turnirda chempionlikni qo‘lga kiritdi[33], 27-aprelda esa City of Manchester Stadiumda golsiz durang qayd etildi, bu o‘yinda Marouane Fellaini Sergio Agüeroni boshi bilan urgani uchun qizil kartochka oldi[34]. 2017/18-yilgi mavsumda City 10-dekabrda Old Traffordda ketma-ket ikkinchi yil 2:1 hisobida g‘alaba qozondi[35] va 7-aprelda City of Manchester Stadiumda Unitedga qarshi g‘alaba bilan liga chempionligini qo‘lga kiritish imkoniyatiga ega edi. Ular birinchi bo‘limda 2:0 hisobida oldinga chiqishdi, ammo Paul Pogba va Chris Smallingning gollari natijasida City chempionlikni aniqlashni keyinga qoldirishga majbur bo‘ldi[36]. Keyingi mavsumda City Unitedni ikki marta yutdi: City of Manchester Stadiumda 3:1 hisobida g‘alaba qozondi (bu 2014-yildan beri ularning ilk uyda oʻtkazilgan derbidagi g‘alabasi bo‘ldi, va Old Traffordda 2:0 hisobida g‘alaba qozonib, uchinchi ketma-ket safardagi derbi g‘alabasini qayd etdi. 2019/20-yilgi mavsumda esa United yana birinchi safar o‘yinini o‘tkazdi; Marcus Rashford va Anthony Martialning gollari Unitedga mavsumning birinchi derbisida 2012/13-yildan beri birinchi marta g‘alaba keltirdi[37].

2020-yillar

[tahrir | manbasini tahrirlash]

2010-yillarning oxiri va 2020-yillarning boshlarida City Pep Guardiolaning murabbiyligi ostida yetti mavsumdan oltisida liga chempionligini qo‘lga kiritib, misli ko‘rilmagan muvaffaqiyatga erishdi. Ushbu mavsumlarning aksariyati Liverpool va City o‘rtasidagi shiddatli chempionlik kurashlari bilan ajralib tursa-da, United va City o‘rtasidagi derbi o‘yinlari hamon raqobatbardosh va ko‘pincha kutilmagan natijalar bilan davom etdi.

2020-yillarning birinchi derbilari 2019/20-yilgi Liga kubogi yarim final o‘yini doirasida 2020-yil yanvarda o‘tkazildi. Old Traffordda birinchi o‘yinda City 3:1 hisobida g‘alaba qozondi va bu ularga uchinchi ketma-ket Liga kubogi finaliga chiqish uchun yetarli bo‘ldi[38], chunki United ikkinchi o‘yinda City of Manchester Stadiumda faqat 1:0 hisobida g‘alaba qozondi[39].

Ushbu dekadadagi birinchi liga derbisi Cityning Liga kubogi g‘alabasidan bir hafta o‘tib, 2020-yil mart oyida o‘tkazildi. Old Traffordda bo‘lib o‘tgan o‘yinda Anthony Martial va Scott McTominayning gollari Unitedga 2009/10-yildan beri ilk marta ligadagi ikkala derbida ham gʻalaba qozonish imkonini berdi va bu COVID-19 pandemiyasi tufayli joriy qilingan cheklovlar boshlanishidan oldin muxlislar tomosha qilgan so‘nggi uy o‘yini bo‘ldi[40].

Keyingi, pandemiya ta’sirida bo‘lgan mavsumda, ikki klub yana bir bor Liga kubogi yarim finalida uchrashdi. Bu musobaqaning ushbu bosqichida klublarning to‘rtinchi uchrashuvi va o‘tgan o‘n bir yil ichidagi uchinchi uchrashuv edi. Ikkinchi mavsum davomida ketma-ket, City g‘alaba qozondi, Old Traffordda muxlislarsiz oʻtgan o‘yinda John Stones va Fernandinhoning gollari hisobiga 2:0 hisobida yutdi[41]. 2021-yil mart oyida esa United City ustidan 2:0 hisobida g‘alaba qozondi, gollarni Bruno Fernandes va Luke Shaw kiritdi[42].

