Kolo Toure
Kolo Habib Toure (fransuzcha: Kolo Habib Touré)-Kot- d’Ivuarlik futbolchi,himoyachi.1981-yil 19-martda Kot-d’Ivuarning Buake shahrida tugʻilgan.Angliyaning "Lester Siti „ klubi bosh murabbiyi.Angliyaning “Arsenal", „Manchester Siti“, "Liverpul" va Kot-d’Ivuar terma jamoalarida oʻynagani bilan tanilgan.Uning akasi Yaya ham mashhur professional futbolchi edi.
Klubdagi faoliyati[tahrir | manbasini tahrirlash]
Toure Buake shahrida tugʻilgan, otasi harbiy xizmatchi.Kolo va uning akalarining bolaligi harbiy lagerlarda oʻtdi. Yoshligida u ikkinchi otasi deb ataydigan fransuz murabbiyi Jan-Mark Giyu tomonidan Abidjan akademiyasiga taklif qilingan.Akademiyadan Toure „ASEK Mimozas“ professional klubiga oʻtdi, uni ham Giyu boshqargan.
2002-yil fevral oyida 20 yoshli Toure Angliya Premer-ligasining „Arsenal“ klubida sinovdan muvaffaqiyatli oʻtdi va tez orada klub bilan uzoq muddatli shartnoma imzoladi.U allaqachon Kot-d’Ivuar terma jamoasida muntazam oʻynagan va 2002-yilgi Afrika Millatlar Kubogida qatnashganligi sababli,Toure Buyuk Britaniyada ishlash uchun ruxsat olishda muammoga duch kelmadi[1].Uning transferi „Arsenal“ga 150 ming funt sterlingga tushdi[2].
Jamoa uchun debyut oʻyini 2002-yilda Angliya Superkubogida "Liverpul" ga qarshi kechgan[3].Kolo Toure dastlab „Arsenal“da himoyaviy yarim himoyachi sifatida oʻynagan, keyinroq oʻng qanot himoyasiga oʻtgan.U "Chelsi" ga qarshi[4] (1:1) „Stemford Brij“da „kanonirlar“ uchun birinchi golini kiritdi.
2009-yil 29-iyulda Toure Angliyaning „Manchester Siti“ klubiga oʻtdi.Transfer summasi oshkor etilmagan, biroq baʼzi OAVlar tomonidan 16 million funt sterling atrofida deb taxmin qilingan[5].
2013-yilning 28-mayida Toure erkin agent sifatida 2013-yilning 1-iyulidan boshlab „Liverpul“ga oʻtishi maʼlum boʻldi, shartnoma 2 mavsumga moʻljallangan[6].
2015-yilning yozida Kolo Toure klub bilan shartnomasini 1 yilga uzaytirdi.2016-yilda Toure shartnomasi tugagach klubni tark etdi.
2016-yilning 23-iyulida Toure Shotlandiyaning „Seltik“ klubi bilan shartnoma imzoladi.2017-yilda u futbolchilik faoliyatini yakunladi.
Terma jamoadagi faoliyati[tahrir | manbasini tahrirlash]
U 2000-yilda Kot-d’Ivuar terma jamoasida debyut qildi.121 oʻyin oʻtkazib,7 ta gol urgan.Afrika Millatlar Kubogi-2006 (finalgacha),Afrika Millatlar Kubogi-2008 (yarim finalga qadar,4-oʻrin),Afrika Millatlar Kubogi-2010 (chorak final), Afrika Millatlar Kubogi-2012 (finalgacha),Afrika Millatlar Kubogi-2013 (chorak final) va Afrika Millatlar Kubogi-2015 (gʻolib) va 2006-yilda Germaniyada boʻlib oʻtgan Jahon chempionatida (guruhdan chiqa olmagan),2010-yilda Janubiy Afrikada boʻlib oʻtgan Jahon chempionatida (guruhdan chiqa olmagan) va 2014-yil Braziliyada boʻlib oʻtgan jahon chempionati (guruhdan chiqa olmadi).Toure oʻz terma jamoasi sardori edi, ammo 2010-yilda uning oʻrniga Dide Drogba sardorlik qildi.
