Logotip

Logotip (qadimgi yunoncha: λόγος (lógos) – „soʻz, nutq“ + τύπος (túpos) – „belgi, iz“) — 1) Ma’lum bir mahsulotni ishlab chiqaruvchi korxona yoki muayyan faoliyat bilan shugʻullanuvchi tashkilotning grafik shakldagi oʻziga xos tamgʻasi, ramzi; 2) Bosmaxona tizimida eng ko‘p qo‘llanuvchi harf, boʻg‘in yoki biror-bir belgining metalldan (ba’zan yog‘ochdan) tayyorlanib, qo‘lda teriladigan quymasi; qadimiy poligrafik litera^[1]. Logotip brendning yuzi hisoblanadi. U mijozlar bilan birinchi vizual aloqani o‘rnatadi. Yaxshi logotip brendni raqobatchilardan ajratib turadi va mijozlar bilan uzoq muddatli aloqa o‘rnatadi.^[2]

Logotip turlari

Logotip 4 ta asosiy elementdan tarkib topadi. Bular rang, tipografiya, tasvir va shiordir. Zamonaviy logotiplarning bir qancha turlari bor:

Monogram (or lettermark) logo — bu harflardan iborat logotiplar. Odatda brendning bosh harflaridan tashkil topadi. Masalan: IBM, HP, CNN, NASA.
Wordmark logo — bu shriftga asoslangan logotip boʻlib, u asosan biznes nomiga qaratiladi. Masalan: Visa, Coca-Cola, Google.
Pictorial mark logo — tasviriy, piktogramma yoki grafik belgiga asoslangan logotip. Bu turga misol qilib Apple, Twitter kabi kompaniyatlarning logotiplarini olishimiz mumkin.
Abstract logo — bu tasviriy logotipning oʻziga xos turi. Apple yoki Twitter logotiplari kabi taniqli, aniq tasvir oʻrniga, bu biznesni ifodalovchi mavhum geometrik shakldan iborat boʻladi. Bunga misol Pepsi va Adidas logotiplari.
Mascot logo — koʻpincha rang-barang, baʼzan esa multfilmga oʻxshash, tasvirlangan xarakterga ega boʻlgan logotiplardir. Misol tariqasida KFC, Pomidor Doʻppi logotiplarini keltirishim mumkin.
Combination mark — soʻz, grafik belgi yoki mascot logolari birlashgan turi. Belgi va matn yonma-yon joylashtirilishi, bir-birining ustiga qoʻyilishi yoki umumiy tasvir yaratish uchun birlashtirilishi mumkin. Masalan: Burger King, Lacoste, Paynet.
Emblem — belgi yoki belgi ichidagi soʻzlardan iborat logotip turi. Koʻpincha maktablar, tashkilotlar yoki davlat idoralari uchun qoʻllanadi. Masalan: Starbucks.

Yana qarang

Manbalar

↑ O‘zbek tilining izohli lug‘ati. Toshkent: G‘afur G‘ulom nomidagi nashriyot-matbaa ijodiy uyi, 2023 — 964-bet. ISBN 978-9943-8834-4-4.
↑ „Logotip nima? Logotip qanday yasaladi?“. Javoblar.com. Qaraldi: 2025-yil 23-aprel.

Ushbu maqola chaladir. Siz uni boyitib, Vikipediyaga yordam berishingiz mumkin.
Bu andozani aniqrogʻiga almashtirish kerak.

[1] O‘zbek tilining izohli lug‘ati. Toshkent: G‘afur G‘ulom nomidagi nashriyot-matbaa ijodiy uyi, 2023 — 964-bet. ISBN 978-9943-8834-4-4.

[2] „Logotip nima? Logotip qanday yasaladi?“. Javoblar.com. Qaraldi: 2025-yil 23-aprel.

[1]

[2]