2021/22-yilgi mavsumda City ketma-ket uydagi liga derbilaridagi mag‘lubiyatlar seriyasini yakunladi va uch mavsum ichida ilk marta Unitedni ikkala oʻyinda ham magʻlub etdi: 2021-yil noyabr oyida Old Traffordda 2:0 hisobida va 2022-yil mart oyida City of Manchester Stadiumda Kevin De Bruyne va Riyad Mahrezning ikkitadan gollari ortidan ishonchli 4:1 hisobida g‘alaba qozondi[43].

2022/23-yilgi liga mavsumining birinchi derbisida, 2022-yil 22-oktabrda, City uyda Unitedni 6:3 hisobida mag‘lub etdi, unda Phil Foden va Erling Haaland xet-trik qayd etdi. Bu Manchester derbilari tarixidagi eng ko‘p gol urilgan o‘yin bo‘ldi. 2023-yil 14-yanvarda, mavsumning ikkinchi derbisida, United uyda Cityni 2:1 hisobida yutdi, gollarni Bruno Fernandes va Marcus Rashford kiritdi[44]. 2023-yilgi Angliya kubogi finali Manchester derbisining kubok finalida birinchi marta o‘tkazilishi bo‘ldi va Manchester City ushbu o‘yinda 2:1 hisobida g‘alaba qozondi; City sardori İlkay Gündoğan 12-soniyada gol urib, kubok finalidagi eng tezkor gol deb qayd etildi. Keyinchalik ular mavsumni “trebl” bilan yakunladi va 24 yil oldin United erishgan muvaffaqiyatni takrorladi.

2023/24-yilgi mavsumda, City 2023-yil oktabrda Haaland va Fodenning gollari evaziga Unitedni safarda 3:0 hisobida yutdi, so‘ngra mart oyida uyda ham 3:1 hisobida g‘alaba qozondi[45]. Ikkala jamoa Angliya kubogi finalida yana uchrashdi — bu ketma-ket ikki yil davomida bir xil klublar Angliya kubogi finalida uchrashgan birinchi holat bo‘ldi, Manchester derbisining kubok finalidagi ikkinchi marta o‘tkazilishi va yangi Wembley stadionida ikki jamoa o‘rtasidagi uchinchi kubok bahsi bo‘ldi. Oʻtgan finaldagi hisob qaytarildi, ammo bu safar United gʻalaba qozondi[46][47].

2024/25-yilgi mavsum boshlanishidan avval ikki jamoa Angliya Superkubogi doirasida toʻqnash keldi, bahsning asosiy vaqti Bernardo Silva va Alejandro Garnacho tomonidan kiritilgan gollar sababli teng natija bilan yakunlandi va penaltilar seriyasiga navbat berildi. United futbolchisi Jonny Evans penalti zarbasidan golga aylantira olmadi va navbat Manuel Akanjiga berildi, u esa zarbani toʻgʻri amalga oshirib, hisobni 7:6 koʻrinishiga olib keldi va Cityning Superkubokni qoʻlga kiritishini taʼminladi[48]. Mavsum startidan soʻng jamoalar ilk bor 15-dekabr kuni City of Manchester Stadiumda toʻqnash kelishdi. Birinchi taymdagi Joško Gvardiolning goliga ikkinchi taym oxirida Bruno Fernandes (penalti bilan) va Amad Diallo javob qaytarib, kambek amalga oshirildi[49]. Navbatdagi derbi es Unitedning uyida oʻtkazildi va nursiz durang bilan yakunlandi[50].

2025/2026-yilgi mavsumdagi ilk derbida 2025-yil yanvarida Manchester City tarkibiga kelib qoʻshilgan, Premyer-liga tarixidagi ilk oʻzbekistonlik futbolchiga aylangan Abduqodir Xusanov asosiy tarkibda maydonga tushdi. Bahs Cityning uyida, 2025-yil 14-sentabr kuni oʻtkazildi va Foden hamda Haalandning gollari ortidan 3:0 hisobidagi gʻalaba bilan yakunlandi[51].