2015-yilning fevralida Afrika Millatlar Kubogi-2015 da gʻalaba qozonganidan soʻng, u terma jamoadagi faoliyatini yakunlaganini eʼlon qildi[7].
Murabbiylik faoliyati[tahrir | manbasini tahrirlash]
Faoliyatini 2017-yil sentabr oyida yakunlagandan soʻng darhol „Seltik“ga Brendon Rojers murabbiylar shtabida texnik yordamchi sifatida ishga kirdi.Shuningdek,Kot-d’Ivuar terma jamoasi bosh murabbiyi yordamchisiga aylandi.
2019-yil fevral oyida Rojers Angliya Premer-ligasining „Lester Siti“ klubi bosh murabbiyi etib tayinlandi va Toure unga birinchi jamoa boshqaruvchisi sifatida qoʻshildi[8].
Yutuqlari[tahrir | manbasini tahrirlash]
"ASEK Mimosas"
- Kot-d'Ivuar chempioni-2001,2002
"Arsenal"
- Premer-Liga chempioni-2003/04
- Angliya kubogi sohibi-2001/02,2002/03,2004/05
- Angliya Superkubogi sohibi-2002,2004
- Yevropa Chempionlar Ligasi finalchisi-2005/06
"Manchester Siti"
- Premer-Liga chempioni-2011/12
- Angliya kubogi gʻolibi-2010/11
- Angliya Superkubogi sohibi-2012
"Seltik"
- Shotlandiya chempioni-2016/17
- Shotlandiya kubogi sohibi-2016/17
- Shotlandiya ligasi kubogi sohibi-2016/17
Shahsiy hayot[tahrir | manbasini tahrirlash]
Koloning ukasi bor-futbolchi: Yaya.Uning 2014-yilda vafot etgan ikkinchi akasi Ibrohim „Telefonat Bani Suveyf“ klubi hujumchisi edi.
Kolo uylangan va ikki farzandi bor.
Manbalar[tahrir | manbasini tahrirlash]
- ↑ „Toure joins Gunners“ (en). BBC (14-fevral 2002-yil). 24-dekabr 2002-yilda asl nusxadan arxivlandi. Qaraldi: 12-noyabr 2021-yil.
- ↑ „Kolo Toure“ (en). Arsenal FC. 20-dekabr 2014-yilda asl nusxadan arxivlandi. Qaraldi: 12-noyabr 2021-yil.
- ↑ „Slick Arsenal win Shield“. BBC (11-avgust 2002-yil). Qaraldi: 9-aprel 2010-yil.
- ↑ „Arsenal make their point“. BBC (1-sentabr 2002-yil). Qaraldi: 9-aprel 2010-yil.
- ↑ „Защитник Коло Туре официально стал футболистом «Манчестер Сити»“. РИА Новости (29-iyul 2009-yil). 4-iyun 2012-yilda asl nusxadan arxivlandi. Qaraldi: 29-iyul 2009-yil.
- ↑ „Reds agree Toure deal“. 5-iyun 2013-yilda asl nusxadan arxivlandi. Qaraldi: 28-may 2013-yil.
- ↑ „Коло Туре завершил карьеру в сборной Кот-д’Ивуара“. 15-fevral 2015-yilda asl nusxadan arxivlandi. Qaraldi: 15-fevral 2015-yil.
- ↑ „Kolo Toure joins Brendan Rodgers' staff at Leicester City“ (en). BBC (27-fevral 2019-yil). 12-noyabr 2021-yilda asl nusxadan arxivlandi. Qaraldi: 12-noyabr 2021-yil.
Havolalar[tahrir | manbasini tahrirlash]
- Premer-liga veb-saytida oʻyinchi profili va statistikasi Wayback Machine saytida arxivlandi (2011-12-04).(ingl.) )
- „Liverpul“ rasmiy saytida oʻyinchi profili(ingl.) )