Kompyuter oʻyinlari

Vikipediya, ochiq ensiklopediya

Kompyuter oʻyinlari - kompyuter yordamida oʻynaladigan koʻngilochar oʻyinlar va boshqotirma ermaqlar. Oʻyin maydoni kompyuter orqali boshqariladi yoki displey va televizor ekranida namoyon boʻladi. Turli oʻyinlar (mas, avtomobilni boshqarish, tennis, futbol oʻynash va boshqalar) ning kechishi va vaziyatlari modellari (dasturlari) tuzilib, Kompyuter oʻyinlari shular asosida tashqil qilinadi. Modelda oʻyinga jalb qilingan obʼyektlar va ular orasida boʻlishi mumkin boʻlgan munosabatlar aks etadi. Mas, bir oddiyroq oʻyin saviyasidan yuqoriroq oʻyin saviyasiga oʻtish shartlarini oʻz ichiga olgan oʻyin qoidalari ishlab chiqiladi. Kompyuter oʻyinlari "jokli" ravishda rivojlanibva murakkablashib borishi, yaqqolligi va vaziyatlarning son-sanoqsizligi bilan boshqa oʻyinlardan ajralib turadi. "Oʻyinchoqlar"ning mahorati va koʻnikmalari oshgan sari Kompyuter oʻyinlari qiziqarli va mazmunliroq boʻlib boradi.[1]

Manbalar[tahrir]

  1. OʻzME. Birinchi jild. Toshkent, 2000-yil