Statistika

[tahrir | manbasini tahrirlash]

2025-yil 14-sentabr holatiga ko‘ra, jamoalar oʻrtasida 197 ta rasmiy oʻyin oʻtkazilgan. Shundan United 80 marta g‘alaba qozongan, City 62 marta yutgan, qolgan 55 oʻyin durang bilan yakunlangan.

Manchester derbisidagi eng yirik g‘alabalar Manchester Cityga tegishli: ular rasmiy derbilarda ikkita 6:1 hisobidagi g‘alabaga erishgan (har ikki marta Old Trafforddagi safar oʻyinida), biri 1926-yil 23-yanvarda, ikkinchisi 2011-yil 23-oktabrda. United esa Cityga qarshi 7:1 hisobida g‘alaba qozongan, bu War League oʻyinida, 1941-yil 14-aprelda Maine Road stadionida oʻtkazilgan, ammo bu rasmiy oʻyin hisoblanmagani uchun derbidagi eng yirik g‘alaba sifatida hisobga olinmaydi[52]. Har ikki jamoa bir marta 5:0 hisobida g‘alaba qozongan: City 1955-yilda, United 1994-yilda. Manchester derbisidagi eng koʻp tomoshabinlar soni 78,000 kishini tashkil etgan (1947-yil 20-sentabr)[52], bu vaqtda ikkala klub ham Maine Roadda oʻynayotgan edi, chunki Old Trafford Ikkinchi jahon urushi vaqtida bombardimon qilingani sababli ta’mirlanayotgan edi.

Manchester City va Manchester Unitedning ligalardagi oʻrni (1893–2025)
2025-yil 14-sentabr holatiga koʻra
Musobaqa Oʻyin City D United City gollari United gollari
Premyer-liga 57 21 10 26 84 79
Birinchi Divizion 104 30 39 35 147 141
Ikkinchi Divizion 12 2 4 6 13 21
Angliya kubogi 11 4 0 7 15 21
Angliya Liga kubogi 10 5 1 4 16 11
Angliya Superkubogi 3 0 1 2 3 5
Jami 197 62 55 80 278 278

Toʻpurarlar

[tahrir | manbasini tahrirlash]

Statistik maʼlumotlar 1960/61-yilgi mavsumdagi to‘xtatilgan o‘yinni hisobga olmaydi. Yotiq uslubda berilgan futbolchilar joriy vaqtda Manchester City yoki Manchester Unitedda o‘ynayotgan futbolchilarni bildiradi[53].

2025-yil 14-sentabr holatiga koʻra
Oʻyinchi Jamoa Liga Kubok Liga kubogi Superkubok Jami
Angliya Wayne Rooney Manchester United 8 2 1 0 11
Angliya Joe Hayes Manchester City 9 1 0 0 10
Angliya Francis Lee Manchester City 9 0 1 0 10
Argentina Sergio Agüero Manchester City 8 1 0 0 9
Angliya Bobby Charlton Manchester United 7 0 2 0 9
Angliya Colin Bell Manchester City 7 0 1 0 8
Fransiya Eric Cantona Manchester United 7 1 0 0 8
Norvegiya Erling Haaland Manchester City 8 0 0 0 8
Angliya Brian Kidd Manchester United (5)
Manchester City (3) 		6 2 0 0 8
Angliya Joe Spence Manchester United 8 0 0 0 8
Angliya Paul Scholes Manchester United 5 1 1 0 7
Angliya Dennis Viollet Manchester United 6 0 0 1 7
Angliya Phil Foden Manchester City 7 0 0 0 7

Eng koʻp maydonga tushganlar

[tahrir | manbasini tahrirlash]
Apps Player Club
37 Ryan Giggs United
28 David de Gea United
27 Bobby Charlton United
26 Joe Corrigan City
Paul Scholes United
25 Alan Oakes City
Wayne Rooney United
24 Mike Doyle City
Rio Ferdinand United
Vincent Kompany City
Alex Stepney United

Hat-tricks

[tahrir | manbasini tahrirlash]

