Koumi (Nagano)
Koumi 小海町 | |
|---|---|
| Shaharcha | |
 | |
 Bayroq Koumi Gerb | |
| 36°5′42.1″N 138°29′0.6″E / 36.095028°N 138.483500°E G OKoordinatalari: 36°5′42.1″N 138°29′0.6″E / 36.095028°N 138.483500°E G O | |
| Mamlakat | Yaponiya |
| Mintaqa | Chubu viloyati |
| Asos solingan | 1889-yil 1-aprel |
| Maydon | 114.20 km2 (44.09 mi²) |
| Rasmiy til(lar)i | yapon |
| Aholisi (April 2019) |
4 676 |
| Zichligi | 41 kishi/km2 |
| Vaqt mintaqasi | UTC+9:00 |
| Telefon kodi | 0267-92-1192 |
|
| |
Koumi (yaponcha: 小海町 Koumi-machi) Yaponiyaning Nagano prefekturasida joylashgan shaharchadir. 2019-yil 1-aprel holatiga koʻra, shaharda 2012-yilda uy xoʻjaliklarida hisoblangan aholi soni 4676 kishini[1], aholi zichligi esa har kvadrat kilometrga 41 kishini tashkil qilgan. Shaharning umumiy maydoni 114,20 kvadrat kilometr (44,09 mi²) ga teng.
Shahar talismasi — „Ptylitza“ — gnomga oʻxshash xayoliy kichik jonzot boʻlib, uning tasvirlarini butun shahar boʻylab koʻrish mumkin[2].
Geografiyasi[tahrir | manbasini tahrirlash]
Koumi Naganoning uzoq sharqiy qismida joylashgan. Eng yaqin shahar — Sakudan mashinada taxminan 40 daqiqalik masofada oʻrnashgan. Nagano shahridan esa 100 km uzoqlikda. Tengu togʻi (2646 metr) Koumi va Chino chegarasida joylashgan, shahar boʻylab Chikuma daryosi oqib oʻtadi.
Atrofdagi munitsipalitetlar[tahrir | manbasini tahrirlash]
- Nagano prefekturasi
Iqlimi[tahrir | manbasini tahrirlash]
Shahar nam kontinental iqlimga ega boʻlib, yozi issiq va nam, qishi esa kuchli qor yogʻishi bilan ajralib turadi (Köppen iqlim tasnifi Dfb). Koumida oʻrtacha yillik harorat 8,2 °C ni tashkil etadi. Yillik oʻrtacha yogʻin miqdori 1398 mm boʻlib, sentyabr esa eng seryogʻin oy hisoblanadi. Avgustda eng yuqori harorat 20,9 °C, eng past harorati esa yanvarda, −4,0 °C atrofida boʻladi[3].
Demografiyasi[tahrir | manbasini tahrirlash]
Yaponiya aholini roʻyxatga olish maʼlumotlariga koʻra[4], Koumi aholisi soni soʻnggi 60 yil ichida kamaygan.
| Yil | Aholi | ±% |
|---|---|---|
| 1960 | 9,227 | — |
| 1970 | 7,636 | −17.2% |
| 1980 | 7,004 | −8.3% |
| 1990 | 6,63 | −5.3% |
| 2000 | 5,961 | −10.1% |
| 2010 | 5,178 | −13.1% |
| 2020 | 4,353 | −15.9% |
Tarixi[tahrir | manbasini tahrirlash]
Hozirgi Koumi hududi qadimgi Shinano provinsiyasining bir qismi boʻlgan. Koumi qishlogʻi 1889-yil 1-aprelda munitsipalitetlar tizimining oʻrnatilishi bilan tashkil etilgan. U 1956-yil 30-sentyabrda Kitamaki qishlogʻi bilan birlashtirildi va shahar maqomiga koʻtarildi.
Taʼlim tizimi[tahrir | manbasini tahrirlash]
Koumi shahar hukumati tomonidan boshqariladigan bitta davlat boshlangʻich maktabi hamda Kitaaiki va Minamiaiki qishloqlari bilan birgalikda bitta davlat oʻrta maktabi faoliyat yuritadi. Koumida Nagano prefekturasi taʼlim kengashi tomonidan boshqariladigan davlat yuqori maktabi mavjud.
Transporti[tahrir | manbasini tahrirlash]
Temir yoʻl[tahrir | manbasini tahrirlash]
Sharqiy Yaponiya temir yo'l kompaniyasi — Koumi liniyasi
- Matsubarako — Koumi — Managashi
.svg){kind=logo}
Magistral yoʻl[tahrir | manbasini tahrirlash]
- Milliy yoʻnalish 141
- Milliy yoʻnalish 299
Kumi shahridan chiqqan taniqli odamlar[tahrir | manbasini tahrirlash]
Makoto Shinkai, anime rejissyori. Shinkai oʻzining mashhur „Sening isming“ filmida koʻlni yaratishda oʻz shahridagi Matsubara koʻlidan ilhomlangan[5].
Galereya[tahrir | manbasini tahrirlash]
Manbalar[tahrir | manbasini tahrirlash]
- ↑ Koumi Town official statistics(yaponcha)
- ↑ „Index“. 24-sentabr 2017-yilda asl nusxadan arxivlangan. Qaraldi: 1-iyun 2006-yil.
- ↑ Koumi climate data
- ↑ Koumi population statistics
- ↑ „Relive the Film "Your Name" in Nagano – Go! Nagano“. www.go-nagano.net. 2017-yil 28-aprelda asl nusxadan arxivlangan.
Havolalar[tahrir | manbasini tahrirlash]
- Rasmiy sayti (yaponcha)
