Lord Voldemort

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Lord Voldemort
Harry Potter qahramoni
Birinchi namoyish Harry Potter va hikmatlar toshi (1997)
Oxirgi namoyish Harry Potter va ajal tuhfalari (2007)
Yaratuvchi(lar) J. K. Rowling
Ovoz berganlar Eddie Izzard (The Lego Batman Movie)
Liam O'Brien (Lego Dimensions)
Maʼlumot
To‘liq nomi Tom Marvolo Riddle
Boshqa nomlari The Heir of Slytherin
Qora Lord
Taxalluslari You-Know-Who
He-Who-Must-Not-Be-Named
Oilasi Tom Riddle (otasi)
Merope Riddle née Gaunt (onasi)
Qarindoshlari Thomas Riddle (ota tarafdan bobosi)
Mary Riddle (ota tarafdan buvisi)
Marvolo Gaunt (ona tarafdan bobosi)
Morfin Gaunt (ona tarafdan buvisi)
Millati britan
Slytherin
Tugʻilgan sanasi 31-dekabr 1926-yil

Lord Voldemort (filmlarda /ˈvldəmɔːr/, /-mɔːrt/[1]) — Tom Marvolo Riddlening taxallusi, yozuvchi J. K. Rowling qalamiga mansub Harry Potter turkum romanlaridagi obraz va yovuz bosh qahramon. Bu obraz birinchi marta 1997-yilda nashr etilgan Harry Potter va hikmatlar toshi kitobida paydo boʻlgan, faqatgina uchinchi kitob — Harry Potter va Azkaban mahbusidan tashqari har bir kitobda va kitob asosida suratga olingan filmda qatnashgan yoki bevosita eslab oʻtilgan — oʻsha asarda u faqat eslatib oʻtilgan.

Voldemort bashoratga koʻra „Yovuz Hukmdorni yengishga qodir boʻlgan bolakay“ — Harry Potterning ashaddiy dushmani. U bolani oʻldirmoqchi boʻladi, lekin buning oʻrniga ota-onasi Lily va James Potterni oʻldiradi va Harryning peshonasida chaqmoq shaklida chandiq qoldiradi. Deyarli hech bir jodugar yoki sehrgar uning ismini aytishga jur’at eta olmaydi, uning oʻrniga „oʻzingiz bilasiz kimligini“, „ismi aytilmasligi kerak boʻlgan inson“ yoki „yovuz hukmdor“ kabi laqablar bilan unga murojaat qiladi. Voldemortning qon tozaligiga boʻlgan ishtiyoqi uning sehrgarlar dunyosini muggle (sehrli boʻlmagan) qavmidan xalos qilish va sof qon hukmronligiga erishish uchun ikkala dunyo — sehrgarlar va mugglelar dunyosini zabt etish maqsadini anglatadi. Onasining oilasi tomonidan u Hogwarts jodugarlik va sehrgarlik maktabining toʻrtta asoschilaridan biri — sehrgar Salazar Slytherinning soʻnggi avlodi.[2][3] U bir gala yovuz sehrgarlar va jodugarlar — sehrgarlar dunyosini sehrgar boʻlmaganlardan xalos qilish va Voldemortni uning oliy hukmdori sifatida belgilagan guruh — Ajal kasofatlarining rahbari.

1999-yilda bergan intervyusida Rowling Voldemortni Harry Potterning dushmani sifatida yaratganini va u dastlab Voldemortning hikoyasini ataylab aytmaganini bildiradi. „Asosiy gʻoya [Harry] oʻzining sehrgar ekanligini bilmaganligi edi… Va shuning uchun men bu qanday boʻlishi mumkinligini, u oʻzining kim ekanligini bilmasligini bilish uchun oʻsha pozitsiyadan orqaga qarab ishladim… U bir yoshga toʻlganda, yuzlab yillar davomida eng yovuz sehrgar uni oʻldirishga harakat qildi. U Harryning ota-onasini oʻldirdi, keyin esa Harryni oʻldirmoqchi boʻldi — uni laʼnatlashga urindi… Biz bilishimizdan oldin Harry buni bilib olishi kerak. Va shunday boʻldi — lekin qandaydir sirli sabablarga koʻra tavqi laʼnat Harryga taʼsir qilmadi. Shunday qilib, uning peshonasida chaqmoq shaklidagi chandiq qoldi va tavqi laʼnat oʻshandan beri yashirinib yurgan yovuz sehrgarga qaytadi“.[4]

Manbalar[tahrir | manbasini tahrirlash]

  1. Takahama, Valerie „Enchanted with Potter Literature: Fans line up for hours to get their books signed“. The Orange County Register. Santa Ana, California: Digital First Media (26-oktabr 1999-yil). Qaraldi: 28-dekabr 2006-yil.
  2. Rowling, J. K. „The Heir of Slytherin“,. Harry Potter va maxfiy hujra. Bloomsbury, 1998.. ISBN 0747538492. 
  3. Rowling, J. K. „Lord Voldemort's Request“,. Harry Potter va tilsim shahzodasi. Bloomsbury, 2005.. ISBN 0747581088. 
  4. „J.K. Rowling on The Diane Rehm Show“. WAMU Radio Washington, D.C. (20-oktabr 1999-yil). Qaraldi: 15-avgust 2007-yil.

Havolalar[tahrir | manbasini tahrirlash]