Shu paytgacha 8 nafar futbolchilar rasmiy derbilarda xet-trik amalga oshirgan

Oʻyinchi Jamoasi Hisob Sana Musobaqa Stadion
Angliya Dick Smith4 Manchester United 2–5 (A) 1894-yil 3-noyabr 1894/95-yilgi Ikkinchi divizion Hyde Road
Angliya Horace Barnes Manchester City 4–1 (H) 1921-yil 22-oktabr 1921/22-yilgi Birinchi divizion Hyde Road
Angliya Joe Spence Manchester United 3–1 (H) 1921-yil 29-oktabr 1921/22-yilgi Birinchi divizion Old Trafford
Shotlandiya Alex Dawson Manchester United 5–1 (H) 1960-yil 21-dekabr 1960/61-yilgi Birinchi divizion Old Trafford
Angliya Francis Lee Manchester City 1–4 (A) 1970-yil 12-dekabr 1970/71-yilgi Birinchi divizion Old Trafford
Rossiya Andrey Kanchelskis Manchester United 5–0 (H) 1994-yil 10-noyabr 1994/95-yilgi Premyer-liga Old Trafford
Norvegiya Erling Haaland Manchester City 6–3 (H) 2022-yil 2-oktabr 2022/23-yilgi Premyer-liga City of Manchester Stadium
Angliya Phil Foden Manchester City 6–3 (H) 2022-yil 2-oktabr 2022/23-yilgi Premyer-liga City of Manchester Stadium

Izohlar

  • 4 = 4 ta gol kiritgan; (H) = Uyda, (A) = Safarda.
  • Oʻrtoqlik oʻyinlari hisoblanmagan.

Rekordlar

[tahrir | manbasini tahrirlash]
  • Oʻrtoqlik oʻyinlari hisoblanmagan.

Natijalar

[tahrir | manbasini tahrirlash]

Eng yirik gʻalabalar (5 va undan ortiq gol)

[tahrir | manbasini tahrirlash]
Gollar nisbati Natija Sana Musobaqa
5 United 1–6 City 1926-yil 23-yanvar 1925/26-yilgi Birinchi divizion
United 0–5 City 1955-yil 12-fevral 1954/55-yilgi Birinchi divizion
United 5–0 City 1994-yil 10-noyabr 1994/95-yilgi Premyer-liga
United 1–6 City 2011-yil 23-oktabr 2011/12-yilgi Premyer-liga

Bir oʻyinda eng koʻp gollar

[tahrir | manbasini tahrirlash]
Gollar Natija Sana Musobaqa
9 City 6–3 United 2022-yil 2-oktabr 2022/23-yilgi Premyer-liga
7 City 2–5 United 1894-yil 3-noyabr 1894/95-yilgi Ikkinchi divizion
United 1–6 City 1926-yil 23-yanvar 1925/26-yilgi Birinchi divizion
City 3–4 United 1971-yil 5-may 1970/71-yilgi Birinchi divizion
United 4–3 City 2009-yil 20-sentabr 2009/10-yilgi Premyer-liga
United 1–6 City 2011-yil 23-oktabr 2011/12-yilgi Premyer-liga
6 United 5–1 City 1891-yil 3-oktabr 1891/92-yilgi Angliya kubogi
City 2–4 United 1957-yil 2-yanvar 1956/57-yilgi Birinchi divizion
United 5–1 City 1960-yil 31-dekabr 1960/61-yilgi Birinchi divizion
City 3–3 United 1971-yil 6-noyabr 1971/72-yilgi Birinchi divizion
City 5–1 United 1989-yil 23-sentabr 1989/90-yilgi Birinchi divizion
United 4–2 City 2004-yil 14-fevral 2003/04-yilgi Angliya kubogi
United 4–2 City 2015-yil 12-aprel 2014/15-yilgi Premyer-liga

Seriyalar

[tahrir | manbasini tahrirlash]
Eng uzoq gʻalabalar seriyasi
[tahrir | manbasini tahrirlash]
Oʻyinlar soni Jamoa Davr
8 United 1993-yil 7-noyabr – 2000-yil 18-noyabr
5 United 1955-yil 31-dekabr – 1957-yil 31-avgust
4 City 1954-yil 25-sentabr – 1955-yil 3-sentabr
United 1960-yil 31-dekabr – 1962-yil 10-fevral
City 2013-yil 8-aprel – 2014-yil 2-noyabr
Eng uzoq durangli seriyasi
[tahrir | manbasini tahrirlash]
Oʻyinlar soni Davr
4 1947-yil 20-sentabr – 1949-yil 22-yanvar
Eng uzoq durangsiz seriya
[tahrir | manbasini tahrirlash]
Oʻyinlar soni Davr
12 2011-yil 12-fevral – 2015-yil 12-aprel
11 2006-yil 14-yanvar – 2010-yil 17-aprel
10 2021-yil 6-yanvar – 2024-yil 25-may
9 1954-yil 25-sentabr – 1957-yil 31-avgust
8 1993-yil 7-noyabr – 2000-yil 18-noyabr
2017-yil 10-dekabr – 2020-yil 8-mart
Eng uzoq magʻlubiyatsiz seriya
[tahrir | manbasini tahrirlash]
Oʻyinlar soni Jamoa Davr
16 United 1990-yil 3-fevral – 2001-yil 21-aprel
9 United 1907-yil 6-aprel – 1911-yil 30-dekabr
City 1952-yil 19-yanvar – 1955-yil 3-sentabr
United 1981-yil 10-oktabr – 1987-yil 7-mart
8 United 1947-yil 20-sentabr – 1952-yil 19-yanvar
United 1955-yil 31-dekabr – 1959-yil 16-fevral
Eng uzoq gol oʻtkazmaslik seriyasi
[tahrir | manbasini tahrirlash]
Oʻyinlar soni Jamoa Davr
4 City 1972-yil 18-noyabr – 1974-yil 27-aprel
United 1994-yil 23-aprel – 1995-yil 14-oktabr
Eng uzoq gol urilgan seriya
[tahrir | manbasini tahrirlash]
Oʻyinlar soni Jamoa Davr
17 United 1992-yil 7-aprel – 2004-yil 14-mart
13 City 1949-yil 3-sentabr – 1955-yil 31-dekabr
12 United 1982-yil 27-fevral – 1991-yil 4-may
City 2011-yil 12-fevral – 2015-yil 14-aprel
10 City 1920-yil 20-noyabr – 1929-yil 5-oktabr
United 1960-yil 31-dekabr – 1968-yil 27-mart
City 2021-yil 6-noyabr – 2024-yil 15-dekabr
8 United 1955-yil 31-dekabr – 1959-yil 14-fevral
United 1969-yil 3-dekabr – 1972-yil 12-aprel

Murabbiylar

[tahrir | manbasini tahrirlash]

Eng koʻp oʻyinlar

[tahrir | manbasini tahrirlash]
2025-yil 14-sentabr holatiga koʻra
Oʻrin Murabbiy Jamoa Oʻyinlar soni Yillar Musobaqa(lar) (oʻyinlar)
1 Shotlandiya Alex Ferguson United 47 1986–2013 Birinchi divizion/Premyer-liga (39)
Angliya kubogi (5)
Liga kubogi (2)
Angliya Superkubogi (1)
2 Shotlandiya Matt Busby United 39 1945–1969 Birinchi divizion (36)
Angliya kubogi (2)
Angliya Superkubogi (1)
3 Shotlandiya Les McDowall City 26 1950–1963 Birinchi divizion (24)
Angliya kubogi (1)
Angliya Superkubogi (1)
Ispaniya Pep Guardiola City 2016–hozir Premyer-liga (19)
Angliya kubogi (2)
Liga kubogi (4)
Angliya Superkubogi (1)

Eng koʻp gʻalabalar

[tahrir | manbasini tahrirlash]
Oʻrin Murabbiy Jamoa Davr Gʻalabalar
1 Shotlandiya Alex Ferguson United 1986–2013 26
2 Shotlandiya Matt Busby United 1945–1969 15
3 Ispaniya Pep Guardiola City 2016–hozir 13
4 Shotlandiya Les McDowall City 1950–1963 8

Izohlar

[tahrir | manbasini tahrirlash]

Adabiyotlar

[tahrir | manbasini tahrirlash]

Manbalar

[tahrir | manbasini tahrirlash]
  1. ↑ Gary James, Manchester: The Greatest City (Polar Publishing, 2002), 12-bet.
  2. ↑ Manchester City – The Birth of the Blues 1880–1894. Stockport: Paul Toovey, 2009 — 90-bet. ISBN 978-0-9561910-0-7. 
  3. ↑ James, Gary. Manchester – A Football History. Halifax: James Ward, 2008 — 71–72-bet. ISBN 978-0-9558127-0-5. 
  4. ↑ Billy Gillespie, BlueMoon.
  5. ↑ MUFCInfo.com MUFCInfo.com.
  6. ↑ „"A quick look back"“, Manchester City v Manchester United match programme, 1967-yil 30-sentabr — 17-bet. 
  7. ↑ Ward, The Manchester City Story, 14-bet.
  8. ↑ James, Manchester – A Football History, 117- va 9-betlar
  9. ↑ Cawley & James, The Pride of Manchester, 41-bet.
  10. ↑ Gary James & Keith Mellor, From Maine Men To Banana Citizens (Temple Press, 1989-yil), 8-bet.
  11. ↑ Steve Cawley & Gary James, The Pride of Manchester – A History of the Manchester Derby (ACL & Polar Publishing, 1991-yil), 320-bet.
  12. ↑ Gary James, Manchester: The Greatest City (Polar Publishing, 2002-yil), 283-bet.
  13. ↑ „Derby day memories: Lou Macari“. Manchester Evening News. MEN Media (2005-yil 8-fevral).
  14. ↑ „About Man Utd | Manchester United vs Manchester City - 27 Sep 1980“. 2012-yil 5-noyabrda asl nusxadan arxivlangan.
  15. ↑ „About Man Utd | 1982-1983, Manchester United season“. 2012-yil 16-noyabrda asl nusxadan arxivlangan.
  16. ↑ „Manchester United Results 1985-86, Division One, FA Cup, League Cup“. 2011-yil 5-sentyabrda asl nusxadan arxivlangan.
  17. ↑ „Manchester United Results 1986-87, Division One, FA Cup, League Cup“. 2012-yil 29-avgustda asl nusxadan arxivlangan.
  18. ↑ „From the Vault: Manchester City beat United 5–1“. The Guardian (2009-yil 23-sentyabr).
  19. ↑ „Man City a small club – Ferguson“. bbc.co.uk (2009-yil 26-iyul).
  20. ↑ Ducker, James. „Sir Alex Ferguson stokes up hostilities with Manchester City after derby victory“ (2009-yil 21-sentyabr).[sayt ishlamaydi]
  21. ↑ „Boss Ferguson hails 'best derby'“. BBC Sport. British Broadcasting Corporation (2009-yil 20-sentyabr).
  22. ↑ „Ferguson hails 'best ever derby'“. BBC Sport. British Broadcasting Corporation (2009-yil 20-sentyabr).
  23. ↑ „Manchester derby wins 20 Seasons Best Match“. Premier League (2012-yil 12-may). 2012-yil 15-mayda asl nusxadan arxivlangan.
  24. ↑ McCarra, Kevin. „Manchester City 1–0 Manchester United“. The Guardian (2012-yil 30-aprel).
  25. ↑ „Man City boss Roberto Mancini reacts to Sir Alex Ferguson jibe“. BBC Sport (2012-yil 1-may).
  26. ↑ Slater, Matt. „Sir Alex Ferguson handed five-match ban for outburst“. BBC News (2011-yil 17-mart).
  27. ↑ McNulty, Phil. „Manchester City 1–0 Manchester United“. BBC Sport.
  28. ↑ „Man City 2 Man Utd 3: RVP ends City's unbeaten home run“ (2012-yil 9-dekabr).
  29. ↑ „Fixture | Man City vs Man Utd“. 2014-yil 10-oktyabrda asl nusxadan arxivlangan.
  30. ↑ Rich, Tim. „Manuel Pellegrini has six games to save his Manchester City job... he must qualify for the Champions League“. The Independent (2015-yil 13-aprel).
  31. ↑ „Manchester City 0 - 1 Manchester United Match report - 20/03/2016 Premier League - Goal.com“.
  32. ↑ McNulty, Phil. „Manchester United 1-2 Manchester City“. BBC Sport (2016-yil 10-sentyabr).
  33. ↑ Reddy, Luke. „Manchester United 1-0 Manchester City“. BBC Sport (2016-yil 26-oktyabr).
  34. ↑ McNulty, Phil. „Manchester City 0-0 Manchester United“. BBC Sport (2017-yil 27-aprel).
  35. ↑ McNulty, Phil. „Manchester United 1-2 Manchester City“. BBC Sport (2017-yil 10-dekabr).
  36. ↑ McNulty, Phil. „Manchester City 2-3 Manchester United“. BBC Sport (2018-yil 7-aprel).
  37. ↑ Bevan, Chris. „Manchester City 1-2 Manchester United: Ole Gunnar Solskjaer's side dent City's title hopes“. BBC Sport (2019-yil 7-dekabr).
  38. ↑ Bevan, Chris. „Carabao Cup - Man Utd 1-3 Man City: Holders overwhelm rivals in semi-final first leg“. BBC Sport (2020-yil 7-yanvar).
  39. ↑ Bevan, Chris. „Manchester City 0-1 Manchester United (agg: 3-2): Blues into EFL Cup final despite defeat“. BBC Sport (2020-yil 29-yanvar).
  40. ↑ McNulty, Phil. „Man Utd 2-0 Man City: Anthony Martial and Scott McTominay score in derby win“. BBC Sport (2020-yil 8-mart).
  41. ↑ Stone, Simon. „Manchester Utd 0-2 Manchester City“. BBC Sport (2021-yil 6-yanvar).
  42. ↑ McNulty, Phil. „Man City 0-2 Man Utd: Bruno Fernandes & Luke Shaw seal derby win“. BBC Sport (2021-yil 7-mart).
  43. ↑ „Man City v Man Utd, 2021/22 | Premier League“. PremierLeague.com. Premier League (2022-yil 6-mart).
  44. ↑ McNulty, Phil. „Man City 6-3 Man Utd: Haaland and Foden hat-tricks as hosts hit six“. BBC Sport. British Broadcasting Corporation (2022-yil 2-oktyabr).
  45. ↑ Smyth, Rob. „Manchester City 3-1 Manchester United: Premier League – as it happened“. The Guardian (2024-yil 3-aprel).
  46. ↑ Millar, Colin. „Newcastle miss out on Europe, Chelsea in Conference League after Man Utd win FA Cup“. The Athletic (2024-yil 25-may).
  47. ↑ „Man City 1–2 Man Utd: Erik ten Hag's side end season on high with stunning FA Cup final win at Wembley“. Sky Sports (2024-yil 25-may).
  48. ↑ „Man City 1-1 Man United (Aug 10, 2024) Final Score“ (en). ESPN.
  49. ↑ „Manchester City v Manchester United | 2024/2025 | Premier League | Overview“ (en). www.premierleague.com.
  50. ↑ „Manchester United v Manchester City | 2024/2025 | Premier League | Overview“ (en). www.premierleague.com. Qaraldi: 2025-yil 22-sentyabr.
  51. ↑ „Manchester City v Manchester United | 2025/2026 | Premier League | Overview“ (en). www.premierleague.com.
  52. ↑ 52,0 52,1 „Opponents: Manchester United“. Mcfcstats.com derby statistics.
  53. ↑ Julian Baskcomb & Julia Byrne (eds.) Manchester City Official Handbook 1997–98 (Polar, 1997-yil), 99–101-betlar

Havolalar

[tahrir | manbasini tahrirlash]
"https://uz.wikipedia.org/w/index.php?title=Manchester_derbisi&oldid=5765039" dan olindi